តិច​អត់​ដឹង? ស្ថិតិ​ដ៏​អស្ចារ្យ​មួយ​នេះ មាន​តែ Man Utd ទេ​ដែល​ធ្វើ​បាន​នៅ PL រដូវ​កាល ២០២០/២១

ក្លឹប​បិសាច​ក្រហម​បាន​បន្ត​យក​ឈ្នះ​ទៅ​លើ Burnley ដោយ​លទ្ធផល ១-០ ហើយ ៣ ពិន្ទុ​ដែល​ទទួល​បាន​សម្រេច​រុញ​ឲ្យ​ពួក​គេ​ឡើង​ឈរ​កំពូល​តារាង Premier League បណ្តោះ​អាសន្ន។

Burnley-Man Utd

ជាមួយ​ការ​ប្រកួត​ក្រៅ​ដី​នៅ​ឯ​កីឡដ្ឋាន​របស់​ក្រុម Burnley ​កាល​ពី​យប់​មិញ ក៏​បាន​នាំ​ឲ្យ​ឈ្មោះ Man Utd បាន​ក្លាយ​ជា​ក្រុម​ទី ១ នៅ Premier League រដូវ​កាល​នេះ ដែល​មិន​ទាន់​ស្គាល់​បរាជ័យ​ទាល់​តែ​សោះ នៅ​ការ​ប្រកួត​ក្រៅ​ដី​ទាំង ៧ លើក។ ជា​លទ្ធផល​ពួក​គេ​ឈ្នះ ៦ ស្មើ ១ ហើយ​កាល​ស្មើ​នោះ​គឺ​ពេល​លេង​ប៉ះ​ក្រុម Leicester City ជាមួយ​លទ្ធផល ២-២។

Ole Gunnar Solskjaer
Leicester-Man Utd

រំឭក​ថា​ក្រៅ​ពី​ស្ថិតិ​ដ៏​ល្អ​ខាង​លើ ក្រុម​ដឹកនាំ​ដោយ​លោក Ole Gunnar Solskjaer ក៏​បាន​គាស់​ស្ថិតិ​ដែល​ខកខាន​កើត​មាន​នៅ​រដូវ​កាល ២០១២-១៣ នោះ​គឺ​ការ​ឈរ​នៅ​កំពូល​តារាង Premier League ​ដែល​ពួក​គេ​ធ្លាប់​ធ្វើ​បាន​នៅ​សម័យ​កាល​ដឹកនាំ​ដោយ​លោក Sir Alex Ferguson។ រយៈ​ពេល​ ៧ ឆ្នាំ​ចុង​ក្រោយ ទើប​តែ​ចូល​មក​ជំនាន់ Ole នេះ​ទេ ទើប​អាច​កើត​ឡើង​សារ​ជា​ថ្មី៕

ប្រភព៖ OptaJoe

អានអត្ថបទបន្ទាប់៖ ជើងចាស់ Eto’O មើលឃើញសមត្ថភាពកីឡាករម្នាក់ ដែលអាចស្នងតំណែងរបស់ Messi នៅ Barcelona

អតីតខ្សែប្រយុទ្ធរបស់ Barcelona លោក Samuel Eto’o បានសម្លឹងឃើញ ខ្សែប្រយុទ្ធវ័យក្មេង Ansu Fati ថាជាអ្នកស្នងតំណែងរបស់ ប្រធានក្រុមបច្ចុប្បន្ន Lionel Messi។

ដ្បិត Messi បានបង្ហាញថា គេនៅតែជាកីឡាករដ៏ចាំបាច់មួយរូបនៅ Barcelona ប៉ុន្ដែ ខ្សែប្រយុទ្ធជនជាតិអាហ្សង់ទីនរូបនេះ ពុំទាន់បន្ដកុងត្រាថ្មីជាមួយក្លិបដែលមានមូលដ្ឋាននៅតំបន់កាតាឡូញ៉ានៅឡើយ ខណៈកុងត្រារបស់គេនឹងអស់សុពលភាពនៅរដូវក្ដៅខាងមុខនេះ។

ទោះយ៉ាងណាក្ដី អតីតមិត្តរួមក្រុមរបស់ Messi គឺលោក Eto’o បានមើលឃើញពីសមត្ថភាពរបស់ កីឡាករវ័យក្មេង Fati ថាអាចស្នងតំណែង Messi បាននាពេលអនាគត។

លោក Eto’o បាននិយាយថា៖ “ខ្ញុំគិតថា Ansu Fati ជាកីឡាករសម្រាប់ថ្ងៃអនាគត។ បច្ចុប្បន្ននេះ គេកំពុងធ្វើរឿងដ៏អស្ចារ្យ។ ខ្ញុំគិតថា ក្លិបគួរតែពង្រឹងសមត្ថភាពគេឱ្យបានល្អ។ ខ្ញុំសង្ឃឹមថា គេជាកីឡាករម្នាក់ ដែលអាចស្នងពី Messi”៕

ប្រភព៖ MARCA