កីឡាករ Real Madrid មួយរូបជំនួស Ronaldo ក្នុងរូបភាពហុងស៊ុយរបស់ក្រុម មុនប្រកួត UCL

កីឡាករវ័យក្មេង Vinicius Jr បានជំនួសកន្លែងថតរបស់ Cristiano Ronaldo នៅទីកន្លែងដែល ខ្សែប្រយុទ្ធព័រទុយហ្គាល់ ធ្លាប់ត្រូវបានផ្ដិតយករូបភាពជាមួយនឹង កីឡាករប្រេស៊ីល Casemiro & Marcelo មុនពេលប្រកួត Champions League នៅរដូវកាលមុន។

កីឡាករប្រេស៊ីលពីររូបបន្ដនៅកន្លងដែលធ្លាប់ថតលើករាសី កាលពីរដូវកាលមុន ដោយក្រុមដែលដឹកនាំដោយលោក Zinedine Zidane បានយកឈ្នះ ក្រុម Paris Saint-Germain, Juventus និង Bayern Munich។

ហើយបន្ទាប់ពីតារាឆ្នើម Cristiano Ronaldo បានចាកចេញទៅ ខ្សែប្រយុទ្ធប្រេស៊ីល Vinicius បានឈរជំនួស ខ្សែប្រយុទ្ធ Juventus រូបនេះ មុនការប្រកួត Champions League ទល់នឹងក្រុម Ajax មកដល់។

គួរបញ្ជាក់ថា Vinicius បានប្រឹងប្រែងអភិវឌ្ឍខ្លួន រហូតដល់បានជាប់ជម្រើសដំបូងនៅក្នុងក្រុម ហើយរូបគេរំពឹងថា នឹងអាចធ្វើបានល្អ ក្នុងការប្រកួតនៅអឺរ៉ុប ដូចការលេងរបស់គេនៅអេស្ប៉ាញផងដែរ៕

ប្រភព៖ Marca