ភ្នាក់ងាររត់ការជនជាតិអ៊ីតាលីលោក Andrea D’Amico បានបង្ហាញការយល់ឃើញ កាលពីពេលថ្មីៗនេះពាក់ព័ន្ធនឹងអនាគតរបស់ Cristiano Ronaldo ដែលអាចជាចាក.ចេញពីក្លឹប Juventus នៅទីផ្សារដោះដូរពេលខាងមុខ។
បុរសវ័យ ៣៦ ឆ្នាំ ក្រោយចាយពេល ៣ ឆ្នាំនៅសេះបង្កង់ គេបានរកគ្រាប់បាល់ជាបន្តបន្ទាប់ ហើយពានរង្វាន់ក៏ឈ្នះបន្តកន្ទុយគ្នាដែរ លើកលែងតែពានធំ UEFA Champions League ដែលមិនទាន់សម្រេចដល់គោលដៅនៅឡើយ។
យ៉ាងណាដោយមើលឃើញពីសុពលភាពកុងត្រាកៀកនឹងផុតនៅឆ្នាំក្រោយផង គេជឿថា មានភាគរយច្រើនដែល Juventus ក៏នឹងលៃលកលក់តារាឆ្នើមសញ្ជាតិព័រទុយហ្គាល់ចេញនៅរដូវក្តៅខាងមុខ ហើយតាមចចាមអារ៉ាមមានក្លឹបធំៗ ៣ ដូចជា PSG, Man Utd និង Real Madrid។
តាមការបញ្ជាក់របស់លោក D’Amico ប្រាប់ទៅ Tuttosport និយាយ៖ “វាពិតជាពិ.បាកនឹងស្មានថាមានរឿងអ្វីកើតឡើង លុះត្រាតែយើងស្ថិតក្នុងការគិតរបស់ Massimiliano Allegri តែតាមការយល់ឃើញរបស់ខ្ញុំ CR7 អាចបញ្ចប់អាជីពនៅក្លឹបណាក៏បានដែរ”។
លោកបន្ត៖ “តែមិនមែនអាល្លឺម៉ង់ ឬអេស្ប៉ាញទេ ហើយ Paris Saint-Germain ក៏ពិ.បាកដែរ និយាយទៅខ្ញុំចង់ឃើញគាត់ផ្ទេរទៅ Manchester United ពោលគឺអាចជាការដោះដូររវាង Ronaldo-Pogba”៕
ប្រភព៖ Sportsmole
អានអត្ថបទបន្ទាប់៖ Chelsea ចង់ប្រើប្រាស់កីឡាករ ២ រូបនេះជាថ្នូរ ដើម្បីប្តូរយកខ្សែការពារកំពូលល្បឿនមួយរូប
ក្លឹបតោខៀវ Chelsea ត្រូវបានគេរាយការណ៍ ថាកំពុងមានផែនការណ៍ចង់ពង្រឹងតំណែងការពារស្លាបត្រៀមសម្រាប់រដូវកាលក្រោយ ហើយគោលដៅចំណូលថ្មីដែលពួកគេចង់បាន នោះគឺជាកីឡាកររបស់ក្លឹប Inter Milan។
តាមរបាយការណ៍ពី Gianluca Di Marzio ចុះផ្សាយ ក្លឹបម្ចាស់ដី Stamford Bridge មានបំណងចង់ផ្តល់ឲ្យកីឡាករ ២ រូបមាន Emerson Palmieri និង Andreas Christensen ទៅឲ្យក្លឹបឈ្នះជើងឯក Serie A ជាថ្នូរប្តូរស្មើ នាំយក Achraf Hakimi ត្រលប់មកក្លឹបរបស់ខ្លួនវិញ។
បើតាមហាងឆេងតម្លៃខ្លួនបច្ចុប្បន្ន សម្រាប់ខ្សែការពារសញ្ជាតិម៉ារ៉ុកមានតម្លៃប្រហែល ៧០ លានផោន ខណៈដែល Emerson ថ្លៃប្រហែល ១០ លានផោន និង Christensen ថ្លៃប្រហែល ២៥ លានផោន ពោលនាំឲ្យអ្នកទាំងពីរបូកបញ្ចូលគ្នា មិនទាន់ស្មើពាក់កណ្តាលតម្លៃខ្លួន Hakimi ផង។ បែបនេះយើងក៏មិនច្បាស់នោះដែរ ថា Inter ព្រមប្រគល់ខ្សែការពារកំពូលល្បឿនរូបនោះមកឬអត់។
គួរបញ្ជាក់ថា Hakimi ក្រៅពីមានគុណភាពក្នុងការការពារ ជាងនេះគេក៏មានល្បឿនលឿននៅការរត់ឆ្ពោះពីប្រអប់ទីម្ខាងទៅប្រអប់ទីម្ខាង ដោយកំណត់ត្រាកន្លងមកគេធ្លាប់រត់បានដល់ល្បឿន ៣៦,២០ គ.ម/ម៉៕
ប្រភព៖ AF