Eden Hazard ទទួលរកនូវការរិះ.គន់ឥតសំចៃពីអ្នកគាំទ្រ Real Madrid នៅពេលដែលគេសើចសប្បាយជាមួយអតីតមិត្តរួមក្រុម Chelsea ក្រោយពេលក្រុមអធិរាជធ្លាក់ចេញពី Champions League កាលពីថ្ងៃពុធកន្លងទៅ។
ខ្សែប្រយុទ្ធជនជាតិបែលហ្ស៊ិក ដែលធ្លាប់ជាកីឡាករឆ្នើមបំផុតមួយរូបនៅ Chelsea បានធ្វើឱ្យអ្នកគាំទ្រ Real Madrid ខកចិត្តពេលឃើញគេនិយាយលេងសើចជាមួយ Kurt Zouma ដោយមានការលើកឡើងថា ការបញ្ចេញអាកប្បកិរិយាបែបនេះ គឺខុសនឹងពេលវេលា តែទោះយ៉ាងណាក្ដី Hazard បានសុំទោសចំពោះទង្វើរបស់ខ្លួននៅលើបណ្ដាញសង្គម។
Hazard បានសរសេរនៅលើ Instagram របស់ខ្លួនថា៖ “ខ្ញុំសូមទោស។ ខ្ញុំបានអានយោបល់ជាច្រើនពីខ្ញុំនៅថ្ងៃនេះ ហើយវាមិនមែនជាចេតនារបស់ខ្ញុំ ក្នុងការប្រ.មាថ អ្នកគាំទ្រ Real Madrid ឡើយ”។
“វាជាក្ដីសុបិនរបស់ខ្ញុំដែលលេងសម្រាប់ Real Madrid ហើយខ្ញុំមកទីនេះដើម្បីឈ្នះ។ រដូវកាលមិនទាន់បញ្ចប់នៅឡើយទេ ហើយការរួបរួមគ្នា ពេលនេះយើងប្រជែងពាន La Liga។ Hala Madrid! “៕
ប្រភព៖ Marca
អានអត្ថបទបន្ទាប់៖ Mourinho ចង់ឲ្យ Roma ចរចាយកអតីតកូនក្រុមស៊ីថ្លៃកប់ពពកមួយរូបពីក្លឹប Man Utd
លោក Jose Mourinho នឹងចូលដឹកនាំក្លឹប AS Roma នាមជាអ្នកចាត់ការដែលជាប់កុងត្រារយៈពេល ៣ ឆ្នាំចាប់ពីរដូវកាលក្រោយតទៅ ហើយនៅទីផ្សារដោះដូរខាងមុខលោកក៏មានសិទ្ធវិភាគនិងផ្តល់យោបល់ឲ្យក្លឹបថាគួរនាំយកកីឡាកររូបណាមកចូលរួមខ្លះដែរ។
តាមរបាយការណ៍ពី TodoFichajes បានចុះផ្សាយ បុរសវ័យ ៥៨ ឆ្នាំ លេចលឺថាចង់ចុះហត្ថលេខាយក David de Gea ដែលជាអតីតកូនក្រុមរបស់ខ្លួននៅក្លឹបបិសាចក្រហម។ អ្នកចាំទីសញ្ជាតិអេស្ប៉ាញជាប់កុងត្រាជាមួយម្ចាស់ដី Old Trafford ដល់ចុងខែមិថុនា ឆ្នាំ ២០២៣ ហើយបច្ចុប្បន្នគេអាចមានតម្លៃផ្ទេរចេញខ្ទង់ ២៥ លានអឺរ៉ូ។
យ៉ាងណាយើងមិនច្បាស់នោះទេថា United ព្រមលក់ចេញ De Gea ឬអត់ ព្រោះក្នុងដៃរបស់ក្លឹបក៏មាន Dean Henderson មួយរូបទៀតដែលអាចឈរជើងជំនួសកីឡាករវ័យ ៣០ ឆ្នាំ។ ប៉ុន្តែ De Gea ទើបតែជួយឲ្យ United យកឈ្នះ Roma ឡើងទៅវគ្គផ្ដាច់ព្រ័ត្រ UEL យប់មិញ បែបនេះបើគេនៅបន្តបង្ហាញទម្រង់លេងល្អតទៅទៀត ក៏ពិបាកនឹងឲ្យក្លឹបអង់គ្លេសកាត់ចិត្ត។
លើកលែងតែករណីមួយដែល United ចង់សម្រួលដល់ការចំណាយ អ៊ីចឹងការផ្ទេរចេញ De Gea ពិតជាអាចកើតឡើង ព្រោះសព្វថ្ងៃគេស៊ីថ្លៃច្រើនជាង ៣០០ ០០០ ផោន/សប្តាហ៍ ដែលច្រើនជាង ១ ទ្វេជា ៣ ធៀបនឹង Henderson៕
ប្រភព៖ Sportsmole