ជើងចាស់លោក Muhren ប្រាប់ពីគ្រូបង្វឹកម្នាក់ ដែលធ្វើការងារបានល្អជាងលោក Mourinho នៅ Man Utd

អតីតកីឡាករក្រុមបិសាចក្រហមលោក Arnold Muhren បានអះអាងថាអតីតគ្រូបង្វឹកលោក Louis van Gaal មានភាពជោគជ័យច្រើនជាងលោក Jose Mourinho នៅក្នុងក្រុម Manchester United ។

ជាក់ស្តែងលោក Muhren ដែលបានលេងឱ្យក្លឹប Man Utd នៅចន្លោះឆ្នាំ 1982 និង 1985 ជឿជាក់ថាលោក Mourinho មានកំហុសក្នុងការនិយាយបំផ្លើសពីសមិទ្ធផលរបស់គាត់ និងគេចចេញពីការទទួលខុសត្រូវរបស់លោក ចាប់តាំងពីបានមកជំនួសតំណែងរបស់លោក Van Gaal នៅក្នុងឆ្នាំ 2016 ។

គួរបញ្ជាក់ថាលោក Mourinho បានឈ្នះពានរង្វាន់ Europa League និង EFL Cup នៅរដូវកាលទី 1 របស់ខ្លួន ប៉ុន្តែក្រោយមកលោកបានបរាជ័យក្នុងការដណ្តើមយកពានរង្វាន់លីគកាលពីរដូវកាលមុន ខណៈដែលក្រុម Man United ក៏បានរងការបរាជ័យយ៉ាងចាស់ក្នុងក្របខ័ណ្ឌ Champions League និងចាញ់ក្រុម Chelsea ក្នុងវគ្គផ្តាច់ព្រ័ត្រ FA Cup ផង ។

ហើយបច្ចុបន្បន្ននេះក្រុម Man Utd កំពុងឈរនៅចំណាត់ថ្នាក់លេខ ៧ ក្នុងតារាងក្របខណ្ឌ Premier League  ដោយមាន 9 ពិន្ទុតាមពីក្រោយក្រុមកំពូលតារាង Manchester City ។

យ៉ាងណាមិញលោក Muhren បានប្រាប់ទៅកាន់ Omnisport ថា ” មុនពេលមានលោក Mourinho ក្រុមនេះមានលោក Louis van Gaal ។ ប៉ុន្តែគាត់ក៏មិនសូវទទួលបានភាពជោគជ័យប៉ុន្មាននោះទេ ” ។

លោកបន្តទៀតថា ៖ ” នៅក្នុងប្រទេសអង់គ្លេស ពួកគេចាប់ផ្តើមសំលឹងមើលជុំវិញដើម្បីស្វែងរកគ្រូបង្វឹកល្អបំផុត ប៉ុន្តែនៅទីបញ្ចប់ ខ្ញុំគិតថាលោក Van Gaal ធ្វើការងារបានល្អជាងអ្វីដែលលោក Mourinho កំពុងធ្វើ “​ ៕

ប្រភព: Sportskeeda 

 

មតិយោបល់