ក្រោយលេងល្អខ្លាំង អ្នកគាំទ្រ Liverpoolចង់អោយ Klopp ដាក់ខ្សែបម្រើមួយរូបក្នុងជម្រើសដំបូងគ្រប់ប្រកួត

ខ្សែបម្រើ Naby Keita បានបង្ហាញទម្រង់លេងលេចធ្លោខ្លាំង ក្នុងការប្រកួតទល់នឹង Burnley ដែលនាំអោយ Liverpool ទទួលបានជ័យជំនះ ៣-១ កាលពីយប់ម៉ិញ។

ខ្សែបម្រើរូបនេះ បានផ្លាស់មកពីក្លឹប RB Leizpig កាលពីរដូវក្ដៅកន្លងទៅ ហើយជួយអោយក្រុមដែលដឹកនាំដោយលោក Jurgen Klopp អាចវាយបកយកឈ្នះទោះបី ត្រូវគូប្រកួតនាំមុខមួយគ្រាប់មុនក្ដី។ James Milner, Roberto Firmino និង Xherdan Shaqiri រកបានម្នាក់មួយគ្រាប់ បញ្ចប់ភាពរីករាយរបស់ក្រុមម្ចាស់ផ្ទះ ដែលបាននាំមុខដោយកីឡាករJack Cork ប៉ុន្ដែ Keita បានធ្វើអោយមានការចាប់អារម្មណ៍ខ្លាំងជាងគេ។

គួរបញ្ជាក់ថា នេះជាប្រកួតទី២សំរាប់រដូវកាលនេះនៅក្នុងលីគ ដែលខ្សែបម្រើសញ្ជាតិហ្គីណេ រូបនេះ អាចលេងបានពេញ៩០នាទី ប៉ុន្ដែរូបគេបានទទួលការចាប់អារម្មណ៍ខ្លាំង ពីសំណាក់អ្នកគាំទ្រ ហើយចង់អោយរូបគេជាប់ជម្រើសដំបូងរាល់សប្ដាហ៍ថែមទៀតផង៕

ប្រភព៖ talkSPORT

 

មតិយោបល់