Cristiano Ronaldo នឹងមិនចាកចេញពី Juventus នៅពេលខាងមុខនេះទេ ពោលគេនឹងបន្តរួមរស់នៅសេះបង្កង់ប៉ុន្មានឆ្នាំទៅមុខទៀត មុនចាកចេញទៅក្លឹបចុងក្រោយបង្អស់នៃអាជីព។ នេះបើតាមអ្នកសារព័ត៌មានលោក Claudio Raimondi បានលើកឡើង។
ជាការពិតក្រោយមើលឃើញស្ថានភាពរបស់ Juventus នៅពេលចុងក្រោយ គឺធ្វើឲ្យអ្នកគាំទ្របារម្ភជាខ្លាំង ខ្លាចក្រែងថាកីឡាករព័រទុយហ្គាល់មានចិត្តចង់ដើរចេញ ព្រោះក្លឹបមិនជោគជ័យទាំងនៅ Champions League និង Serie A។
យ៉ាងណាប្រាប់កាលពីពេលកន្លងទៅ អ្នកសារព័ត៌មានជនជាតិអ៊ីតាលីខាងលើនិយាយបែបនេះថា៖ “Ronaldo គាត់មានផែនការណ៍អនាគតរបស់គាត់ហើយ ដោយគាត់ចង់បញ្ចប់ការលេងនៅក្លឹបកំពូលជាមួយក្លឹប Juventus ហើយចំណាយពេល ២ ឆ្នាំទៀតនៅក្លឹប Sporting”។
លោកបន្ថែម៖ “Cristinao គេគ្មានចិត្តនឹងចាកចេញពី Jvuentus ទេ ដោយគេឲ្យតម្លៃដល់កុងត្រាដែលសេសសល់ ពោលគឺរហូតដល់ចុងខែមិថុនាឆ្នាំ ២០២២ ហើយក៏គ្មានភាគរយដែលគាត់ត្រលប់ទៅអេស្ប៉ាញ Real Madrid ឬក្លឹប Manchester United នោះដែរ និយាយទៅក្លឹបទាំងនោះគ្មានលទ្ធភាពនឹងចំណាយលើការផ្ទេររបស់ CR7 ឡើយ”៕
ប្រភព៖ SportBible
អានអត្ថបទបន្ទាប់៖ បន្តសង្រ្គា.មពាក្យសម្តី! Lukaku ផ្ញើសារមួយឲ្យលោកព្រះ Zlatan ក្រោយក្រុមឈ្នះពាន Serie A
Inter Milan បានក្លាយជាក្រុមឈ្នះជើងឯករដូវកាល ២០២០/២១ ដោយវ៉ាដាច់ច្រើនជាង ១០ ពិន្ទុធៀបនឹងក្រុមឈរលេខ ២។ ជាមួយជ័យជម្នះនេះក៏បានធ្វើឲ្យកីឡាករក្នុងក្រុមមានមោទនភាពជាខ្លាំង ព្រោះជាការពិត Inter ខកខានលើកពាន Serie A រយៈពេល ១១ ឆ្នាំមកហើយ។
មកមើល Romelu Lukaku ដែលជាខ្សែប្រយុទ្ធរកគ្រាប់បាល់ច្រើនបំផុតឲ្យ Inter រដូវកាលនេះ ក៏បានផ្ញើសារមួយទៅកាន់លោកព្រះ Zlatan Ibrahimovich ដោយឆ្លើយតបទៅនឹងពាក្យចុងក្រោយដែលកីឡាករវ័យចំណាស់របស់ AC Milan ធ្លាប់បាននិយាយថា៖ “ទីក្រុង Milan គ្មានស្តេចនោះទេ គឺមានតែព្រះ”។
យ៉ាងណាមកមើលសាររបស់ Lukaku វិញបានសរសេរក្រោយក្លាយជាក្រុមឈ្នះជើងឯក៖ “ព្រះពិតប្រាកដបានគ្រោងមកុដហើយ សូមក្រាបថ្វាយបង្គំ នេះគឺជាស្តេចប្រចាំ Milano”។
គួររំឭកថា Lukaku និង Zlatan ក្រៅពីប៉ះគ្នាលើបណ្តាញសង្គម ពួកគេក៏ធ្លាប់ប៉ះទង្គិចលើទីលានផងដែរ ហើយនាំឲ្យអ្នកគាំទ្រមួយចំនួនបានគូររូបគំនូររវាងអ្នកទាំងពីរ លើជញ្ជាំងសាធារណៈក្នុងទីក្រុង Milan ថែមទៀតផង ដែលរាប់ថាពួកគេជាគូសត្រូ.វដ៏គួរឲ្យជក់ចិត្តមួយ៕
ប្រភព៖ AF