គ្រូ​ធំ Sevilla សរសើរ Chelsea មិន​ដាច់​ពី​មាត់ មុន​ប៉ះ​គ្នា​នៅ Champions League យប់​នេះ

អ្នកចាត់ការ​លោក Julen Lopetegui បាន​បង្ហាញ​ការ​យល់​ឃើញ ដោយ​សរសើរ​មិន​ដាច់​ពី​មាត់​ដល់​គូ​ប្រជែង​នៃ​ក្លឹប​តោ​ខៀវ Chelsea ​មុន​ត្រូវ​ប៉ះ​គ្នា​នៅ​រាត្រី​នេះ។ ​ក្រុម​របស់​លោក Lampard ​ត្រូវ​ប៉ះ Sevilla នៅ​វេលា​ម៉ោង ០២:០០ នាទី​ព្រឹក មាន​ផ្សាយ​ផ្ទាល់​លើ​ទំព័រ CTS Sports។

Chelsea/Sevilla

Chelsea ដែល​ទើប​តែ​បញ្ចប់​លទ្ធផល​ស្មើ ៣-៣ ទល់ Southampton កាល​ពី​ថ្ងៃ​មុន​នេះ ​ត្រូវ​បាន​លោក Lopetegui យល់​ឃើញ​ថា៖ “យើង​ត្រូវ​មក​ប៉ះ​គ្នា​ជាមួយ​ក្រុម​ដែល​អាច​នឹង​ឈ្នះ​ពាន [UCL] ហើយ​យើង​ក៏​នឹង​ផ្តោត​លើ​ការ​ប្រកួត​ឲ្យ​បាន​ល្អ នេះ​ជា​អ្វី​ដែល​យើង​អាច​ធ្វើ​បាន”។

Chelsea
Julen Lopetegui

លោក​បន្ត៖ “ខ្ញុំ​គិត​ថា​វា​ជា​ការងារ​ដ៏​ពិបាក​មួយ ជា​ការ​ពិត​ណាស់​គ្រប់​ការ​ប្រកួត​គឺ​វា​សុទ្ធ​តែ​ពិបាក ប៉ុន្តែ​វា​កាន់​តែ​ពិបាក​នៅ​ពេល​ប៉ះ​ក្រុម​ដូច​ជា Chelsea នៅ Champions League បែប​នេះ ហើយ Chelsea ក៏​បាន​ទិញ​កីឡាករ​ល្អៗ​ចូល​ច្រើន និង​វិនិយោគ​លុយ​យ៉ាង​សម្បើម ដែល​នាំ​ឲ្យ​ក្លាយ​ជា​ក្រុម​ដែល​មាន​ប្រព័ន្ធ​លេង​ល្អ​មួយ អម​ទាំង​អ្នកចាត់ការ​ដែល​ដឹង​ច្បាស់​ពី​ក្លឹប​ថែម​ទៀត”។

គួរ​បញ្ជាក់​ថា Chelsea មិន​ធ្លាប់​ជួប Sevilla នោះ​ទេ នៅ​ការ​ប្រកួត​ពាន​អឺរ៉ុប ហើយ​នេះ​ក៏​ជា​ក្រុម​ថ្មី​ទី ៥៤ និង​ជា​ក្រុម​ទី ៥ នៅ​អេស្ប៉ាញ ដែល​តោ​ខៀវ​បាន​ជួប​នៅ UCL ផង​ដែរ៕ ប្រភព៖ AF

អានអត្ថបទបន្ទាប់៖ លទ្ធផលនៃការពិន័យចេញមកហើយ ជុំវិញការបង្ករកំហុសធ្ងន់ធ្ងររបស់ Pickford ទៅលើ Van Dijk ថ្ងៃមុន

អ្នកចាំទីរបស់ក្រុម Everton កីឡាករ Jordan Pickford អាចនឹងចៀសផុតពីការដាក់ពិន័យពី Football Association ចំពោះការបង្ករកំហុសធ្ងន់ធ្ងរមួយទៅលើខ្សែការពារ Virgil van Dijk របស់ក្រុម Liverpool ក្នុងការប្រកួត Merseyside derby កាលពីយប់ថ្ងៃសៅរ៍កន្លងទៅ ។

Jordan Pickford 

ជាក់ស្តែងអ្នកចាំទីដៃទី ១ របស់ជម្រើសជាតិអង់គ្លេសរូបនេះ ត្រូវបានគេថ្កោលទោសយ៉ាងខ្លាំងចំពោះការឈូសយកបាល់់ពីកីឡាករ Van Dijk ខណ:ដែលបានធ្វើឲ្យខ្សែការពាររូបនេះអាចអវត្តមាននៅរដូវកាលនេះ បន្ទាប់ពីតេស្តឃើញថាមានបញ្ហាធ្ងន់ធ្ងរទៅលើសរសៃពួរជង្គង់ ចាំបាច់ត្រូវមានការវះកាត់ ។

Jordan Pickford

ហើយមិនតែប៉ុណ្ណោះ ជើងចាស់លោក Graeme Souness ក៏បានប្រតិកម្មយ៉ាងខ្លាំងចំពោះទង្វើរបស់ Pickford ផងដែរ ដោយគាត់ជឿជាក់ថាអ្នកចាំទីរូបនេះ គួរតែទទួលបានការដាក់ទោសពីសំណាក់អាជ្ញាកណ្តាល ។

ប៉ុន្តែទោះជាយ៉ាងណារបាយការណ៍ចុងក្រោយមួយពី Athletic  បានបង្ហាញថា Pickford នឹងមិនប្រឈមមុខជាមួយនឹងការដាក់ទោសទណ្ឌពីសំណាក់ FA នោះទេ ចំពោះការប៉ះទង្វិចគ្នាមួយនេះ ។

Jordan Pickford

លើសពីនេះ វាត្រូវបានគេលម្អិតថាប្រព័ន្ធកាត់សេចក្តី VAR បានពិនិត្យឡើងវិញនូវឧប្បត្តិហេតុនេះ ខណ:វាត្រូវបានបញ្ជាក់ថាក្រុម Liverpool នឹងមិនត្រូវបានផ្តល់ជូនបាល់ពិន័យ ១១ ម៉ែត្រនោះទេ ពីព្រោះ Van Dijk ស្ថិតនៅក្នុងជំហរអហ្វសាយ ។ ហើយ VAR ក៏ត្រូវបានបញ្ជាក់ផងដែរថាការឈូសដណ្តើមយកបាល់របស់់ Pickford ក៏មិនស្ថិតនៅក្នុងកម្រិតនៃការទទួលពិន័យកាតក្រហមឡើយ ៕

ប្រភព: Daily Mail