ក្លឹបមួយនៅ LaLiga បានសំរេចចិត្តបណ្ដេញ អ្នកចាត់ការក្លឹបក្រោយបរាជ័យច្រើនប្រកួត

បន្ទាប់ពីបរាជ័យ៥ប្រកួត នៅក្នុងចំនោម៦ប្រកួត នៅក្នុងរដូវកាលថ្មីនេះ ក្លឹប Huesca បានសំរេចចិត្តបណ្ដេញអ្នកចាត់ការក្លឹប Leo Franco ចេញពីតំណែង។ ក្រុម Huesca បានចាប់ផ្ដើមរដូវកាល នៅក្នុងលីគកំពូលអេស្ប៉ាញបានយ៉ាងល្អសំរាប់ប្រកួតដំបូង ដោយបានយកឈ្នះក្រុម Eibar ក្នុងលទ្ធផល ២-១ និង ស្មើជាមួយក្រុមជើងខ្លាំង  Athletic Bilbao ២-២។

ប៉ុន្ដែ បរាជ័យ ៨-២ ទល់នឹងក្រុម Barcelona ធ្វើអោយទម្រង់លេងរបស់ក្រុមត្រូវធ្លាក់ចុះ ដោយចាប់តាំងពីពេលនោះមក ក្រុមទទួលបានតែ១ពិន្ទុប៉ុណ្ណោះ ទើបធ្វើអោយក្លឹបសំរេចចិត្តបណ្ដេញលោក Franco ចេញពីតំណែងនៅថ្ងៃអង្គារនេះ។

អតីតអ្នកចាំទីអាហ្សង់ទីនរូបនេះ បានបញ្ចប់តំណែងជាអ្នកចាត់ការក្លឹប ហើយត្រូវបានតែងតាំងអោយក្លាយជាអ្នកចាត់ការក្លឹប Heusca កាលពីខែមិថុនា ជំនួសលោក Rubi៕

ប្រភព៖ Be Soccer