ប្រភពជិតស្និទ្ធបំផុត បានទំលាយថា Zidane នឹងត្រលប់មកកាន់ការងារជាគ្រូបង្វឹកឆាប់ៗ

លោក Zinedine Zidane នឹងត្រលប់មកកាន់តួនាទីជាគ្រូបង្វឹកនាពេលឆាប់ៗនេះ បន្ទាប់ពីលាលែងពីតំណែង អ្នកចាត់ការក្លឹប Real Madrid ប្រមាណជាង៦ខែ។

អ្នកចាត់ការសញ្ជាតិបារាងរូបនេះ បានដឹកនាំ Real Madrid ឈ្នះពាន Champions League បីរដូវកាលជាប់ៗគ្នា ហើយកូនប្រុសរបស់លោក, Enzo Zidane ដែលលេងអោយក្លឹបនៅលីគលំដាប់ទី២ Rayo Majadahonda បាននិយាយពីស្ថានភាពឪពុករបស់ខ្លួននាពេលបច្ចុប្បន្ន។

Enzo បានថ្លែងប្រាប់កាសែតអេស្ប៉ាញ AS ថា៖ “ឪពុករបស់ខ្ញុំស្រលាញ់បាល់ទាត់ ហើយគាត់នៅតែស្រលាញ់ការដឹកនាំក្រុម។ ហើយគាត់អាចនឹងក្លាយជាគ្រូបង្វឹកសារជាថ្មី នាពេលឆាប់ៗនេះ ប៉ុន្ដែបច្ចុប្បន្នគាត់ចង់មានពេលសំរាក ហើយនេះជាអ្វីដែលគាត់ត្រូវតែធ្វើ។

“ការដឹកនាំនៅ Madrid ពិតជាល្អសំរាប់គាត់ ប៉ុន្ដែវាមានតំរូវការខ្ពស់ ហើយត្រូវធ្វើការខ្លាំងថែមទៀតផង ដូច្នេះហើយបានជាពេលនេះ គាត់ត្រូវការពេលសំរាក។”

ប្រភព៖ Football Espana