គ្រូ Juventus ចេញបញ្ជីកីឡាករ ២០រូប សំរាប់ការប្រកួត Derby d’Italia ទល់នឹង Inter

Alex Sandro, Andrea Barzagli និង Moise Kean មិនស្ថិតនៅក្នុងបញ្ជីកីឡាកររបស់ Juventus ដើម្បីត្រៀមប្រកួតទល់នឹងក្រុម Inter Milan នោះទេ ប៉ុន្ដែ Rodrigo Bentancur អាចនឹងចូលលេងបាន។

ក្រុមសេះបង្កង់នឹងបើកទ្វារកីឡដ្ឋាន Allianz Stadium ដើម្បីទទួលស្វាគមន៍ក្រុមរបស់លោក Luciano Spalletti មកកាន់ទីក្រុងទូរីន សំរាប់ការប្រកួត Derby d’Italia នារាត្រីនេះ ខណៈក្រុមទាំងពីរមានគំលាត១១ពិន្ទុពីគ្នា។

ដើមឡើយមានការព្រួយបារម្ភថា Bentancur អាចនឹងខកខានសំរាប់ការប្រកួត ដោយសារមានបញ្ហារបួសខ្នង ប៉ុន្ដែខ្សែបម្រើអ៊ុយរូហ្គាយរូបនេះ មានឈ្មោះក្នុងបញ្ជីកីឡាករទាំង២០រូបរបស់ក្រុម។

កីឡាករទាំង២០រូបរបស់ Juve មានដូចជា៖ Szczesny, De Sciglio, Chiellini, Benatia, Pjanic, Ronaldo, Dybala, Douglas Costa, Matuidi, Cuadrado, Mandzukic, Bonucci, Cancelo, Pinsoglio, Perin, Can, Rugani, Bentancur, Bernardeschi, Spinazzola៕

ប្រភព៖ Football Italia

មតិយោបល់