គ្រូ Chelsea បង្ហាញក្ដីព្រួយបារម្ភមួយ មុនពេលប្រកួតទល់នឹង Manchester City យប់នេះ

អ្នកចាត់ការក្លឹប Chelsea លោក Maurizio Sarri បានបញ្ជាក់ថា កីឡាករក្នុងក្រុមរបស់លោក មានបញ្ហាបាក់ទឹកចិត្ត ក្រោយលេងមិនសូវបានល្អ សំរាប់ប៉ុន្មានប្រកួតចុងក្រោយនេះ។

ក្រុមតោខៀវបានបរាជ័យ២លើក ក្នុងចំនោម៣ប្រកួតចុងក្រោយរបស់ពួកគេ ដែលរួមមានបរាជ័យកាល ២-១ ទល់នឹង Wolves កាលពីថ្ងៃពុធកន្លងទៅ ដែលធ្វើអោយពួកគេមានគំលាត ១០ពិន្ទុ តាមពីក្រោយក្រុមកំពូលតារាង Manchester City មុនពេលប៉ះគ្នា នារាត្រីនេះ។

ហើយលោក Sarri បាននិយាយថា លោកដឹងថាវាជារឿងដែលលំបាកសំរាប់ទឹកចិត្តកូនក្រុម ហើយលោកក៏ដឹងថា វាមិនមែនជារឿងងាយស្រួលនោះទេ នៅពេលដែលត្រូវប្រកួតជាមួយក្រុមការពារជើងឯក។

លោកបាននិយាយថា់៖ “ខ្ញុំដឹងច្បាស់ថា មិនយូរមិនឆាប់ យើងត្រូវប្រឈមនឹងបញ្ហាលំបាក។ នៅពេលដែលអ្នកផ្លាស់ប្ដូររបៀបលេងបាល់ អ្នកត្រូវតែផ្លាស់ប្ដូរផ្នត់គំនិតរបស់ក្រុមផងដែរ។ អ្នកត្រូវតែផ្លាស់ប្ដូរផ្នត់គំនិត មនុស្ស២៥នាក់ ដូច្នេះវាមិនមែនជារឿងដែលខ្លីនោះទេ វាពិតជាពិបាកខ្លាំងណាស់។”

ប្រភព៖ talkSPORT

មតិយោបល់