ត្រូវ​ម្យ៉ាង! Buffon ថា Juve កេងបានប្រយោជន៍ដ៏ធំមួយទៀតពីការទិញចូល Ronaldo

ក្រោយ​ចំណាយ​ពេល ១៧ ឆ្នាំ​នៅ​ទឹក​ដី Turin អ្នក​ចាំ​ទី​ចាស់​វស្សា​វ័យ ៤០ ឆ្នាំ​បាន​សម្រេច​ដើរ​ចេញ​រក​ទ្រនំ​ថ្មី​នៅ​ទីក្រុង​ប៉ារីស​ជាមួយ​ក្លឹប​យក្ស Paris Saint-Germain។

Buffon ក៏​នៅ​តែ​បង្ហាញ​ការ​ជឿជាក់​ដល់​អតីត​មិត្ត​រួម​ទ្រនំ​ថា​បាន​ទាញ​ប្រយោជន៍​ដ៏​សំខាន់​មួយ សម្រាប់​ជោគជ័យ​នៃ​ការ​ចុះ​ហត្ថលេខា​យក​ Ronaldo ក្នុង​តម្លៃ ១០០ លាន​អឺរ៉ូ​ចេញ​ពី​ក្លឹប Real Madrid កាល​ពី​ខែ​កក្កដា។

បញ្ជាក់​ប្រាប់ Tiki Taka នៃ​សារព័ត៌មាន Sport Mediaset លោក​បញ្ជាក់​ថា៖ “សម្រាប់​ខ្ញុំ ដល់​ពេល​ដែល​និយាយ​ថា​វា​គ្រប់គ្រាន់​ហើយ ដោយ​ក្លឹប Juventus កន្លង​មក​ក៏​ធ្លាប់​មាន​អារម្មណ៍​ភ័យព្រួយ​ខ្លាច​កីឡាករ​ព្យាយាម​រើ​បម្រាស់​ចង់​ដើរ​ចេញ​ពី​ក្រុម ហើយ​មធ្យោបាយ​ម្យ៉ាង​ដើម្បី​បញ្ចប់​បញ្ហា​នេះ​និង​ដាស់​ស្មារតី​អ្នក​រាល់​គ្នា​ក្នុង​ក្រុម​នោះ​គឺ​ការ​ទិញ​យក Cristiano ដើម្បីបញ្ចុះបញ្ចូលឲ្យពួកគេបន្តនៅទីនោះទៀត”។

លោក​បញ្ចប់​ថា៖ “សំណើ​ទទួល​បាន​ពី PSG កាល​ពី​ខែ​ឧសភា ក៏​ធ្វើ​ឲ្យ​ខ្ញុំ​មាន​ការ​សម្រេច​ចិត្ត​ចង់​លេង​រយៈ​ពេល​មួយ​ទៅ​ពីរ​ឆ្នាំ​ទៀត​ជា​ជាង​ការ​ដាក់​កាយ​ថា​ចូល​និវត្តន៍​ពី​បាល់ទាត់”។

ប្រភព: ​Goal

មតិយោបល់