ក្លឹប Juve ចង់​ឲ្យ​តារា​ឆ្នើម Real Madrid ពីរ​រូប​ដាក់ចិត្ត​ចាកចេញ ដើរ​តាម​គន្លង​ Ronaldo

បន្ទាប់​ពី​ទទួល​បាន​វត្តមាន​ចំណូល​ថ្មី Cristiano Ronaldo នា​រដូវ​កាល ២០១៨/១៩ ក្លឹប​យក្ស​នៅ Serie A ក៏​បន្ត​ចង់​បាន​អតីត​មិត្ត​រួម​ទ្រនំ​របស់​បុរស​វ័យ ៣៣ ឆ្នាំ​រូប​នេះ​ចំនួន ២ នាក់​បន្ថែម​ទៀត​ដើម្បី​មក​ជ្រោមជ្រែង​ឱកាស​កាន់​ពាន Champions League។

យោង​តាម​សារព័ត៌មាន Tuttosport បាន​ឲ្យ​ដឹង​ថា​ Jve ចង់​បាន Marcelo និង Isco ឲ្យ​ដើរ​តាម​គន្លង​ដូច Ronaldo ធ្វើ​កាល​ពី​ខែ​កក្កដា​កន្លង​ទៅ។

សម្រាប់ Marcelo ដែល​មាន​ចចាមអារ៉ាម​ថា​ធ្លាប់​ចង់​មក​លេង​នៅ Serie A គឺ​រំពឹង​ចង់​មក​ជំនួស​តំណែង Alex Sandro ដែល​ល្ហិចល្ហៀង​ត្រៀម​ផ្លាស់​ទៅ​ Chelsea ឬ Paris Saint-Germain។

បន្ថែម​ទី​នេះ​ទៀត​ Isco ឯ​ណោះ​វិញ បច្ចុប្បន្ន​កំពុង​ជួប​អាស្រូវ​ផ្ទៃ​ក្នុង​ជាមួយ​អ្នក​ចាត់​ការ​ថ្មី​លោក Santiago Solari ដែល​មិន​មាន​ឱកាស​ចូល​លេង​ដូច​រដូវ​កាល​ចាស់​ឬ​ធៀប​នឹង​ជំនាន់​លោក Julen Lopetegui។ យ៉ាងណាមិញ​សម្រាប់​ដំណឹង​ច្បាស់​ការ​យើង​អាច​នឹង​បាន​ដឹង​កាន់​តែ​លម្អិត​ជាង​នេះ​នា​ទីផ្សារ​ដោះដូរ​ខែ​មករា​ឆ្នាំ ២០១៩។

ប្រភព:Soccerladuma

មតិយោបល់