អតីតកីឡាករជើងចាស់លោក Roy Keane បានរិះគន់ដល់ខ្សែការពារ Kyle Walker របស់ក្លឹប Man City ថាលេងភ្លីភ្លើនៅការប្រកួតទល់ Liverpool កាលពីយប់មិញ។
Walker បានបង្កកំហុសនៅប្រអប់គ្រោះថ្នាក់ ដែលជាកំហុសមិនគួរតែធ្វើឡើងទៅលើ Sadio Mane ហើយផ្តល់បាល់ប៉េណាល់ទី ១១ ម៉ែត្រសម្រេចទីបានជោគជ័យពីថ្វីជើងរបស់ Mohamed Salah។
ក្រោយចប់ការប្រកួតចែកស្មើម្នាក់ ១ ពិន្ទុ Keane ត្រូវបានគេសួរថា Mane អាចយកបានបាល់ប៉េណាល់ទីនោះដោយរបៀបណា? លោក Keane ឆ្លើយប្រាប់ Sky Sports៖ “ព្រោះតែ Mane គេលេងតទល់គូប្រជែងភ្លីភ្លើ ដោយ Kyle Walker នេះ មានមនុស្សនិយាយថាគេលេងល្អតែខ្ញុំមិនគិតអ៊ីចឹងទេ”។
លោកបន្ត៖ “ខ្ញុំគិតថាបុរសអាយុ ៣០ ឆ្នាំ ជាកីឡាករជម្រើសជាតិ តែគ្មានជោគជ័យអីទាល់តែសោះ ហើយនៅតែបន្តបង្កកំហុសរបៀបហ្នឹងដដែលៗ”៕
ប្រភព៖ Metro
អានអត្ថបទបន្ទាប់៖ Cassano៖ “Zlatan ជាខ្សែប្រយុទ្ធកណ្ដាលល្អបំផុតក្នុងលោកបន្ទាប់ពី ២ រូបនេះ”
អតីតមិត្តរួមទ្រនំនៅ AC Milan គឺលោក Antonio Cassano បានបង្ហាញការយល់ឃើញថា Zlatan Brahimovic គឺជាខ្សែប្រយុទ្ធកណ្តាលល្អបំផុតលំដាប់ទី ៣ ក្នុងប្រវត្តិសាស្រ្ត។ នេះជាសម្តីដែលបាននិយាយជាមួយ Christian Vieri នៅលើវីដេអូផ្សាយផ្ទាល់ លើបណ្តាញសង្កម Instagram ជជែកអំពីការប្រកួតនៅ Serie A បច្ចុប្បន្ន។
Cassano ធ្លាប់ចូលរួមលេងឲ្យ AC Milan និង Inter Milan បានមួយឆ្នាំៗ ហើយឈ្នះពាន Serie A ជាមួយនឹង Zlatan Ibrahimovic។
ប្រាប់ក្នុងការផ្សាយផ្ទាល់នោះ បុរសវ័យ ៣៨ ឆ្នាំនិយាយ៖ “បន្ទាប់ពី Ronaldo [ប្រេស៊ីល] និង Van Basten គឺ Ibra នេះហើយជាខ្សែប្រយុទ្ធកណ្ដាលរឹងមាំបំផុតក្នុងប្រវត្តិសាស្ត្រ ដោយគេជាកីឡាករពេញលេញបំផុតដែលខ្ញុំមិនធ្លាប់បានឃើញ”។
Cassano ក៏បាននិយាយដល់ក្រុម Atalanta ផងដែរ ដោយយល់ឃើញថាក្រុមនេះធ្វើបានល្អច្រើន ត្បិតបើបច្ចុប្បន្នរៀងធ្លាក់ទម្រង់លេងប្រៀបដូចជារថយន្តជិតអស់សាំង ក៏ពួកគេនៅតែមានសង្ឃឹមប្រជែងពាន Serie A ដដែល៕
ប្រភព៖ AF