ភាពលេចធ្លោររបស់ Arthur ធ្វើអោយ កីឡាករពីររូបរបស់ Barcelona បាត់តំណែងជម្រើសដំបូង

ជ័យជំនះ កាលពីយប់ថ្ងៃពុធរបស់ Barcelona ដែលបានយកឈ្នះក្រុម Tottenham ក្នុងលទ្ធផល ៤-២ ទទួលបានការសាទរជាខ្លាំង មិនមែនត្រឹមតែការទទួលជ័យជំនះសារជាថ្មី ក្រោយការធ្វើមិនបានល្អ សំរាប់បីប្រកួតកន្លងទៅតែមួយមុខនោះទេ ប៉ុន្ដែដោយសារតែ ខ្សែបម្រើចំនូលថ្មី Arthur បានបង្ហាញទម្រង់លេងលេចធ្លោរក្នុងការប្រកួតនោះផងដែរ។

យ៉ាងណាម៉ិញ Arturo Vidal និង Ousmane Dembele ត្រូវត្រលប់ទៅទឹកដីកាតាឡាន់វិញ ជាមួយនឹងការមិនសប្បាយចិត្ត ដោយសារតែបាត់បង់កៅអីសំរាប់ជម្រើសដំបូង នៅក្នុងក្រុម ហើយនឹងឱកាសក្នុងការបង្ហាញខ្លួនសំរាប់ក្រុម ក្រោយពីកីឡាករប្រេស៊ីល បានបង្ហាញភាពលេចធ្លោរនៅក្នុងទីក្រុងឡុងដ៍។

ខ្សែបម្រើឈីលី Vidal បានបង្ហាញការខឹងសម្បារ ក្រោយពីមិនត្រូវបានជ្រើសរើសក្នុងបញ្ជីកីឡាករ១១នាក់ដំបូង ដោយបានបង្ហោះនៅលើបណ្ដាញសង្គមរបស់ខ្លួន ដោយលោក Ernesto Valverde យល់ឃើញថា រូបគេមិនសក្ដិសមជំនួសតំណែងខ្សែបម្រើ Paulinho ដែលបានផ្លាស់ទៅលេងនៅចិននោះទេ។

ដោយឡែក Dembele វានៅតែជាកង្វល់ ដោយ ក្លឹបអ្នកមានបុណ្យ បានបង្ហាញទម្រង់លេងល្អជាលើកដំបូង នៅពេលដែលរូបគេមិនបានចូលរួមក្នុងជម្រើសដំបូង សំរាប់ការប្រកួតនោះ។

បើទោះជា ខ្សែប្រយុទ្ធបារាំងរូបនេះ មានទេពកោសល្យខ្ពស់ ដោយរកគ្រាប់បាល់បាន៦គ្រាប់ សំរាប់រដូវកាលនេះ ក៏ពិតមែន ប៉ុន្ដែមិនសូវមាននរណានឹកឃើញពីគេនោះទេ ហើយលោក Valverde នឹងមានការពិបាកសំរេចចិត្តនាពេលខាងមុខ ថាត្រូវដករូបគេចេញពីជម្រើសដំបូង ដើម្បីផ្ដល់ឱកាសអោយ Arthur មានឱកាសបង្ហាញសមត្ថភាព។

គួររំលឹកថា Dembele ត្រូវបានលោក Didier Deschamps កោះហៅអោយចូលរួម សំរាប់ក្រុមបារាំង ប៉ុន្ដែគ្រូបង្វឹក រូបនេះ បានផ្ញើសារមួយទៅរូបគេដោយបាននិយាយថា៖ “ខ្ញុំមិនគិតថា គេមិនទាន់ធ្វើបាននូវកំរិតខ្ពស់បំផុតដែលយើងចង់បាននោះទេ ប៉ុន្តែគេមានសមត្ថភាព ក្នុងការធ្វើអោយគូប្រកួតពិបាក។”

ប្រភព៖ Marca