ខ្សែការពារ Inter ប្រាប់ពីកីឡាករដែលខ្លួនគិតថា ខ្លាំងជាង Cristiano Ronaldo

ចាប់តាំងពី Cristiano Ronaldo បានផ្លាស់មកលេងអោយក្លឹប Juventus គេតែងតែឃើញតារាឆ្នើមរូបនេះ​ មានឈ្មោះនៅទំព័រមុខរបស់កាសែតអ៊ីតាលី​មិនដែលដាច់។ ហើយនៅពេលដែល Ronaldo មិនទាន់អាចរកគ្រាប់បាល់បាន អោយ Juventus បានធ្វើអោយមានកង្វល់ជាច្រើនបានលេចចេញជារូបរាងឡើង។

ហើយអ្នកដែលបានរំលឹកពីឈ្មោះរបស់ អតីតខ្សែប្រយុទ្ធរបស់ Real Madrid រូបនេះ គឺខ្សែការពារ Stefan de Vrij របស់ក្លឹប Inter Milan។ កីឡាករហូឡង់រូបនេះ បាននិយាយនៅក្នុងបទសម្ភាសន៍របស់ Il Corriere dello Sport ថា៖ “តាមពិតទៅខ្ញុំសឹងតែមិនជឿថាគាត់ អាចផ្លាស់មកលេងនៅអ៊ីតាលី ប៉ុន្ដែការមកដល់របស់គាត់នៅ Serie A បានផ្ដល់ផលវិជ្ជមានច្រើនដល់បាល់ទាត់អ៊ីតាលី ព្រោះមានអ្នកគាំទ្រកាន់តែច្រើន។”

យ៉ាងណាក្ដី សំរាប់ de Vrij ខ្សែប្រយុទ្ធព័រទុយហ្គាល់ មិនមែនជាខ្សែប្រយុទ្ធល្អបំផុតនោះទេ។

ខ្សែការពារ វ័យ ២៦ឆ្នាំរូបនេះ បានបន្ដថា៖ “ខ្ញុំធ្លាប់ជួបប្រកួតជាមួយគាត់ សំរាប់ជំនួបមិត្តភាពមុនការប្រកួត World Cup 2014 ហើយលទ្ធផលត្រូវបញ្ចប់ ១-១ គាត់រកបានមួយគ្រាប់នៅជ្រុងមុំ៩០ដឺក្រេ។ ហើយបើសួរខ្ញុំថា ខ្សែប្រយុទ្ធណាខ្លាំងបំផុតដែលខ្ញុំធ្លាប់ជួបប្រកួតតទល់? ចំលើយគឺ Kylian Mbappe។”

មតិយោបល់