ដឹង​មូលហេតុ​ដែល​ប្រកួត​នៅ EFL រវាង Tottenham និង Leyton ត្រូវ​ផ្អាក​ភ្លាមៗ​យប់មិញ​ហើយ

មុន​រយៈ​ពេល ២ ម៉ោង​ឈាន​ដល់​ការ​ប្រកួត ក្លឹប Tottenham Hotspur បាន​ប្រកាស​នៅ​លើ​បណ្តាញ​សង្គម Twitter ថា​ការ​ប្រកួត​ទល់ Leyton Orient នៅ​ជំនួប​ជុំ​ទី​ ៣ ពាន Carabao Cup (EFL Cup) មិន​អាច​ប្រព្រឹត្តិ​ទៅ​បាន​នោះ​ទេ។

Tottenham
Leyton Orient

ត្បិត​បើ​មិន​បញ្ជាក់​មូលហេតុ​ច្បាស់ការ តែ​តាម​ដឹង​នោះ​គឺ​ដោយសារ​បណ្ដា​កីឡាករ​និង​បុគ្គលិក​របស់​ក្លឹប​ស្ថិត​នៅ​លីគ​លំដាប់​ទី​ពីរ ដែល​ត្រូវ​តតាំង​ទល់ Spurs មាន​ឆ្លង​វីរុស​កូវីដ១៩ ច្រើន​ពេក ពោល​មាន​ដល់ ១៨ នាក់​ឯ​ណោះ ហើយបច្ចុប្បន្នកីឡដ្ឋាននិងក្លឹបបានបិទទ្វារបណ្តោះអាសន្ន ទើប​រុញ​ឲ្យ​ការ​ប្រកួត​ត្រូវ​ប្រកាស​ផ្អាក​ភ្លាមៗ​បែប​នេះ។

ពាន Carabao Cup

បញ្ជាក់​ថា ការ​ពិនិត្យ​ធ្វើ​តេស្ត​សុខភាព​កីឡាករ​នៅ​ League Two មិន​ធ្វើ​ទៅ​បាន​ញឹកញាប់​ដល់​ទៅ ២ ដង​ក្នុង​មួយ​សប្តាហ៍​ដូច​នៅ Premier League នោះ​ឡើយ ដោយ​ពួក​គេ​ទើប​ឆ្លង​កាត់​ការ​តេស្ត​បាន​ម្តង​គត់ ពោល​មុន​ត្រៀម​បើក​រដូវ​កាល ២០២០/២១។

កីឡដ្ឋានរបស់ Leyton Orient

ចំពោះ​លទ្ធផល​សម្រេច​ថា Leyton Orient នឹង​ត្រូវ​ប្រកាស​ឲ្យ​ចាញ់ Spurs ​ដោយ​ស្វ័យប្រវត្តិ ឬ​ត្រូវ​ពន្យារ​ពេល​បែប​ណា​នោះ មិន​ទាន់​មាន​ការ​បញ្ជាក់​ច្បាស់ការ​នៅ​ឡើយ៕

ប្រភព៖ Metro

អានអត្ថបទបន្ទាប់៖ ម្សិលមិញ Vidal ​ថ្ងៃ​នេះ Semedo និយាយ​ពាក្យ​លា ហើយ​ស្អែក​អាច​ជា​កីឡាករ Barca រូប​នេះ

បន្ទាប់​ពី​ការ​ប្រកាស​ដំណឹង​ផ្លូវការ​នៃ​ការ​បង្ហាញ​ខ្លួន​របស់ Arturo Vidal ជាមួយ​នឹង​ក្លឹប Inter Milan រំលង​រយៈ​ពេល ១ ​ថ្ងៃ​ក៏​ស្រាប់​តែ​លេចលឺ​ដំណឹង​ការ​ចាកចេញ​របស់​ខ្សែ​ការពារ Barcelona មួយ​រូប​ផ្សេង​ទៀត​នោះ​គឺ Nelson Semedo។

Arturo Vidal
Nelson Semedo

កីឡាករ​ព័រទុយហ្គាល់ ដែល​កៀក​នឹង​ការ​ផ្ទេរ​ទៅ​ចូលរួម​នៅ​ក្លឹប Wolves បាន​និយាយ​ថា៖ “អរគុណ​គ្រប់​យ៉ាង Barcelona ដែល​ផ្តល់​ឱ្យ​ខ្ញុំ​អាច​សម្រេច​ក្តី​ស្រមៃ​ក្នុង​ការ​ពាក់​អាវ​មួយ​នេះ ហើយ​ក៏​អរគុណ​ដែល​ជួយ​ឲ្យ​ខ្ញុំ​អភិវឌ្ឍ​ខ្លួន​នាម​ជា​កីឡាករ​និង​ជា​បុគ្គល​មួយ​រូប”។

លោក​បន្ថែម​ទៀត​ថា៖ “ខ្ញុំ​ឆ្លង​កាត់​ការ​លេង​រយៈ​ពេល ៣ ឆ្នាំ​ដ៏​អស្ចារ្យ​ដែល​មិន​អាច​បំភ្លេច​បាន ហើយ​ក៏​ចង់​អរគុណ​ដល់​មិត្ត​រួម​ក្រុម បណ្តា​បុគ្គលិក​និង​អ្នក​គាំទ្រ ក៏​ដូច​ជា​អ្នក​រាល់​គ្នា​ដែល​បាន​ជួយ​ខ្ញុំ​តាំង​ពី​ថ្ងៃ​ដំបូង​មក​ទល់​ថ្ងៃ​នេះ”។

Nelson Semedo

គួរ​រំឭក​ថា Semedo ទំនង​ជា​​សម្រេច​ការ​ផ្ទេរ​ទៅ Wolves នៅ​តម្លៃ ៣៥ លាន​អឺរ៉ូ ត្រៀម​ប្រកាស​នា​ពេល​ខាង​មុខ ដែល​វា​ជា​តម្លៃ​ខ្ពស់​ជាង ៧ ដង​ធៀប​នឹង​គ្រា​ដំបូង​ដែល​ក្លឹប​កាតាឡាន់​ទិញ​រូប​គេ​នៅ​ឆ្នាំ ២០១៧។ អ្នក​បន្ទាប់​ដែល​អាច​នឹង​និយាយ​ពាក្យ​លា​នៅ​ថ្ងៃ​ស្អែក​នោះ​គឺ Luis Suarez ដែល​ត្រូវ​ផ្ទេរ​ទៅ​ក្លឹប Atletico Madrid៕

ប្រភព៖ AF