មិនត្រឹមតែ Messi ទេ សូម្បីមិត្តចាស់ ២ រូបនេះ ក៏ធ្វើការរិះគន់ខ្លាំងៗទៅលើក្រុម Barca រឿងលក់ Suarez ចេញដែរ

អតីតតារាឆ្នើមរបស់ក្រុម Barcelona កីឡាករ Neymar និង Dani Alves ហាក់បានបង្ហាញពីការខឹងសម្បារយ៉ាងខ្លាំង ចំពោះទង្វើរបស់ក្លឹបយក្សនៅអេស្ប៉ាញរូបនេះ ដែលបានធ្វើចំពោះខ្សែប្រយុទ្ធ Luis Suarez បន្ទាប់ពីមានការផ្លាស់ប្តូរជាផ្លូវការមួយទៅកាន់ក្រុម Atletico Madrid ។

Neymar , Dani Alves   

ជាក់ស្តែង Suarez បានសម្រេចចិត្តចូលរួមជាមួយក្រុមគូប្រជែងនៅ La Liga សម្រាប់ការផ្លាស់ប្តូរមួយ ដោយគ្មានតម្លៃខ្លួន បន្ទាប់ពីក្រុម Barcelona បានយល់ព្រមបង់ថ្លៃ ដើម្បីបញ្ចប់កុងត្រាមុនពេលកំណត់ ក្រោយពីគ្រូបង្វឹកថ្មីលោក Ronald Koeman បានបញ្ជាក់យ៉ាងច្បាស់ថាកីឡាករសញ្ជាតិអ៊ុយរូហ្គាយរូបនេះ មិនស័ក្តិសមនៅក្នុងផែនការរបស់គាត់ នៅរដូវកាលនេះនោះទេ ។

Luis Suarez

មិនតែប៉ុណ្ណោះបន្ទាប់ពីមានរឿងដ៏ចម្រោងចម្រាស់ជាច្រើននៅក្នុងក្លឹប Messi ហាក់បានធ្វើការរិះគន់ចំៗទៅកាន់ថ្នាក់ដឹកនាំរបស់ក្លឹប ជាពិសេសទៅលើប្រធានក្លឹបលោក Josep Maria Bartomeu ផ្ទាល់តែម្តង ក្នុងអំឡុងពេល Suarez ធ្វើសន្និសីទសារព័ត៌មានចុងក្រោយ មុនការចាកចេញពីទឹកដី Camp Nou របស់គេ ។

Luis Suarez

ដោយឡែក Messi  បាននិយាយថា ៖ “ អ្នកស័ក្តិសមទទួលបានការចាកចេញ ក្នុងនាមជាបុរសម្នាក់ ដែលមានសារ:សំខាន់បំផុតក្នុងប្រវត្តិសាស្ត្ររបស់ក្លឹប បន្ទាប់ពីអាចសម្រេចបាននូវរបស់សំខាន់ជាច្រើនទាំងលក្ខណ:ក្រុម និងបុគ្គល ។ ហើយអ្នកមិនសមត្រូវបានគេទាត់ចោល ដូចដែលពួកគេបានធ្វើចំពោះអ្នកនៅពេលនេះនោះទេ ” ។

លើសពីនេះ Neymar និង Alves ដែលបានចាកចេញពីក្លឹប Barcelona នាពេលកន្លងទៅផងដែរនោះ ក៏បានបង្ហាញបង្ហាញពីប្រតិកម្មរបស់ពួកគេ ទៅលើផុសរបស់ Messi នេះផងដែរ ខណ:ដែលពួកគេបានធ្វើការរិះគន់ធ្ងន់ៗទៅកាន់ក្លឹប ចំពោះការចាកចេញរបស់ Suarez ។

Neymar , Dani Alves

ទន្ទឹមនឹងនេះ Neymar បានសរសេរថា ៖ ” វាជារឿងមិនគួរឲ្យជឿ មិននឹកស្មានថាពួកគេអាចធ្វើរឿងទាំងនេះបានទាល់តែសោះ ” ។ ហើយមិនយូរប៉ុន្មាន Alves ក៏បានចូលរួមបញ្ចេញមតិផងដែរ ដោយបានសរសេរថា ៖ ” គួរឲ្យសោកស្តាយណាស់ វាជារឿងពិតដែលពួកយើងបានដឹងអស់រយ:ពេលជាយូរមកហើយ ។ វាត្រូវបានបង្ហាញឲ្យឃើញកាន់តែច្រើនឡើងៗ ជារៀងរាល់ឆ្នាំ ។ វាមិនមែននិយាយអំពីការឈ្នះ និងចាញ់នោះទេ ប៉ុន្តែវាគឺជាការគោរព ហើយពួកគេមិនបានដឹងអំពីវានោះទេ ” ៕

ប្រភព: Metro 

អានអត្ថបទបន្ទាប់៖ បញ្ជីឈ្មោះកីឡាករ ១០ រូបដែលស៊ីថ្លៃខ្លួនថ្លៃបំផុតនៅ La Liga នាពេលបច្ចុប្បន្ន

លីគកំពូលអេស៉្បាញ​ LaLiga ត្រូវបានគេចាត់ទុកថា ជាលីគមួយដែលប្រមូលផ្ដុំទៅដោយក្រុមពូកែៗ និងមានការប្រកួតប្រជែងខ្ពស់ រីឯកីឡាករវិញ ក៏សុទ្ធសឹងតែមានតម្លៃខ្លួនថ្លៃៗកប់ដូចគ្នា។

Lionel Messi

យោងទៅតាមរបាយការណ៍ដែលចុះផ្សាយដោយគេហទំព័រ Soccerladuma បានឲ្យដឹងថា បច្ចុប្បន្នកីឡាករដែលស៊ីថ្លៃខ្លួនខ្ពស់ជាងគេនៅ LaLiga គឺ Lionel Messi ដែលទទួលបានប្រាក់ពលកម្មប្រមាណ ៥៨០ ០០០ ផោន/សប្ដាហ៍។

Lionel Messi
Eden Hazard

ខាងក្រោមនេះគឺជាបញ្ជីឈ្មោះរបស់កីឡាករដទៃទៀត ដែលទទួលបានប្រាក់ពលកម្មថ្លៃបំផុតនៅ LaLiga នាពេលបច្ចុប្បន្ន៖

10) Philippe Coutinho (FC Barcelona) ទទួលបានប្រមាណ ២៤០ ០០០ ផោន/សប្ដាហ៍

9) Joao Felix (Atletico Madrid) ទទួលបានប្រមាណ ២៥៦ ០០០ ផោន/សប្ដាហ៍

8) Koke (Atletico Madrid) ទទួលបានប្រមាណ ២៧០ ០០០ ផោន/សប្ដាហ៍

8) Diego Costa (Atletico Madrid) ទទួលបានប្រមាណ ២៧០ ០០០ ផោន/សប្ដាហ៍

6) Sergio Ramos (Real Madrid) ទទួលបានប្រមាណ ២៨០ ០០០ ផោន/សប្ដាហ៍

5) Antoine Griezmann (FC Barcelona) ទទួលបានប្រមាណ ៣២២ ០០០ ផោន/សប្ដាហ៍

4) Frenkie de Jong (FC Barcelona) ទទួលបានប្រមាណ ៣៣៦ ០០០ ផោន/សប្ដាហ៍

3) Jan Oblak (Atletico Madrid) ទទួលបានប្រមាណ ៣៥០ ០០០ ផោន/សប្ដាហ៍

2) Eden Hazard (Real Madrid) ទទួលបានប្រមាណ ៤០០ ០០០ ផោន/សប្ដាហ៍

1) Lionel Messi (FC Barcelona) ទទួលបានប្រមាណ ៥៨០ ០០០ ផោន/សប្ដាហ៍៕

ប្រភព: Soccerladuma