ងប់ងុល​ Ronaldo ខ្លាំង​ពេក ដល់​ថ្នាក់​កីឡាករ​វ័យ​ក្មេង​ម្នាក់​ប្ដូរផ្ដាច់មក​លេង​ឲ្យ Man Utd

Cristiano Ronaldo គឺ​ជា​ដើមហេតុ​ជំរុញ​ឲ្យ​កីឡាករ​វ័យ ១៩ ឆ្នាំ Diogo Dalot សម្រេច​ដើរ​ចេញ​ពី​ក្លឹប Porto និង​ជ្រើស​យក Manchester United ជា​ទ្រនំ​ថ្មី​របស់​ខ្លួន។ នេះ​បើ​តាម​ការ​លើក​ឡើង​របស់​សាមី​ខ្លួន​ផ្ទាល់ ចុះ​ផ្សាយ​លើ​គេហទំព័រ TheSun។

ការ​សម្រេច​ចិត្ត​របស់ Dalot គឺ​សង្ឃឹម​ថា​អាច​ដើរ​តាម​គន្លង​របស់ Ronaldo ដូច​កាល​ពី​ប៉ុន្មាន​ឆ្នាំ​មុន គ្រា​លោក​ដើរ​ចេញ​ពី​ទឹក​ដី​ព័រទុយហ្គាល់​អ៊ីចឹង​ដែរ។ ថ្លែង​ប្រាប់​ជា​សាធារណៈ ៖ “Cristiano ខ្ញុំ​មិន​បាច់​រៀបរាប់​ច្រើន​ពី​គាត់​ទេ ព្រោះ​គ្រប់​គ្នា​ដឹង​ច្បាស់​ហើយ ដោយ​សម្រាប់​ខ្ញុំ​គាត់​ជា​អ្នក​បំផុស​ចិត្តគំនិត​ដ៏​​ខ្លាំងក្លា​មួយ​រូប​ក្នុង​វិស័យ​បាល់ទាត់ ប្រសិន​អ្នក​សួរ​ខ្ញុំ​ថា​ខ្ញុំ​មក​ទី​នេះ ដោយ​សារ​ឥទ្ធិពល​របស់​គាត់ ពិត​ណាស់​ខ្ញុំ​សូម​ឆ្លើយ​ថា Yes”។

ខ្សែ​ការពារ​រូប​នេះ​បន្ត​ទៀត​ថា៖ “ការ​ដែល​គាត់​ធ្លាប់​លេង​នៅ​ទី​នេះ អភិវឌ្ឍ​ខ្លួន​នៅ​ទី​នេះ ជា​រឿង​ដែល​នឹក​ស្មាន​មិន​ដល់ ពោល​គឺ​គាត់​ជា​អ្នក​បំផុត​ដល់​អ្នក​រាល់​គ្នា និង​កីឡាករ​វ័យ​ក្មេង​ទាំង​អស់”។

ប្រភព:TheSun

មតិយោបល់