កីឡាករសំខាន់ពីររូបរបស់ Liverpool អាចចូលហ្វឹកហាត់ពេញលេញ មុនប៉ះ Man United ចុងសប្ដាហ៍នេះ

កីឡាករសំខាន់ពីររូបរបស់ Liverpool គឺ Fabinho និង Joel Matip បានត្រលប់មកហ្វឹកហាត់ពេញលេញជាមួយនឹងមិត្តរួមក្រុមកាលពីថ្ងៃពុធកន្លងទៅ មុនការប្រកួតជាមួយនឹង Manchester United ចុងសប្ដាហ៍នេះ។

ខ្សែបម្រើ Fabinho បានអវត្តមានពីទីលានប្រកួត ចាប់តាំងពីរូបគេមានបញ្ហារបួសកជើង កំឡុងការប្រកួតទល់នឹង Napoli នៅ Champions League កាលពីថ្ងៃទី ២៧ ខែវិច្ឆិកាកន្លងទៅ ខណៈដែលខ្សែការពារកណ្ដាល Matip មិនបានចូលលេងតាំងពី Liverpool ប៉ះជាមួយ Man United ដោយសារបញ្ហារបួស ក្នុងការប្រកួតជ័យជំនះទល់នឹង Sheffield United។

ដោយឡែកខ្សែការពារ Dejan Lovren ក៏មានធូរស្បើយច្រើនពីបញ្ហារបួសភ្លៅ ប៉ុន្ដែកីឡាកររូបនេះ មិនទាន់អាចត្រលប់មកចូលហ្វឹកហាត់ពេញលេញនៅឡើយ។

គួរបញ្ជាក់ថា Liverpool នឹងបើកកីឡដ្ឋាន Anfield ទទួលស្វាគមន៍ Manchester United នៅរាត្រីថ្ងៃអាទិត្យវេលាម៉ោង ១១៖៣០នាទីយប់ ដោយជំនួបរវាងក្រុមទាំងពីរ កាលប៉ះគ្នានៅទឹកដី Old Trafford បានបញ្ចប់ត្រឹមលទ្ធផល ១-១ ហើយវាជាការប្រកួតតែមួយគត់ដែល ហង្សក្រហម មិនអាចយកបាន៣ពិន្ទុនៅក្នុងលីគ រដូវកាលនេះ៕

ប្រភព៖ Sky Sports

អានអត្ថបទបន្ទាប់៖ Liverpool ​ត្រៀម ១០៧ លាន​ផោន ​ចង់​នាំ​យក​កីឡាករ​វ័យ ២០ ឆ្នាំ​មក Anfield

បើ​តាម​របាយការណ៍​ចុង​ក្រោយ​មួយ​បាន​ឲ្យ​ដឹង​ថា​ហង្ស​ក្រហម Liverpool កំពុង​ចាប់​អារម្មណ៍​ចង់​នាំ​យក​កីឡាករ​តម្លៃ ១០៧ លាន​ផោន​មួយ​រូប​ពី Bayer Leverkusen មក​ចូលរួម​នៅ​ទឹកដី Anfield។

Kai Havertz
Kai Havertz

នោះ​គឺ​យុវជន​វ័យ ២០ ឆ្នាំ Kai Havertz ដែល​ជា​យុវជន​លេចធ្លោ​មួយ​រូប ជាប់​ឈ្មោះ​ក្នុង Team of the Season កាល​ពី​ឆ្នាំ​ទៅ នៅ Bundesliga ផង​ដែរ។

Jurgen Klopp
Kai Havertz

Havertz បាន​បង្ហាញ​ខ្លួន​តាំង​ពី​អាយុ ១៦ ឆ្នាំ​មក​ទល់​ពេល​នេះ​បង្ហាញ​ខ្លួន ១០០ គ្រាប់​ហើយ និង​លេង​ឲ្យ​ជម្រើស​ជាតិ​អាល្លឺម៉ង់​បាន ៧ ដង។ បើ​តាម Mundo Deportivo បាន​សង្កត់​ធ្ងន់​ថា​ក្រុម​របស់​លោក Jurgen Klopp ចាប់​ចិត្ត​ចង់​បាន​កីឡាករ​រូប​នេះ​ជា​ខ្លាំង ពោល​នឹង​ប្រជែង Man Utd/Barcelona យក​រូប​គេ​ឲ្យ​បាន​នៅ​រដូវ​កាល​ក្រោយ។

គួរ​បញ្ជាក់​ថា​ហង្ស​បាន​បំបែក​កំណត់ត្រា​ការ​នាំ​យក​កីឡាករ​ថ្លៃ​បំផុត​កាល​ពី​ឆ្នាំ ២០១៨ ដោយ​កាល​នោះ​ទិញ Virgil van Dijk ក្នុង​តម្លៃ ៧៥ លាន​ផោន​ចេញ​ពី Southampton៕

ប្រភព៖ SportBible