កូរសាហាវ! គ្រូធំ Napoli លេងស្ទាយតាម Mourinho មានបង្កប់អត្ថន័យស្រដៀងគ្នា

ក្រោយបញ្ចប់ការប្រកួតរវាង Juventus និង Man Utd គ្រូបង្វឹកក្រុមបិសាចក្រហមលោក​ Jose Mourinho បានងើបចេញពីកៅអីរត់មកលើកដៃដាក់ក្បែរត្រចៀកនៅមុខអ្នកគាំទ្រខ្ទង់មុឺននាក់ ដោយចង់បញ្ជាក់ថា៖ “តើពួកអ្នកគាំទ្រ Juve មានអ្វីចង់ស្រែកទៀត”។ សារនេះឆ្លើយតបទៅនឹងអ្វីដែល Mourinho បញ្ជាក់ថាមានការរំខានពីពួកគេអំឡុងពេលប្រកួត ៩០ នាទីពេញ។

ឆ្លើយមកវិញពីលោក Carlo Ancelotti មុនឈានដល់ជំនួប Napoli ត្រូវប៉ះ Genoa លោកក៏បានលើកដៃដាក់ក្បែរត្រចៀកកាត់តាមគ្រូបង្វឹកសញ្ជាតិព័រទុយហ្គាល់ដូចគ្នា ហើយនិយាយភ្លាមទៅកាន់អ្នកសារព័ត៌មាន៖ “សូមអធ្យាស្រ័យ ខ្ញុំស្តាប់មិនបានទេនូវអ្វីដែលអ្នកនិយាយ”។

បញ្ជាក់ថាក្រោមការដឹកនាំរបស់គ្រូថ្មី Ancelotti ក៏បានត្រួសត្រាយផ្លូវយ៉ាងល្អឲ្យ Napoli ជាញឹកញយអាចប្រឈមមុខជាមួយក្លឹបធំៗនៅអឺរ៉ុបបានយ៉ាងតឹងតែងបំផុត ពោលដូចជាការប្រកួតប៉ះ PSG បានទទួលលទ្ធផលស្មើ ១-១ នៅ Champions League កាលពីយប់ថ្ងៃអង្គារ៍នៅពូល C។

ប្រភព:SportBible

មតិយោបល់