[វីដេអូ] Isco និង Asensio រកបានម្នាក់ពីរគ្រាប់ ជួយអោយ Real Madrid ស៊ីក្រុម Melilla ផុយៗ

Marco Asensio និង Isco រកបានម្នាក់ពីរគ្រាប់ ជួយអោយ Real Madrid យកឈ្នះក្រុម Melilla ផុយៗ ដោយបញ្ចប់លទ្ធផល ៦-១ ក្នុងការប្រកួតជើងទី២ ពាន Copa del Rey វគ្គ៣២ក្រុមចុងក្រោយ នៅក្នុងកីឡដ្ឋាន Santiago Bernabeu។

បើសរុបលទ្ធផលទាំងពីរជើង ក្រុមម្ចាស់ផ្ទះទទួលបានជ័យជំនះសរុប ១០-១ ហើយកក់កៅអីវគ្គ១៦ក្រុម ដោយសុវត្ថិភាព។ ខ្សែបម្រើវ័យក្មេង Asensio ជាកីឡាករដែលមានភាពលេចធ្លោជាងគេ ក្នុងការប្រកួតនោះ ដោយរកគ្រាប់បាល់បានពីរគ្រាប់ និង បញ្ជូនអោយមិត្តរួមក្រុមបានមួយគ្រាប់ផងដែរ។

ដោយឡែក Isco ក៏ធ្វើបានល្អផងដែរ សំរាប់ប្រកួតនេះ ដោយរកបានពីរគ្រាប់ និង ពីរគ្រាប់ទៀតរកបានដោយ ខ្សែការពារ Javi Sanchez និង ខ្សែប្រយុទ្ធ Vinicius Jr ប៉ុន្ដែយ៉ាងណាក្ដី ក្រុមភ្ញៀវក៏រកបានមួយគ្រាប់ជាការលួងចិត្ដផងដែរ ដែលរកបានដោយ ខ្សែប្រយុទ្ធ Yacine Qasmi៕

មតិយោបល់