ទោះ​សញ្ជាតិ​ខ្លួន តែ Matuidi ប្រាប់​ត្រង់ៗ​មិន​មែន​កីឡាករ​បារាំង​ទេ​ឈ្នះ​ពាន Ballon d’Or

យោង​តាម​ការ​លើក​ឡើង​របស់ Blaise Matuidi កីឡាករ​សំខាន់​មួយ​រូប​លេង​ឲ្យ​ក្លឹប Juventus បាន​ទម្លាយ​នូវ​ការ​យល់​ឃើញ​លើ​តារា​ឆ្នើម​មួយ​រូប​ថា​សក្តិសម​ឈ្នះ​ពាន Ballon d’Or ឆ្នាំ ២០១៨។

កីឡាករ​បារាំង​រូប​នេះ​បាន​ចង្អុល​ដល់​តារា​ឆ្នើម​ព័រទុយហ្គាល់​គឺ Cristiano Ronaldo ដោយ​សង្កត់​ធ្ងន់​ថា​ចំណូល​ថ្មី​លេង​នៅ​ទឹក​ដី Turin ទទួល​បាន​ភាព​លេចធ្លោ​នៃ​ទម្រង់​លេង​ល្អ​បំផុត​កាល​ពី​រដូវ​កាល​ចាស់។

ក្នុង​បទ​សម្ភាសន៍​ជាមួយ Sky Sports កីឡាករ Matuidi ប្រាប់​ថា៖ “Cristiano Ronaldo? ពិត​ណាស់​គាត់​សក្តិសម​ឈ្នះ​ពាន Ballon d’Or ដោយ​គាត់​ពោរពេញ​ដោយ​ភាព​ស្រេកឃ្លាន​នៃ​ជ័យជន្នះ​និង​មាន​ភាព​ខុស​ប្លែក​ពី​គេ”។

រំឭក​ថា Juve មិន​ទាន់​ស្គាល់​បរាជ័យ​នៅ​ឡើយ​នា​បើក​រដូវ​កាល​ថ្មី​នេះ ដោយ​ក្នុង​លីគ​ទាំង ១៣ លើក ឈ្នះ ១២ លើក និង​ស្មើ ១ លើក​និង​ត្រៀម​ប៉ះ​គ្នា​ជាមួយ​ក្លឹប Fiorentina នា​ថ្ងៃ​សោរ៍​សប្តាហ៍​នេះ។

ប្រភព: BeSoccer