ការប្រកួតដ៏ជក់ចិត្តនៅជំនួបបើកឆាករវាងអ៊ីតាលី-ទួរគី បានបញ្ចប់ទៅក្រោមលទ្ធផល ៣-០ ដែលខាងអ៊ីតាលីសម្រុកមិនដកជើងតាំងពីដើមតង់ រហូតដល់ចប់តង់បិទការប្រកួត។
គ្រាប់បាល់ទី ១ របស់អ៊ីតាលីកើតឡើងដោយការក្រុសចូលរបស់ Berardi ហើយកើតបាល់ Rebound ពីអ្នកចាំទី និងបង្កកំហុសដោយខ្សែការពារទួរគី Demiral នាំឲ្យក្លាយជាបាល់ Own-Goal។ គ្រាប់បាល់ទី ២ និងទី ៣ ធ្វើបានដោយ Immobile និង Insigne ដែលស៊ុតក្នុងប្រអប់។
យ៉ាងណាទៅមើលការវាយតម្លៃពិន្ទុ អ្នកបានពិន្ទុខ្ពស់បំផុតប្រចាំការប្រកួត គឺជាខ្សែប្រយុទ្ធកណ្តាល Immobile ដែលរកបានមួយគ្រាប់ + Assist មួយ ទទួលបាន ៨,៦ ពិន្ទុ ហើយអ្នកបន្ទាប់គឺ Jorginho ជាខ្សែបម្រើការពារ បាន ៨,២ ពិន្ទុ និង Insigne បាន ៧,៨ ពិន្ទុ។
និយាយពីកីឡាករបានពិន្ទុទាបបំផុតវិញ នោះគឺខ្សែការពារកណ្តាល Soyuncu របស់ទួរគីឯណោះ ដែលបានត្រឹម ៥,៥ ពិន្ទុ ខណៈអ្នកចាំទី Cakir ទោះបង្កកំហុសបាល់ Error ក៏បាន ៦,០ ពិន្ទុ ហើយខ្សែការពារ Demiral ទោះបង្កកំហុសបាល់ Own Goal ក៏បាន ៦,២ ពិន្ទុដែរ៕
ប្រភព៖ WhoScored
អានអត្ថបទបន្ទាប់៖ Mourinho ថាបើមើលតាមគន្លងចាស់ Kovacic ប្រាកដជានឹងផ្ទេរទៅក្លឹបនេះបន្ទាប់
អ្នកចាត់ការលោក Jose Mourinho បាននិយាយអំពីអនាគតរបស់ខ្សែបម្រើ Mateo Kovacic ដែលថាមានភាគរយ គេអាចនឹងផ្ទេរទៅចូលរួមនៅក្លឹប Tottenham Hotspur។ ដ្បិតមិនមានចចាមអារ៉ាមពីសារព័ត៌មានណាមួយ ដែលចុះផ្សាយអំពីរឿងនេះ តែបុរសរហស្សនាម “Special One” ព្យាករណ៍តាមគន្លងចាស់ដែលបានកើតឡើងកន្លងមក។
នោះគឺតាំងពីឆ្នាំ ២០១៣ ក្រោយចាកចេញពី Dinamo Zagreb កីឡាករក្រូអាតតែងតែដើរតាមគន្លងរបស់ Mourinho ក្នុងការចាកចេញពីក្លឹបមួយទៅក្លឹបមួយចំនួន ៣ ក្លឹបរួចមកហើយ ប៉ុន្តែមិនធ្លាប់បានស្ថិតក្នុងរដូវកាលតែមួយជាមួយគ្នានោះទេ តួយ៉ាងដូចជាក្លឹប Inter Milan, Real Madrid និង Chelsea។
ប្រាប់ talkSPORT អតីតគ្រូ Spurs និយាយថា៖ “Kovacic ខ្ញុំតែងតែមានអារម្មណ៍ថាគេលេងបានល្អ លើសពីអ្វីដែលអ្នករាល់គ្នាគិត ហើយខ្ញុំពិតជាសោក.ស្តាយព្រោះគេតែងតែឆ្លងកាត់នៅក្លឹបដែលខ្ញុំធ្លាប់បង្វឹកនៅទីនោះ តែមិនធ្លាប់ស្ថិតក្នុងសម័យកាលជាមួយខ្ញុំម្តងណាឡើយ”។
លោកបន្តថា៖ “គេធ្លាប់លេងឲ្យ Real Madrid ក៏មិនមែនជាមួយខ្ញុំ កាលលេងឲ្យ Chelsea ក៏មិនមែនជាមួយខ្ញុំ ហើយកាលនៅ Inter នោះ ក៏នៅតែមិនមែនជាមួយខ្ញុំ អ៊ីចឹងខ្ញុំកាន់តែស្រលាញ់គេការដែលគេឆ្លងកាត់ពីក្លឹបមួយទៅក្លឹបមួយដូចជាខ្ញុំ ហើយទៅថ្ងៃខាងមុខប្រហែលជាគេទៅលេងឲ្យ Tottenham ដែរហើយ ពោលអាចជារដូវកាលក្រោយ តែក៏មិនស្ថិតក្រោមការដឹកនាំរបស់ខ្ញុំដូចគ្នា”៕
ប្រភព៖ Metro