ក្លឹប​នៅ​អ៊ីតាលី​កាន់​តែ​ជឿជាក់ នឹង​អាច​យក​ខ្សែ​ប្រយុទ្ធ​មួយ​រូប​របស់​ក្លឹប Barcelona

ក្លឹប Roma បាន​នឹង​កំពុង​ជឿជាក់​កាន់​តែ​ខ្លាំង ថា​អាច​ជោគជ័យ​លើ​ការ​ចរចា​នាំ​យក​ខ្សែ​ប្រយុទ្ធ Carles Perez មកចូលរួម​ជាមួយក្លឹប​របស់​ខ្លួន​នា​សប្តាហ៍​នេះ។ នេះ​បើ​តាម​ការ​ចុះ​ផ្សាយ​របស់​សារព័ត៌មាន El Mundo Deportivo។

Carles Perez

Carles Perez

កីឡាករ​វ័យ ២១ ឆ្នាំ បាន​បង្ហាញ​ខ្លួន​ ១២ ប្រកួត​ហើយ​សម្រាប់​ក្លឹប Barcelona ដោយ​ក្នុង​នោះ​មាន​ចាប់​ផ្តើម​ជម្រើស​ដំបូង ៧ លើក តែ​ភាគ​ច្រើន​បាន​ត្រឹម​ជា​តួ​អង្គ​ជំនួស​ពេល​កីឡាករ​សំខាន់​រង​របួស​តែ​ប៉ុណ្ណោះ។

Carles Perez

តាម​ប្រភព​បាន​ឲ្យ​ដឹង​ថា​កិច្ច​ព្រមព្រៀង​អាច​នឹង​បញ្ចប់​ទៅ​បាន​ក្រោម​ការ​ចរចា​រវាង​ភាគី​ខាង​ប្រធាន​ជាន់​ខ្ពស់​លោក Ginaluca Petrachi របស់ Roma និង​ភាគី​ខាង​ Barcelona លើ​តម្លៃ​ខ្លួន​ប្រមាណ ១៥ លាន​អឺរ៉ូ៕

ប្រភព៖ Sportsmole

អានអត្ថបទបន្ទាប់៖ អតីតកីឡាករជើងចាស់របស់ Barca មួយរូបថា Real Madrid ឡើងមកកាន់កំពូលតារាងដោយសារសំណាង

លោក Carles Rexach អតីតខ្សែប្រយុទ្ធរបស់ Barcelona លើកឡើងថា Real Madrid ឈានមកកាន់កំពូលតារាង La Liga ទាំងលំបាក និង ដោយសារសំណាងគួបផ្សំផង។

ក្រុមអធិរាជសបានឡើងមកកាន់កំពូលតារាង La Liga ជំនួស Barcelona បន្ទាប់ពីបានទទួលជ័យជំនះ ទាំងប្រផុតប្រផើយ 1-0 ទល់នឹងក្រុម Real Valladolid នៅរាត្រីថ្ងៃអាទិត្យកន្លងទៅ។

លោក Rexach បាននិយាយថា៖ “Real Madrid គឺមានភាពរហ័ស។ ពួកគេបាននាំមុខនៅក្នុងតារាង ប៉ុន្ដែ ពួកគេបានត្រឹមទទួលជ័យជំនះ ១-០ ប៉ុណ្ណោះកាលពីម្សិលម៉ិញ ហើយដោយសារសំណាង។ គ្មានក្រុមណាដែលឈ្នះការប្រកួតងាយស្រួលនោះទេ សំរាប់រដូវកាលនេះ។”

ចំពោះការមកដឹកនាំក្រុមអ្នកមានបុណ្យរបស់លោក Quique Setien ជំនួសលោក Ernesto Valverde, លោក Rexach យល់ឃើញថា៖ “រាល់ការផ្លាស់ប្ដូរ តែងតែមានភាពភ្ញាក់ផ្អើល ហើយប្រហែលជាបញ្ហាដែល Barcelona មានគឺពួកគេគ្រប់គ្រងបាល់បានច្រើន ប៉ុន្ដែខ្វះខាតការរកគ្រាប់បាល់ នៅប៉ុន្មានប្រកួតដំបូងរបស់ពួកគេ។

“ពេលខ្លះវាមិនមែនងាយស្រួលនោះទេ ដើម្បីផ្លាស់ប្ដូរឲ្យបានរហ័ស ព្រោះពេលខ្លះកីឡាករមិនទាន់សម្របនឹងវាបាន។”

ប្រភព៖ Marca