Inter Milan បានក្លាយជាក្រុមឈ្នះជើងឯករដូវកាល ២០២០/២១ ដោយវ៉ាដាច់ច្រើនជាង ១០ ពិន្ទុធៀបនឹងក្រុមឈរលេខ ២។ ជាមួយជ័យជម្នះនេះក៏បានធ្វើឲ្យកីឡាករក្នុងក្រុមមានមោទនភាពជាខ្លាំង ព្រោះជាការពិត Inter ខកខានលើកពាន Serie A រយៈពេល ១១ ឆ្នាំមកហើយ។
មកមើល Romelu Lukaku ដែលជាខ្សែប្រយុទ្ធរកគ្រាប់បាល់ច្រើនបំផុតឲ្យ Inter រដូវកាលនេះ ក៏បានផ្ញើសារមួយទៅកាន់លោកព្រះ Zlatan Ibrahimovich ដោយឆ្លើយតបទៅនឹងពាក្យចុងក្រោយដែលកីឡាករវ័យចំណាស់របស់ AC Milan ធ្លាប់បាននិយាយថា៖ “ទីក្រុង Milan គ្មានស្តេចនោះទេ គឺមានតែព្រះ”។
យ៉ាងណាមកមើលសាររបស់ Lukaku វិញបានសរសេរក្រោយក្លាយជាក្រុមឈ្នះជើងឯក៖ “ព្រះពិតប្រាកដបានគ្រោងមកុដហើយ សូមក្រាបថ្វាយបង្គំ នេះគឺជាស្តេចប្រចាំ Milano”។
គួររំឭកថា Lukaku និង Zlatan ក្រៅពីប៉ះគ្នាលើបណ្តាញសង្គម ពួកគេក៏ធ្លាប់ប៉ះទង្គិចលើទីលានផងដែរ ហើយនាំឲ្យអ្នកគាំទ្រមួយចំនួនបានគូររូបគំនូររវាងអ្នកទាំងពីរ លើជញ្ជាំងសាធារណៈក្នុងទីក្រុង Milan ថែមទៀតផង ដែលរាប់ថាពួកគេជាគូសត្រូ.វដ៏គួរឲ្យជក់ចិត្តមួយ៕
ប្រភព៖ AF
អានអត្ថបទបន្ទាប់៖ ភ្ញាក់ផ្អើល! ពេលដឹង Chelsea ធ្លាប់ជួបពិភាក្សាជាមួយភ្នាក់ងារតារាឆ្នើម Real រូបនេះ អំឡុងប៉ះគ្នាក្នុងពាន UCL
ក្រុមតោខៀវ Chelsea ត្រូវបានគេរាយការណ៍ថាបានជួបជាមួយបងប្រុស និងជាភ្នាក់ងារផ្ទាល់របស់ខ្សែការពារក្រុម Real Madrid កីឡាករ Sergio Ramos ក្នុងអំឡុងពេលនៃការប្រកួតវគ្គពាក់កណ្តាលផ្តាច់ព្រ័ត្រពានរង្វាន់ក្របខ័ណ្ឌ Champions League ជើងទី ១ នៅប្រទេសអេស្ប៉ាញនាពេលកន្លងទៅ ។
ជាក់ស្តែងនៅលីគកំពូលអង់គ្លេសមួយនេះ បានឆ្លៀតឱកាសចូលជួបពិភាក្សាជាមួយលោក Rene Ramos ជុំវិញកិច្ចព្រមព្រៀងដែលអាចធ្វើបានមួយសម្រាប់ប្រធានក្រុម Madrid កីឡាករ Ramos នៅរដូវក្តៅខាងមុខ ។
យ៉ាងណាមិញក្រុម Chelsea ត្រូវគេរាយការណ៍ថាមានបំណងពង្រឹងតំបន់ការពាររបស់ខ្លួន ឱ្យកាន់តែមានភាពរឹងមាំបន្ថែមទៀតនៅរដូវកាលក្រោយ ហើយ Ramos នៅតែត្រូវគេចាត់ទុកថាជាកីឡាករដ៏ឆ្នើមបំផុតមួយរូប សម្រាប់តំណែងនេះ បើទោះបីជាគាត់មានអាយុច្រើនហើយក៏ដោយ ។
រំលឹកថាកីឡាករវ័យ ៣៥ ឆ្នាំរូបនេះ បានក្លាយជាផ្នែកសំខាន់បំផុតសម្រាប់ក្រុម Real នៅរដូវកាលនេះ ហើយគាត់ក៏ជាសមាជិកមិនអាចខ្វះបានមួយនៅក្រុមជម្រើសជាតិអេស្ប៉ាញផងដែរ ដូច្នេះវាច្បាស់ណាស់ថា Ramos នៅតែអាចមានសមត្ថភាពលេងឲ្យក្រុមតោខៀវ Chelsea បានមួយឆ្នាំឬ ២ ឆ្នាំទៀត បើសិនបើគាត់យល់ព្រមផ្លាស់មកទឹកដី Premier League នោះ ។
ហើយមិនតែប៉ុណ្ណោះ វានៅតែត្រូវបានគេមើលឃើញថាប្រសិនបើ Ramos មិនព្រមបន្តកុងត្រាថ្មី ដែលកៀកនឹងបញ្ចប់ជាមួយក្រុម Madrid ទេនោះ វាអាចជាឱកាសដ៏ធំមួយសម្រាប់ Chelsea ស្របពេលពួកគេកំពុងមានការរីកចម្រើនលើកិច្ចពិភាក្សានាពេលកន្លងទៅ ជាមួយខ្សែការពារកំពូលរូបនេះផងដែរ ៕
ប្រភព: Cuaghtoffside