បើតាមរបាយការណ៍ចុងក្រោយចុះផ្សាយពី The Guardian បានឲ្យដឹងថា កីឡាករ Jadon Sancho ដែលបច្ចុប្បន្នកំពុងឈរជើងនៅក្លឹប Borussia Dortmund ថ្មីៗនេះត្រូវបានក្លឹបបិសាចក្រហម Man Utd ដាក់សំណើ ដែលអាចរុញឲ្យគេឡើងជាកីឡាករស៊ីថ្លៃបំផុតលំដាប់ទី ២ នៅ Old Trafford។
ប្រភពបានឲ្យដឹងថា ក្រុមដឹកនាំដោយលោក Ole Gunnar Solskjaer បានផ្តល់កិច្ចព្រមព្រៀងរយៈពេល ៥ ឆ្នាំ ជាមួយថ្លៃពលកម្មប្រមាណ ៣៥០ ០០០ ផោន/សប្តាហ៍ សម្រាប់យុវជនវ័យ ២១ ឆ្នាំឲ្យតែគេព្រមផ្ទេរមកក្លឹបនៅអង់គ្លេស។ យ៉ាងណាយើងមិនច្បាស់ថា ភាគីសាមីខ្លួន និងភាគីក្លឹបអាណាព្យាបាលព្រមឬអត់ទេ គ្រាន់ត្រឹមដឹងថានេះរាប់បានជាសំណើដ៏ខ្ពស់កប់ពពកមួយហើយ។
បើធៀបនឹង Pogba កីឡាករលេងតំណែងប្រយុទ្ធស្លាប ទទួលបានប្រាក់ពលកម្មខ្ពស់ជាងទៅទៀត ដោយកីឡាករបារាំងរកបានត្រឹម ២៩០ ០០០ ផោន/សប្តាហ៍ អ៊ីចឹង Sancho គឺឈរលេខ ២ នៅចាញ់តែ De Gea ដែលរកបាន ៣៧៥ ០០០ ផោន/សប្តាហ៍ប៉ុណ្ណោះ។
បញ្ជាក់ថា Sancho ធ្វើបានយ៉ាងល្អនៅរដូវកាល ២០២០/២១ តាមរយៈការរកបាន ១៦ គ្រាប់និង Assist ២០ លើក នៅការបង្ហាញខ្លួន ៣៨ ប្រកួតសរុប។ បច្ចុប្បន្នគេកំពុងជាប់ភារកិច្ចជួយជម្រើសជាតិអង់គ្លេសនៅ Euro 2020 ឯណោះ៕
ប្រភព៖ Sportsmole
អានអត្ថបទបន្ទាប់៖ លើកនេះ Messi ហាក់ដូចជាផ្តោតខ្លាំងពីការចូលរួមក្លិបធំមួយនេះ នៅពេលចប់កុងត្រាជាមួយ Barca
ក្នុងរយ:ពេលថ្មីៗនេះ មានការអះអាងថាប្រធានក្រុម Barcelona កីឡាករ Lionel Messi កំពុងតែធ្វើការពិភាក្សាយ៉ាងសុីជម្រៅជាមួយអតីតកីឡាករលោក David Beckham ជុំវិញការផ្លាស់ប្តូរទៅ Inter Miami នៅឯក្របខ័ណ្ឌ MLS ។
ជាក់ស្តែងកន្លងមកនេះ មានការរំពឹងទុកជាច្រើនទៅលើអនាគតរបស់ Messi នៅក្នុងប្រទេសអេស្ប៉ាញ ដោយកិច្ចសន្យាបច្ចុប្បន្នរបស់ខ្សែប្រយុទ្ធវ័យ ៣៣ ឆ្នាំរូបនេះ កំពុងត្រូខិតជិតដល់ពេលផុតកំណត់នៅចុងខែនេះហើយ ។
តែទោះយ៉ាងណារបាយការណ៍ចុងក្រោយមួយ បានលើកឡើងថាម្ចាស់ពានរង្វាន់ Ballon d’Or ៦ សម័យកាល ទំនងជាបន្តស្នាក់នៅក្រុមអេស្ប៉ាញរយ:ពេល ២ ឆ្នាំទៀតសិន មុនពេលគេសម្រេចចិត្តចាប់អាជីពយកអាជីពនៅក្នុងទឹកដីអាមេរិកម្តង ។
លើសពីនេះ យោងតាមសារព័ត៌មានពី Daily Star ក៏បានឱ្យដឹងផងដែរថា Messi គ្រោងនឹងចុះកុងត្រាថ្មីមួយ ដែលនឹងធ្វើឲ្យគេស្នាក់នៅក្លិប Barca រហូតដល់ឆ្នាំ ២០២៣ ហើយបន្ទាប់ពីនោះ ក្លិប Inter Miami នឹងក្លាយជាទិសដៅសំខាន់មួយ ដែលគេនឹងផ្ទេរទៅលេងឲ្យ ក្រោយពីបញ្ចប់កុងត្រាជាមួយក្លិប La Liga ។
មិនតែប៉ុណ្ណោះដោយថ្លែងនៅក្នុងបទសម្ភាសនាពេលថ្មីៗនេះ លោក Jorge Mas ដែលជានាយករងរបស់ក្លិប Inter Miami បាននិយាយថាគាត់ប្រាកដចិត្តថាថ្ងៃណាមួយខ្សែប្រយុទ្ធអាហ្សង់ទីនរូបនេះ នឹងមកលេងតំណាងឲ្យក្លិបរបស់ខ្លួនជាក់ជាមិនខាន ។
បន្ថែមពីនេះ គាត់និយាយទៀតថា ៖ ” David និងខ្ញុំបានធ្វើការយ៉ាងខ្លាំងក្នុងរយ:ពេលកន្លងមកនេះ ដោយយើងមានសេចក្តីប្រាថ្នាក្នុងការនាំយកកីឡាករឆ្នើមៗ មកលេងនៅទីនេះ ហើយ Leo Messi គឺជាកីឡាករឆ្នើមបំផុតគ្រប់ពេល។ ខ្ញុំមានសុទិដ្ឋិនិយមថា Messi នឹងលេងនៅក្នុងអាវរបស់ Inter Miami ថ្ងៃណាមួយ ព្រោះខ្ញុំគិតថាវានឹងក្លាយជាកេរ្តិ៍តំណែលរបស់កីឡាករឆ្នើមបំផុតនៅក្នុងជំនាន់របស់យើងនេះ ” ៕
ប្រភព: Soccerdeluma