ក្រុមមេឃខៀវ Man City និងបិសាចក្រហម Man Utd នៅរយៈពេលចុងក្រោយ ហាក់កើតមានចចាមអារ៉ាមជាច្រើនពាក់ព័ន្ធនឹងការប្រជែងចង់នាំយកកីឡាករ ដែលស្ថិតលើគោលដៅតែមួយ។
ថ្មីៗនេះក៏លេចលឺទៀតថាលោក Pep Guardiola ហាក់ចាប់ចិត្តជាខ្លាំងទៅលើគ្រាប់ពេជ្ររបស់ Aston Villa ដែលក្រុមរបស់លោក Ole ចង់បានដូចគ្នា នោះគឺ Jack Grealish។ ប៉ុន្តែសារនេះខាងមេឃខៀវហ៊ានឲ្យតម្លៃកប់ពពក ដោយផ្តល់ឲ្យ Aston នៅតម្លៃ ១០០ លានផោន ល្មមនឹងរុញឲ្យ Grealish ក្លាយជាកីឡាករអង់គ្លេសទី ១ ដែលមានតម្លៃផ្ទេរចេញខ្ពស់បំផុតក្នុងប្រវត្តិសាស្រ្ត។
យើងមិនច្បាស់នោះទេថា United នឹងគិតគូរបែបណាទៀតលើរឿងនេះ ដោយហ៊ានបន្ថែមតម្លៃ Grealish ដែរ ឬបើកផ្លូវឲ្យ City ចរចាយកតែម្នាក់ឯង?
គួរបញ្ជាក់ថា កីឡាករវ័យ ២៥ ឆ្នាំរបស់ Aston Villa នៅតែជាខ្សែប្រយុទ្ធស្លាបពោរពេញដោយគុណភាព ដោយឆ្លងកាត់ ២៧ ប្រកួតរដូវកាល នេះ គេរកបាន ៧ គ្រាប់និង Assist ១២ លើកឲ្យក្រុម។ ចំណែករបស់គេក៏បានរុញឲ្យក្រុមដឹកនាំដោយលោក Dean Smith ឈរនៅលេខរៀងទី ១១ រាប់បានថាជាចំណាត់ថ្នាក់ល្អគួរសមផងដែរ៕
ប្រភព៖ Metro
អានអត្ថបទបន្ទាប់៖ ក្លិបជើងឯកលីគអឺរ៉ុបមួយទៀតហើយ ប្រកាសចែកផ្លូវគ្នាជាមួយគ្រូបង្វឹក
លោក Antonio Conte បានចាកចេញពីតំណែងអ្នកចាត់ការក្លិប Inter Milan ក្រោយជួយពួកគេគ្រងតំណែងជើងឯក Serie A កាលពី៣សប្ដាហ៍មុន ដែលនេះជាពានលីគកំពូលអ៊ីតាលីដែលពួកគេឈ្នះលើកដំបូងក្នុងរយៈពេល១១ឆ្នាំចុងក្រោយ។
បុរសវ័យ៥១ឆ្នាំជនជាតិអ៊ីតាលី បានចាយពេល២រដូវកាលដឹកនាំ Inter ខណៈកិច្ចសន្យារបស់លោកជាមួយក្លិបនេះនឹងអស់សុពលភាពនៅរដូវក្ដៅឆ្នាំក្រោយ ដែលលោកជាអ្នកចាត់ការទី២បន្ទាប់ពីលោក Christophe Galtier របស់ Lille ដែលចាកចេញពីតំណែងក្រោយជួយក្រុមឈ្នះជើងឯក។
នៅក្នុងសេចក្ដីថ្លែងការណ៍ Inter បានថ្លែងអំណរគុណដល់លោក Conte ចំពោះការងារដ៏អស្ចារ្យដែលលោកបានធ្វើសម្រាប់ក្លិប ហើយអ្នកចាត់ការរូបនេះ បច្ចុប្បន្នមានការផ្សារភ្ជាប់ទៅដឹកនាំ Real Madrid និង Tottenham Hotspur។
ក្រុមហ៊ុនចិន Suning ដែលជាម្ចាស់ក្លិប Inter ត្រូវបានរាយការណ៍ថា កំពុងប្រឈមនឹងបញ្ហាហិរញ្ញវត្ថុ ដែលធ្វើឱ្យក្លិបជើងឯកលីគកំពូលអ៊ីតាលីថ្មីថ្មោង ត្រៀមលក់កីឡាករឆ្នើមច្រើនរូបនៅរដូវក្ដៅនេះ។
រំឭកកាលពីខែកុម្ភៈកន្លងមក ក្លិប Jiansu Suning ដែលជាកម្មសិទ្ធរបស់ក្រុមហ៊ុនខាងលើ ត្រូវបានបិទចោលក្រោយឈ្នះជើងឯកលីគកំពូលចិនបាន៣ខែប៉ុណ្ណោះ៕
ប្រភព៖ BBC