Roy Keane អតីតវីរបុរសមួយរូបនៅក្លឹប Man Utd បាននិយាយកាលពីពេលថ្មីៗនេះថា បិសាចក្រហមចាំបាច់ត្រូវការដកចេញនូវ Fred ក៏ដូចជា Scott McTominay ប្រសិនជាចង់ឈ្នះពានរង្វាន់ Premier League។
Keane បាននិយាយក្រោយចប់ការប្រកួតរបស់ Man Utd-Liverpool ដូច្នោះថា៖ “ការលេងនោះគឺមិនទាន់កៀកនឹងចំណុចល្អគ្រប់គ្រាន់នៅឡើយ ដោយតាមថា Liverpool អាចរកបានដល់ ៦ ឬ ៧ គ្រាប់ឯណោះ”។
លោកបន្ត៖ “Man Utd នៅឆ្ងាយទៀតណាស់ ក្នុងការបន្លា.ច Man City ដែលជាក្រុមឈ្នះពាន ដោយខ្ញុំយល់ឃើញថា ការដែលបន្តមានកីឡាករដូចជា McTominay និង Fred គឺក្លឹបមិនអាចឈ្នះពានបានឡើយ”។
រំឭកថារដូវកាល ២០២០/២១ City កំពុងឈរលេខ ១ មាន ៨៣ ពិន្ទុ ស្ថិតនៅគម្លាត ១៣ ពិន្ទុធៀបនឹងក្រុមលេខ ២ Man Utd បើគិតត្រឹមជុំទី ៣៦ នៅតារាង Premier League៕
ប្រភព៖ Metro
អានអត្ថបទបន្ទាប់៖ យកបានឬអត់? ក្លឹប Chelsea មានឱកាសអាចលើកពានធំ ២ នៅចុងសប្តាហ៍នេះ
ក្លឹបតោខៀវ Chelsea ទាំងផ្នែកបុរសនិងនារីនៅរដូវកាល ២០២០/២១ ឃើញថាធ្វើបានល្អខ្លាំង មិនថាតែការប្រកួតក្នុងលីគកំពូល និងនៅលីគធំៗផ្សេងទៀត គឺពួកគេបានឈរនៅកម្រិតដ៏គួរឲ្យចាប់អារម្មណ៍។
ជាក់ស្តែងនៅចុងសប្តាហ៍នេះ ក្លឹបបាល់ទាត់ Chelsea ទាំងផ្នែកបុរសនិងនារី គឺត្រៀមនឹងអាចមានឱកាសឈ្នះពានរង្វាន់ធំ ២ ដោយយើងធ្វើការលម្អិតដូចខាងក្រោម៖
- ក្លឹប Chelsea ផ្នែកបុរស ត្រូវប៉ះ Leicester City វេលាម៉ោង ១០:១៥ នាទីយប់ ថ្ងៃសោរ៍ ទី ១៥ ឧសភា ព្រឹត្តិការណ៍ FA Cup វគ្គផ្តាច់ព្រ័ត្រ
- ក្លឹប Chelsea ផ្នែកនារី ត្រូវប៉ះ Barcelona វេលាម៉ោង ០២:០០ នាទីរំលងអាធ្រាត្រ ឈានចូលព្រឹកថ្ងៃអាទិត្យ ទី ១៦ ឧសភា ព្រឹត្តិការណ៍ Women’s Champions League វគ្គផ្តាច់ព្រ័ត្រ
បន្ទាប់ពីនេះទៅ Chelsea ផ្នែកបុរសក៏សល់ឱកាសលើកពានធំមួយទៀតនោះគឺនៅចុងខែ ដែលត្រូវប៉ះគ្នាទល់ Man City នាវេលាម៉ោង ០២:០០ នាទីរំលងអាធ្រាត្រ ឈានចូលថ្ងៃទី ៣០ ឧសភា មានផ្សាយផ្ទាល់លើទំព័រ CTS Sports៕