កីឡាករម្នាក់ថា Real Madrid លែងចាប់អាម្មណ៍ពីអវត្តមានរបស់ Ronaldo ហើយ

កីឡាកររបស់ក្រុមអធិរាជស Marco Asensio, Gareth Bale និង Karim Benzema បានបំពេញតួនាទីនៅតំបន់ប្រយុទ្ធដែលនៅទំនេរ បន្ទាប់ពី Cristiano Ronaldo បានចាកចេញពី Real Madrid សំរាប់រដូវកាលថ្មីនេះ នេះបើយោងតាមខ្សែបម្រើ Dani Ceballos។

ការប្រកួតជ័យជំនះ ក្នុងលទ្ធផល ២-១ ទល់នឹងក្រុម Roma បានធ្វើអោយអ្នកគាំទ្រមានទំនុកចិត្តចំពោះ កីឡាករតំបន់ប្រយុទ្ធ BBA ហើយ Ceballos រំពឹងថា ការផ្លាស់ប្ដូរទម្រង់លេងអាចជួយក្រុមបច្ចុប្បន្នអោយកាន់តែល្អជាងមុន។

នៅក្នុងបទសម្ភាសន៍ជាមួយនឹងអ្នកកាសែត ខ្សែបម្រើរូបនេះបាននិយាយថា៖ “យើងប្រើទម្រង់លេងខុសប្លែកពីមុន ជាមួយនឹងការគ្រប់គ្រងបាល់បានច្រើន ហើយនឹងការដាក់សំពាធ សំរាប់ការរកគ្រាប់បាល់ ខណៈដែល Bale រួមនឹងមិត្តរួមក្រុមនៅតំបន់ប្រយុទ្ធ Benzema និង Marco ធ្វើបានល្អដូចគ្នា។ អ្នកនឹងលែងចាប់អារម្មណ៍ពីអវត្តមានរបស់ Cristiano។”

សំរាប់ការចាកចេញរបស់ Mateo Kovacic អាចជាដំណឹងល្អសំរាប់ Ceballos ព្រោះគេអាចមានឱកាសចូលលេងបានច្រើន នៅក្រោមការដឹកនាំរបស់អ្នកចាត់ការថ្មីលោក Julen Lopetegui។

ខ្សែបម្រើអេស្ប៉ាញរូបនេះបានបន្ថែមថា៖ “យើងនឹងរង់ចាំ ការសំរេចចិត្តក្នុងការជ្រើសរើសកីឡាករនៅក្នុងក្រុមដើម្បីប្រកួត ដែលសំរេចដោយគ្រូបង្វឹក ហើយខ្ញុំនឹងខិតខំយ៉ាងខ្លាំងដើម្បីគាត់។ សំរាប់ការប្រកួតទល់នឹង​ Manchester United យើងធ្វើបានល្អ ហើយសំរាប់ពីប្រកួតចុងក្រោយនេះ យើងទទួលបានជ័យជំនះ ហើយយើងលេងបានល្អ ដែលធ្វើអោយខ្ញុំមានទំនុកចិត្ត”៕

ប្រភព៖ Marca

អត្ថបទដែលជាប់ទាក់ទង៖

[វីដេអូ] Asensio និង Bale នៅតែជាតួឯក ជួយអោយ Real Madrid យកឈ្នះ Roma

Ronaldo អាចនឹងត្រលប់មកកាន់ទឹកដី Santiago Bernabeu វិញនៅប៉ុន្មានថ្ងៃខាងមុខ