ក្តៅ! Zidane ព្រលយ​ពាក្យ​ចង់​វិល​ត្រលប់​ទៅ​ចូលរួម​ជាមួយ​ក្លឹប​របស់ Ronaldo

អតីត​អ្នក​ចាត់​ការ​ក្លឹប Real Madrid លោក Zinedine Zidane ហាក់​មិន​ទាន់​រក​ឃើញ​ទ្រនំ​ថ្មី​របស់​ខ្លួន​ច្បាស់ការ​នៅ​ឡើយ ប៉ុន្តែ​សារ​ចុង​ក្រោយ​បញ្ជាក់​ពី​សាមី​ខ្លួន​ផ្ទាល់​ហើយ​កំពុង​ធ្វើ​ឲ្យ​អ្នក​គាំទ្រ Juventus មាន​ភាព​ភ្ញាក់ផ្អើល។

បុរស​សញ្ជាតិ​បារាំង​រូប​នេះ​បាន​ព្រលយ​ពាក្យ​ជុំវិញ​ការ​ត្រលប់​ទៅ​ទឹក​ដី Old Lady ដែល​ខ្លួន​ធ្លាប់​មាន​វត្តមាន​ជា​កីឡាករ​តាំង​ពី​ប៉ុន្មាន​ទសវត្សរ៍​មុន​មក​ម្ល៉េះ។ ​បច្ចុប្បន្ន​ក្នុង​គោលដៅ​មក​ជា​អ្នក​ចាត់ការ​ផ្នែក​អ្វី​មួយ នោះ​មាន​ន័យ​ថា​ Zidane អាច​នឹង​ត្រូវ​ជួបជុំ​ជាមួយ​អតីត​កូន​ក្រុម Cristiano Ronaldo សារ​ជា​ថ្មី​ក្នុង​ទីក្រុង Turin។

រាយការណ៍​ពី CalcioMercato ដោយ​ឃើញ​ថា​បុរស​វ័យ ៤៦ ឆ្នាំ​បង្ហាញ​មុខ​ក្នុង​វីដេអូ YouTube របស់ Zeta 5 ដោយ​លោក​និយាយ​យ៉ាង​ច្បាស់ៗ​ថា៖ “សួស្តី! អ្នក​ទាំង​អស់​គ្នា​ដែល​នៅ Madrid ខ្ញុំ​សង្ឃឹម​ថា​អ្នក​សុខ​សប្បាយ ហើយ​ស្វាគមន៍​ជា​ថ្មី​មក​ដល់ Forz Juve ខ្ញុំ​សង្ឃឹម​ថា​នឹង​មក​ចូលរួម​នៅ​ទី​នេះ​ហើយ​ចំណាយ​ពេល​ជាមួយ​អ្នក​ឆាប់ៗ​នេះ”។

ទស្សនាវីដេអូ៖

សារ​នេះ​ក៏​ពុំ​សំដៅ​ដល់​ការ​ទម្លាក់​លោក Massimiliano Allegri ពី​តំណែង​អ្នក​ចាត់ការ​នោះ​ដែរ ផ្ទុយ​ទៅ​វិញ​អាច​ជា​យក Zidane មក​បន្ថែម​លើ​បន្ទុក​ជា​អ្នក​ដឹកនាំ​ផ្នែក​ណា​មួយ​របស់​ក្លឹប ពោល​ជា​កម្លាំង​ជំរុញ​ដើម្បី​ឲ្យ​ឱកាស​យក​ឈ្នះ Champions League កាន់​តែ​មាន​ច្រើន​ឡើង។

មតិ​អ្នក​គាំទ្រ​ម្នាក់​បាន​និយាយ​ថា៖ “អូ​ព្រះ​ជា​ម្ចាស់ ការ​គ្រប់គ្រង​របស់​យើង​នៅ Juve កំពុង​ពុះកញ្ជ្រោល​ឡើង​ខ្លាំង​ហើយ”។ មតិ​មួយ​ផ្សេង​ទៀត​៖ “Holy s**t ខ្ញុំ​មិន​ធ្លាប់​គិត​ថា​នឹង​មាន​រឿង​បែប​នេះ​កើត​ឡើង​ទេ”។

ទស្សនាវីដេអូរកគ្រាប់បាល់របស់ Zidane អំឡុេងលេងឲ្យ Juve៖

ប្រភព:SportBible

មតិយោបល់