អ្នកចាំទីថ្មីរបស់ Chelsea មានឈ្មោះក្នុងជម្រើស១១នាក់ថ្លៃបំផុត ប្រចាំប្រវត្តិសាស្ដ្របាល់ទាត់

អ្នកចាំទី Kepa Arrizabalaga បានផ្លាស់ពី Athletic Bilbao មកចូលរួមជាមួយនឹងក្លឹបអង់គ្លេស Chelsea ក្នុងតំលៃផ្ដាច់កុងត្រា ក្នុងតំលៃខ្លួន ៧១.៦លានផោន(ប្រមាណ ៩២លានដុល្លារ) បានធ្វើអោយរូបគេក្លាយជាអ្នកចាំទីដែលមានតំលៃថ្លៃបំផុតប្រចាំប្រវត្តិសាស្ដ្របាល់ទាត់ ដែលកាន់កាប់ដោយ Alisson របស់ Liverpool កាលពីថ្មីៗនេះ។

ដោយឡែកសំរាប់ជម្រើសទាំង១១នាក់ សំរាប់កីឡាករថ្លៃបំផុតវិញ មានតំលៃរហូតដល់ ១.០២៩លានផោន(ប្រមាណ ១៣៣០លានដុល្លារ)។ កីឡាករដែលមានតំលៃថ្លៃជាងគេបំផុតគឺ ខ្សែប្រយុទ្ធប្រេស៊ីល Neymar បន្ទាប់ពីររូបគបានចាកចេញពី Barcelona ទៅរួមរស់ជាមួយក្លឹបបារាំង Paris Saint-Germain ក្នុងតំលៃ ២០០លានផោន តាមពីក្រោយដោយ ខ្សែប្រយុទ្ធវ័យក្មេងបារាំង Kylian Mbappe ដែលជាមិត្តរួមក្រុមរបស់ Neymar នៅ PSG។

ហើយខ្សែប្រយុទ្ធវ័យ៣៣ឆ្នាំ Cristiano Ronaldo ក៏មានឈ្មោះនៅក្នុងបញ្ជីកីឡាករទាំង១១រូបនេះផងដែរ បន្ទាប់ពីរូបគេចាកចេញពី Real Madrid បន្ទាប់ពីរួមរស់នៅទីនោះអស់រយៈពេល ៩ឆ្នាំ ដោយផ្ទេរទៅលេងអោយ Juventus ក្នុងតំលៃខ្លួន ១០៥លានផោន។

ហើយខាងក្រោមនេះ ជាជម្រើស១១នាក់ដំបូងថ្លៃបំផុត ប្រចាំប្រវត្តិសាស្ដ្របាល់ទាត់៖

អ្នកចាំទី៖ Kepa Arrizabalaga (ផ្ទេរពី Athletic Bilbao ទៅ Chelsea ក្នុងតំលៃ ៧១.៦លានផោន)

ខ្សែការពារស្លាបឆ្វេង៖ Benjamin Mendy (ផ្ទេរពី Monaco ទៅ Manchester City ក្នុងតំលៃ ៥១.៧៥លានផោន)

ខ្សែការពារកណ្ដាល៖ Virgil van Dijk (ផ្ទេរពី Southampton ទៅ Liverpool ក្នុងតំលៃ ៧០.១លានផោន)

ខ្សែការពារកណ្ដាល៖ Aymeric Laporte (ផ្ទេរពី Atletic Bilbao ទៅ Manchester City ក្នុងតំលៃ ៥៨.៥លានផោន)

ខ្សែការពារស្លាបស្ដាំ៖ Kyle Walker (ផ្ទេរពី Tottenham ទៅ Manchester City ក្នុងតំលៃ ៤៧.៥លានផោន)

ខ្សែបម្រើ៖ Paul Pogba (ផ្ទេរពី Juventus ទៅ Manchester United ក្នុងតំលៃ ៩៤លានផោន)

ខ្សែបម្រើ៖ Philippe Coutinho (ផ្ទេរពី Liverpool ទៅ Barcelona ក្នុងតំលៃ ១១២.៥លានផោន)

ខ្សែបម្រើ៖ Ousmane Dembele (ផ្ទេរពី Borussia Dortmund ទៅ Barcelona ក្នុងតំលៃ ៨៩លានផោន)

ខ្សែប្រយុទ្ធស្លាបឆ្វេង៖ Neymar (ផ្ទេរពី Barcelona ទៅ PSG ក្នុងតំលៃ ២០០លានផោន)

ខ្សែប្រយុទ្ធកណ្ដាល៖ Cristiano Ronaldo (ផ្ទេរពី Real Madrid ទៅ Juventus ក្នុងតំលៃ ១០៥លានផោន)

ខ្សែប្រយុទ្ធស្លាបស្ដាាំ៖ Kylian Mbappe (ផ្ទេរពី Monaco ទៅ Paris Saint-Germain ក្នុងតំលៃ ១២១លានផោន)

ជម្រើស១១នាក់ដែលមានតំលៃថ្លៃបំផុត

ប្រភព៖ SportBible