ហែក​ប្រាប់​គ្មាន​សល់! ការ​ដើរ​ចេញ​ពី​បិសាច​ក្រហម Rooney ថា​ដោយ​សារ​បុគ្គល​មួយ​រូប

Rooney បាន​ប្រកាស​ដើរ​ចេញ​ពី Old Trafford នា​ឆ្នាំ ២០១៧ ក្រោយ​ចំណាយ​ពេល ១៣ ឆ្នាំ​បង្ហាញ​ខ្លួន​បាន ១៩៣ លើក​សរុប។

មូលហេតុ​ត្រូវ​បាន​កកាយ​កាល​ពី​ពេល​ថ្មីៗ​នេះ ដោយ Rooney បាន​និយាយ​ដល់​ជំនាន់​នៃ​ការ​ដឹកនាំ​របស់​លោក Jose Mourinho អំឡុង​ឆ្នាំ ២០១៦ ​ដែល​ថា​លោក​ហាក់​បាត់បង់​តំណែង​ចូល​លេង​ច្រើន ពោល​ជា​ការ​ខក​ចិត្ត​រហូត​បង្ខំ​ដើរ​ចូល Everton។

ថ្លែង​ប្រាប់ MUTV កីឡាករ Rooney បញ្ជាក់​ថា៖ “វា​ជា​ពេលវេលា​ដ៏​ល្អ​បំផុត​មួយ​កាល​ដែល​ខ្ញុំ​បាន​លេង​ឲ្យ Man Utd ហើយ​ខ្ញុំ​ចំណាយ​ពេល​នៅ​ទី​នោះ​យូរ​ខ្លាំង​បំផុត ប៉ុន្តែ​វា​ក៏​ជា​ពេលវេលា​សក្ដិសម​ដែល​ត្រូវ​ទៅ”។

ខ្សែ​ប្រយុទ្ធ​ឲ្យ DC United បន្ត៖ “ខ្ញុំ​បែរ​ជា​មិន​បាន​ចូល​លេង រហូត​យូរៗ​ទៅ​ក្លាយ​ជា​កីឡាករ​ដែល​មាន​ចិត្ត​ចង់​ចូល​លេង​ទៅ​វិញ ហើយ​ខ្ញុំ​ក៏​បាន​និយាយ​ទៅ​កាន់​អ្នក​ចាត់​ការ​ដែរ ប៉ុន្តែ​ហាក់​មិន​បាន​លទ្ធផល​អ្វី​ទេ ដូច្នេះ​ខ្ញុំ​ក៏​ធ្វើ​ការ​សម្រេច​ចិត្ត​ដ៏​ត្រឹមត្រូវ​មួយ​ជា​ពេលវេលា​ដែល​ត្រូវ​ចាកចេញ​ពី​ក្លឹប”។

ប្រភព:SoccerLaduma

មតិយោបល់