ទំលាយថ្លៃខ្លួនរបស់ Neymar ដែលផ្លាស់មក PSG មិនមែនត្រឹមតែ ២២២លានអឺរ៉ូនោះទេ

បើតាមប្រភពពត៌មានដែលទំលាយដោយ Football Leaks ក្លឹប Paris Saint-Germain បានចំនាយបន្ថែម ៣០លានបន្ថែមទៀត ពីលើថ្លៃផ្ដាច់កុងត្រា ២២២លានអឺរ៉ូរបស់ Neymar ដើម្បីនាំយកខ្សែប្រយុទ្ធប្រេស៊ីលមកកាន់ទីក្រុងប៉ារីសដោយសុវត្ថិភាព។

កិច្ចព្រមព្រៀងនេះ PSG ត្រូវបង់ប្រាក់បន្ថែម ដើម្បីបញ្ចប់ភាពជាប់គាំងជាមួយនឹងភ្នាក់ងារមួយចំនួន ជាពិសេសឪពុករបស់កីឡាករ ដែលជាអ្នកតំណាងផ្លូវការរបស់របស់គេ ហើយនឹង អន្ដរការីសំរាប់ការដោះដូរកីឡាករលោក Pini Zahavi ដោយម្នាក់ៗទទួលបាន ១០.៧លានអឺរ៉ូ។

ម្យ៉ាងវិញទៀត PSG ត្រូវចំណាយបន្ថែម ៨.៧លានអឺរ៉ូ អតីតកីឡាករ Santos ដើម្បីរក្សាសិទ្ធហ្វឹកហាត់របស់កីឡាកររូបនេះ ហើយ៥% នៃចំនួនថ្លៃផ្ទេរ ត្រូវចំនាយទៅអោយ FIFA សំរាប់ការដោះដូរនេះ។

លើសពីនេះទៅទៀត តាមប្រភពខាងលើបានទំលាយពីប្រាក់ពលកម្មដែឡ PSG នឹងផ្ដល់អោយ Neymar ដើម្បីបញ្ចុះបញ្ចូលរូបគេអោយចាកចេញពី Barcelona ចំនួន៣០លានអឺរ៉ូ ដោយបានបែងចែក ២៥.៥លានអឺរ៉ូ សំរាប់ប្រាក់ថេរ និង ៤.៥លានអឺរ៉ូ សំរាប់ទឹកប្រាក់បន្ថែមផងដែរ៕

ប្រភព៖ Be Soccer

មតិយោបល់