គ្រូអាល្លឺម៉ង់ ពន្យល់មូលហេតុដែល មិនកោះហៅអ្នកចាំទី Ter Stegen ចូលជម្រើសជាតិ

Marc-Andre ter Stegen មិនត្រូវបានគ្រូជម្រើសជាតិអាល្លឺម៉ង់លោក Joachim Low កោះហៅសំរាប់ការប្រកួតទល់នឹងក្រុម រុស្ស៊ី និង ហូឡង់ នោះទេ។ វាជាអវត្តមានដែលនាំអោយមានការភ្ញាក់ផ្អើល ប៉ុន្ដែលោក Low បានពន្យល់ ថាស្មារបស់អ្នកចាំទី Barcelona រូបនេះ មានបញ្ហាដែលត្រូវការព្យាបាលនៅពេលសំរាកប្រកួតអន្ដរជាតិ។

លោក Low បាននិយាយថា៖ “Marc លេងបានល្អសំរាប់ Barcelona កាលពីកន្លងមក ប៉ុន្ដែគេមានបញ្ហាជាមួយស្មាររបស់គេ។ គេបាននិយាយជាមួយ Andy Kopek ហើយពួកគេបានសំរេច សំរាកកំឡុងពេលប្រកួតអន្ដរជាតិ។ គេត្រូវការសំរាកដោយមិនធ្វើការហត់នឿយ។ រដូវកាលនៅពេលវែងទៀត ហើយ គេត្រូវការពេលវេលាដើម្បីលេងអោយអាល្លឺម៉ង់។ បច្ចុប្បន្នគេត្រូវការព្យាបាលរបួស។”

ខ្សែការពារ Jerome Boateng ក៏ជួបស្ថានភាពដូចគ្នាផងដែរ ហើយមិនត្រូវបានកោះហៅនោះទេ ខណៈដែល Toni Kroos អាចចូលលេងបានសំរាប់តែការប្រកួត ទល់នឹងក្រុមហូឡង់តែប៉ុណ្ណោះ។

កីឡាករដែល គ្រូបង្វឹកអាល្លឺម៉ង់បានកោះហៅមានដូចជា៖

អ្នកចាំទី: Manuel Neuer (Bayern Munich), Bernd Leno (Arsenal), Kevin Trapp (Eintracht Frankfurt)

ខ្សែការពារ: Matthias Ginter (Borussia Mönchengladbach), Jonas Hector (Koln), Mats Hummels, Niklas Sule (Bayern Munich), Thilo Kehrer (PSG), Antonio Rüdiger (Chelsea), Nico Schulz (Hoffenheim), Jonathan Tah (Bayer Leverkusen)

ខ្សែបម្រើ/ខ្សែប្រយុទ្ធ: Julian Brandt, Kai Havertz (Bayer Leverkusen), Julian Draxler (PSG), Serge Gnabry, Leon Goretzka, Joshua Kimmich, Thomas Müller (Bayern Munich), Toni Kroos (Real Madrid), Marco Reus (Borussia Dortmund), Sebastian Rudy, Mark Uth (Schalke 04), Leroy Sane (Manchester City), Timo Werner (RB Leipzig)

ប្រភព៖ Sport English