នៅវេលាម៉ោង ០៣:០០ នាទីយប់នេះ ទំព័រ CTS Sports នឹងមានការផ្សាយផ្ទាល់នៅជំនួបពិសេសរវាងក្លឹប Atletico Madrid និង Chelsea ដែលជាការប្រកួតជើងទី ១ វគ្គ ១៦ ក្រុមចុងក្រោយ UCL។ មុនឈានដល់ការប្រកួតសមាសភាពក្រុមទាំងពីរក៏ត្រូវបានបង្ហាញជាបណ្តើរៗ ហើយអ្នកចាត់ការនៃក្លឹបរៀងខ្លួនក៏បង្ហាញនៅការយល់ឃើញស្រដៀងៗគ្នា។
សម្រាប់លោក Diego Simeone បានសរសើរមិនដាច់ពីមាត់ដល់គូបដិបក្ខនៅរាត្រីនេះ ដោយថាលោក Tuchel ដែលជាគ្រូថ្មី បានពង្រឹងក្លឹប Chelsea រួចទៅហើយ បើទោះទើបតែដឹកនាំរយៈពេលខ្លីក៏ដោយ។
ប្រាប់នៅសន្និសីទសារព័ត៌មានគ្រូ Atletico និយាយ៖ “Tuchel បានមកដល់ក្លឹបដែលមានឥទ្ធិពលផ្នែកហិរញ្ញវត្ថុមួយ ដោយពីមួយឆ្នាំទៅមួយឆ្នាំពួកគេមានលទ្ធភាពក្នុងការចុះហត្ថលេខានាំយកកីឡាករកំពូលៗ ហើយចុងក្រោយនេះពួកគេបានមានការផ្លាស់ប្តូរតាមរយៈការនាំយក Tuchel មកចូលរួម”។
លោកបន្ថែមទៀតថា៖ “តែវាបានក្លាយជាក្រុមដ៏ធំមួយហើយ ចាប់តាំងពីការមកដល់របស់ Tuchel គឺក្រុមបានមានការពង្រឹងល្អប្រសើរជាងមុន ហើយគាត់បានផ្លាស់ប្តូររឿងល្អជាច្រើន ដោយមើលទៅកីឡាករដែលពួកគេមាន ពួកគេមានអ្នកចាំទីដ៏ល្អ ៣ រូប មានខ្សែប្រយុទ្ធល្អជាច្រើន ហើយសូម្បីតែកីឡាករបម្រុងក៏ល្អដែលអាចមានលទ្ធភាពចាប់ផ្តើមលេងឲ្យក្រុមណាបានទាំងអស់នៅអឺរ៉ុប”៕
ប្រភព៖ Metro
អានអត្ថបទបន្ទាប់៖ Filipe Luis ថាខឹង Mourinho ព្រោះបានលក់ “Messi ប្រចាំក្លឹប Chelsea”
អតីតខ្សែការពាររបស់ក្លឹប Chelsea លោក Felipe Luis បាននិយាយថាការសម្រេចចិត្តរបស់លោក Jose Mourinho ក្នុងការលក់ចេញកីឡាករ Mohamed Salah កាលពីប៉ុន្មានឆ្នាំមុនគឺជារឿងដែលមិនគួរកើតឡើង ព្រោះបុរសសញ្ជាតិអេហ្សីបមានសមត្ថភាពប្រៀបបាននឹង Lionel Messi អ៊ីចឹងកំឡុងការហ្វឹកហាត់។
បញ្ជាក់ថា អតីតខ្សែប្រយុទ្ធនៅ Chelsea [Salah] គេបានចាកចេញពីទឹកដី Stamford Bridge ក្រោយមិនសូវទទួលបានឱកាសចូលរួមលេង ហើយក្រោយផ្ទេរមក Liverpool រយៈពេលចុងក្រោយនេះគេបានវិវត្តខ្លួនក្លាយជាខ្សែប្រយុទ្ធកំពូល ដោយរកបាន ១១៨ គ្រាប់នៅ ១៨៦ ប្រកួត ហើយបានឈ្នះទាំងពានរង្វាន់ Premier League និង Champions League។
ដោយឡែកបើបង្វែរមក Luiz ដែលជាអតីតមិត្តរួមក្រុមបាននិយាយប្រាប់ The Guardian កន្លងទៅថា៖ “[Mourinho] មិនបានឃើញការលេងដ៏ល្អរបស់ខ្ញុំនៅឡើយទេ ពោលគឺដូចទៅនឹង Salah អ៊ីចឹងដែរ ដោយពេលគេទៅ Fiorentina ខ្ញុំបាននិយាយថា ហេតុអ្វីអ្នកចាកចេញ,Momo? ព្រោះនេះជាក្លឹប Chelsea ហើយគេបាននិយាយមកវិញ ថាខ្ញុំត្រូវការលេង ដោយធ្វើឲ្យខ្ញុំគិតថាគេជាក្មេងដ៏ល្អម្នាក់”។
លោកបន្ថែមទៀតថា៖ “គេមិនដែលចង់មកដើម្បីតែលុយឬឈ្នះបន្ថែមទៀតអីនោះទេ តែគេចង់មកដើម្បីបង្ហាញពីអ្វីដែលគេអាចធ្វើបាន ហើយនៅពេលហ្វឹកហាត់គេប្រៀបបានទៅនឹង Messi ហ្នឹងពិតណាស់គឺដូចជា Messi អ្នកអាចសួរអ្នករាល់គ្នានៅទីនោះបាន”៕
ប្រភព៖ Metro