ការប្រកួតនៅឯកីឡដ្ឋានក្នុងទឹកដីប្រទេសអ៊ីតាលីកាលពីយប់មិញ រវាងក្លឹប AS Roma និង Manchester United ហាក់មានការប៉ះទង្គិចគ្នាច្រើន ហើយនៅកំឡុងនាទី ៧០ ក៏មានការទាស់.ទែងគ្នាជាខ្លាំងរវាងកីឡាករនៃក្រុមទាំងពីរ។
ពេលនោះគេឃើញកីឡាកររបស់ Roma បានមករុញ Mason Greenwood មួយទំហឹងដៃ ហើយក្រោយឃើញបែបនោះភ្លាម នាមជាសិស្សច្បងនិងជាមិត្តរួមក្រុមមួយរូបគឺ Edinson Cavani បានចេញមុខមកការពារសិស្សប្អូនរបស់ខ្លួនភ្លាម ដោយបានចូលមករុញកីឡាកររបស់ Roma ចេញទៅវិញ នាំឲ្យរឿងនោះកាន់តែក្តៅគ.គុកឡើង ទម្រាំនឹងកីឡាករផ្សេងៗទៀតចូលមកឃាត់។
យ៉ាងណាពាក់ព័ន្ធនឹងសកម្មភាពរបស់ Cavani សារនេះ គេបានទទួលការសាទរនិងគាំទ្រពេញទំហឹងពីអ្នកទស្សនា ដោយមនុស្សជាច្រើននិយាយថា នេះទើបសមជាកីឡាករដែល United ត្រូវការពិតប្រាកដ។ កីឡាករអ៊ុយរុយហ្គាយ មានទាំងសមត្ថភាពនៃការបញ្ចប់ទី និងភាពជាអ្នកដឹកនាំក្នុងក្រុមទាំងមូលទៀតផង៕
ទស្សនាវីដេអូខាងក្រោម៖
Cavani stick up for Greenwood 💪
You love to see it! https://t.co/ZkkY9bdXwP
— Aidan Walsh 🔰 (@AidanWalshMUFC) May 6, 2021
ប្រភព៖ SportBible
អានអត្ថបទបន្ទាប់៖យប់មិញ Ole សរសើរកីឡាករ ២ រូបមិនដាច់ពីមាត់ ក្រោយបានឡើងដល់វគ្គផ្តាច់ព្រ័ត្រ UEL
ក្លឹប Manchester United បានចាញ់នៅជើងទី ២ ក្រោមលទ្ធផល ៣-២ ទល់ Roma តែបូកគ្រាប់បាល់ទាំងពីរជើង ពួកគេនៅតែទទួលបានជ័យជម្នះ ដោយសរុបលទ្ធផលគឺ ៨-៥។
ជាមួយជ័យជម្នះដែលអាចរុញឲ្យ United បន្តទៅវគ្គផ្តាច់ព្រ័ត្រនៅ Europa League សារនេះ លោក Ole Gunnar Solskjaer ជាអ្នកចាត់ការ បានសរសើរដល់កីឡាករ ២ រូប ដែលធ្វើបានល្អបំផុតនៅប្រកួតជើងទី ២ នោះគឺរួមមាន David de Gea និង Edinson Cavani។
គ្រូបង្វឹកសញ្ជាតិន័រវេសនិយាយ៖ “យើងលេងបានល្អច្រើនកាលពីនៅដី Old Trafford ដែលអាចជួយឲ្យយើងបានឡើងមកពេលនេះ តែយប់នេះវិញគឺខ្ញុំរាងខក.ចិត្តបន្តិច ជាពិសេសគឺការលេងរបស់យើងនៅតង់ទីពីរ”។
លោកបន្ត៖ “យើងតាមថាអាចឲ្យពួកគេរកបានដល់លទ្ធផល ៨-៦ បានស្រួល ដោយវាជាប្រកួតដ៏ចម្លែក តែសំណាងយើងនៅតែមានបាល់លេង ហើយក៏មានអ្នកចាំទីល្អបំផុតមួយក្នុងលោក និងខ្សែប្រយុទ្ធកណ្តាលដែលគេវ័យ ៣៤ ឆ្នាំហើយ តែនៅអាចរកបានគ្រាប់បាល់ជាបន្តបន្ទាប់ ចង្វាក់លេងរបស់គេ ការបញ្ចប់ទីរបស់គេ គឺពិតណាស់ថាស្ថិតនៅកម្រិតកំពូល”៕
ប្រភព៖ Metro