អតីតដៃគូម្នាក់របស់ Ronaldo ឈរនៅលេខ៣ ក្នុងបញ្ជីកីឡាកររួមចំណែក បង្កើតគ្រាប់បាល់ច្រើនបំផុតនៅ UCL

Karim Benzema ជាកីឡាករទី៣ដែលរួមចំណែកបង្កើតគ្រាប់បាល់(ស៊ុតបញ្ចូលទី និង assist) នៅក្នុងប្រវត្ដិសាស្ដ្រ Champions League ដែលតាមពីក្រោយ Lionel Messi និង Cristiano Ronaldo។

បើសិនជាបូកបញ្ចូលគ្រាប់បាល់ និង assist ជាមួយគ្នា ខ្សែប្រយុទ្ធរបស់ក្រុម Real Madrid រួមចំណែកបង្កើតគ្រាប់បាល់បាន 91គ្រាប់ (ស៊ុតចូល 63គ្រាប់ និង បញ្ជូនបាន 27គ្រាប់)។

Cristiano ឈរនៅកំពូលតារាងនៃការរួមចំណែករកគ្រាប់បាល់ ដែលសរុប 169គ្រាប់ (ស៊ុតចូល 129គ្រាប់ និង បញ្ជូន 40គ្រាប់) ខណៈ Messi មាន 149គ្រាប់(ស៊ុតចូល 114គ្រាប់ និង បញ្ជូន 35គ្រាប់)។

កីឡាករទាំង១០រូប ដែលរួមចំណែកបង្កើតគ្រាប់បាល់បានច្រើនបំផុតមានដូចជា៖

Cristiano Ronaldo 169 (ស៊ុតចូល 129 + 40 ក្នុង 173 ប្រកួត)

Lionel Messi 149 (ស៊ុតចូល 114 + បញ្ជូន 35 ក្នុង 141 ប្រកួត)

Karim Benzema 91 (ស៊ុតចូល 64 + បញ្ជូន 27 ក្នុង 119 ប្រកួត)

Raúl González 87 (ស៊ុតចូល 71 + បញ្ជូន 16 ក្នុង 144 ប្រកួត)

Robert Lewandowski 79 (ស៊ុតចូល 64 + បញ្ជូន 15 ក្នុង 86 ប្រកួត)

Ruud van Nistelrooy 76 (ស៊ុតចូល 60 + បញ្ជូន 16 ក្នុង 81 ប្រកួត)

Zlatan Ibrahimovic 75 (ស៊ុតចូល 49 + បញ្ជូន 26 ក្នុង 123 ប្រកួត)

Andriy Shevchenko 72 (ស៊ុតចូល 59 + បញ្ជូន 13 ក្នុង 116 ប្រកួត)

Thierry Henry 67 (ស៊ុតចូល 51 + បញ្ជូន 16 ក្នុង 115 ប្រកួត)

Thomas Müller 64 (44 + បញ្ជូន 20 ក្នុង 113)

អានអត្ថបទបន្ទាប់៖ ជ្រុងរសើប! ១១ រូបនេះ ធ្លាប់រកបាន ៥ គ្រាប់ក្នុងមួយប្រកួត មានម្នាក់ធ្វើបានដល់ទៅ ២ លើក

នៅលើសមរភូមិវាលស្មៅ ការរកគ្រាប់បាល់បានច្រើនជាង ៣ គ្រាប់ក្នុងមួយប្រកួត (Hat-trick) គឺពិតជាមិនមានភាពងាយស្រួលនោះឡើយ តែក៏មិនមែនមានន័យថាវាពិបាករហូតដល់ថ្នាក់គ្មានអ្នកធ្វើបាននោះទេ។ ជាក់ស្ដែងកីឡាករខ្លះអាចរកបាន ៤ គ្រាប់ ឯខ្លះទៀតអាចរកបានដល់ទៅ ៥ គ្រាប់ថែមទៀតផង។

រូបតំណាង

ដោយឡែកសម្រាប់អត្ថបទមួយនេះ CamboTrends នឹងនាំអារម្មណ៍មិត្តអ្នកអានឲ្យមកស្គាល់នាមកីឡាករទាំង ១១​ រូបនៅក្នុងប្រវត្តិសាស្ត្របាល់ទាត់តំបន់អឺរ៉ុបដែលអាចរកបាន ៥ គ្រាប់ក្នុងមួយប្រកួត ហើយក្នុងនោះទៀតសោតក៏មានម្នាក់ដែលអាចធ្វើរឿងដ៏អស្ចារ្យបែបនេះបានដល់ទៅ ២ លើកឯណោះ។

បើចង់ដឹងកាន់តែច្បាស់ សូមក្រឡេកទៅមើលបញ្ជីឈ្មោះកីឡាករដែលមានសមត្ថភាពដ៏កម្រទាំង ១១ រូបនៅខាងក្រោម៖

Alan Shearer

វីរបុរសរូបនេះគឺជាកីឡាករដំបូងបង្អស់ដែលបើកទំព័រប្រវត្តិសាស្ត្រនៃការរកគ្រាប់បាល់ ៥ គ្រាប់ក្នុងមួយប្រកួត ដែលចាប់ផ្ដើមឡើងក្នុងពេលប៉ះគ្នារវាងក្រុម Newcastle និងក្រុម Sheffield កាលពីឆ្នាំ ១៩៩១ ដោយក្រុមសារិកាព្រៃបានលត់ក្រុម Sheffield មិនប្រណីដៃក្រោមលទ្ធផល ៨-០។

Andy Cole

នៅខែមីនា ១៩៩៥ ក្រុមបិសាចក្រហម Manchester United បានទទួលជោគជ័យយ៉ាងធំធេងដែលខ្លួនមិនធ្លាប់មានពីមុនមកជាលើកដំបូង ក្រោយយកជ័យជម្នះទៅលើក្រុម Ipswich Town ក្នុងលទ្ធផល ៩-០។ នៅពីក្រោយជ័យជម្នះដ៏អស្ចារ្យមួយនេះ គឺមានការជួយយ៉ាងខ្លាំងក្លាពីកីឡាករ Andy Cole ដែលអាចបំប៉ោងសំណាញ់ទីគូប្រកួតដល់ទៅ ៥ គ្រាប់ឯណោះ។

Alen Peternac

វីរបុរសរូបនេះវិញគឺជាកីឡាករសញ្ជាតិក្រុអាតតែមួយរូបគត់ដែលអាចបំបែកកំណត់ត្រារកគ្រាប់បាល់បាន​ ៥ គ្រាប់ក្នុងមួយប្រកួតបាន អំឡុងពេលដែលក្រុម Valladolid ប៉ះគ្នាជាមួយនឹងក្រុម Oviedo កាលពីឆ្នាំ ១៩៩៦ ដោយពេលនោះក្រុម Valladolid បានយកឈ្នះក្រោមលទ្ធផល ៨-៣។

Fernando Morientes

Fernando Morientes គឺជាវីរបុរសរបស់ក្រុមស្ដេចស Real Madrid ហើយលោកក៏ជាកីឡាករដែលអាចបំបែកកំណត់ត្រាដ៏អស្ចារ្យមួយនេះផងដែរ ក្នុងជំនួបរវាង Real Madrid និង Las Palmas ក្រោមលទ្ធផល ៧-០ កាលពីខែកុម្ភៈ ២០០២។

Jermain Defoe

កាលពីខែវិច្ឆិកា ២០០៩ ក្លឹបមាន់ខ្នាយមាស Tottenham បានបំបាក់មុខក្រុម Wingan យ៉ាងចាស់ដៃ ដោយបានយកឈ្នះក្រោមលទ្ធផល ៩-១ ដែលក្នុងនោះផងដែរអតីតខ្សែប្រយុទ្ធសញ្ជាតិអង់គ្លេសគឺជាចំណែកដ៏ធំមួយសម្រាប់លត់ក្រុម Wingan បន្ទាប់ពីចំណាយពេលត្រឹមតែ ៧​ នាទីប៉ុណ្ណោះដើម្បីរកបាន Hat-trick និងបន្ថែម ២ គ្រាប់ទៀតនៅចុងម៉ោងដើម្បីបង្គ្រប់គ្រាប់ទី ៥ ។

Dimitar Berbatov

អតីតខ្សែប្រយុទ្ធសញ្ជាតិប៊ុលហ្គារី ក៏ធ្លាប់បំបែកកំណត់ត្រាមួយនេះជាមួយនឹងក្រុមបិសាចក្រហម Manchester United ផងដែរ អំឡុងពេលប៉ះជាមួយនឹងក្រុម Blackburn Rovers កាលពីខែវិច្ឆិកា ២០១០ និងទទួលបានជ័យជម្នះក្រោមលទ្ធផល ៧-១។

Lionel Messi

ដោយឡែក M10 ឯណោះវិញក៏មិនចាញ់ CR7 ប៉ុន្មានដែរ ពោលគឺលោកគឺជាកីឡាករដំបូងគេដែលរកបាន ៥ គ្រាប់ក្នុងជំនួបរវាងក្រុម FC Barcelona និងក្រុម​ Bayer Leverkusen កាលពីខែ មីនា ២០១២ នៅព្រឹត្តិការណ៍ដណ្ដើមពានរង្វាន់អឺរ៉ុប និងបានជួយឲ្យក្រុមយកឈ្នះក្នុងលទ្ធផល ៧-១ ។

Radamel Falcao

អតីតខ្សែប្រយុទ្ធរបស់ក្លឹប At Madrid វិញក៏ធ្លាប់រកបាន ៥ គ្រាប់ផងដែរ អំឡុងពេលដែលក្រុម Atletico Madrid ប៉ះជាមួយក្រុម Deportivo La Coruna កាលពីខែធ្នូ ២០១២ ក្រោមលទ្ធផល ៦-០។

Miroslav Klose

ខ្សែប្រយុទ្ធសញ្ជាតិអាល្លឺម៉ង់រូបនេះគឺជាអ្នកបើកឆាកដំបូងបង្អស់សម្រាប់ក្រុម Lazio នៅលីគកំពូល Serie A ដែលអាចរកបាន ៥ គ្រាប់ក្នុងមួយប្រកួត អំឡុងពេលប៉ះជាមួយនឹងក្រុម​ Bologna កាលពីខែឧសភា ២០១៣។ លោកក៏ជាកីឡាករដំបូងដែលអាចបំបែកកំណត់ត្រារបស់លោក Roberto Pruzzo ដែលធ្លាប់រកបាន ៥ គ្រាប់ដូចគ្នាកាលពីឆ្នាំ ១៩៨៦។

Cristiano Ronaldo

Cristiano Ronaldo គឺជាកីឡាករតែម្នាក់គត់នៅក្នុងប្រវត្តិសាស្ត្រដែលអាចរកគ្រាប់បាល់បាន ៥ គ្រាប់ដល់ទៅ ២ ប្រកួត ដែលលើកទី ១ គឺជំនួបរវាង Real Madrid និង Granada ក្នុងខែមេសា ២០១៥ ក្រោមលទ្ធផល ៩-១។ ចំណែកឯលើកទី ២ គឺនៅចុងខែមករា ២០១៦ ពេលប៉ះជាមួយនឹងក្រុម Espanyol ក្រោមលទ្ធផល ៦-០។

Robert Lewandoski

ខ្សែប្រយុទ្ធរបស់ក្លឹប Bayern Munich វិញគឺជាកីឡាករមួយរូបដែលបានបង្កើតកំណត់ត្រាដែលមិនធ្លាប់មានពីមុនមក ថែមទាំងធ្វើឲ្យអ្នកគាំទ្រវិស័យបាល់ទាត់ទូទាំងពិភពលោកមានការភ្ញាក់ផ្អើលយ៉ាងខ្លាំងកាលពីខែកញ្ញា ២០១៥ ខណៈពេលនោះគឺជាជំនួបរវាងក្រុម Bayern Munich និងក្រុម Wolfsburg។

អ្នកគាំទ្រវិស័យបាល់ទាត់ច្បាស់ជាចាំមិនភ្លេចនូវព្រឹត្តិការណ៍ដ៏អស្ចារ្យ នៅពេលដែល Lewandoski ប្រើពេលត្រឹមតែ ៩ នាទីតែប៉ុណ្ណោះដើម្បីរកបានគ្រាប់បាល់ ៥ គ្រាប់ ហើយការប្រកួតបានបញ្ចប់ទៅក្រោមលទ្ធផល ៥-១៕

ប្រភព: sofascore