លោក Gareth Southgate បាននិយាយថា ការដកឈ្មោះ Ben Chilwell និង Jadon Sancho ចេញពីបញ្ជីកីឡាករអង់គ្លេសត្រៀមប្រកួតជាមួយក្រូអាតនៅក្នុងជំនួបបើកឆាក EURO 2020 ដោយសារតែក្រុមរបស់លោកត្រូវការអាចផ្លាស់ប្ដូរគ្រប់តំណែងនៅក្នុងក្រុម។
ខ្សែការពារស្លាបឆ្វេងរបស់ Chelsea និងខ្សែប្រយុទ្ធឆ្នើមរបស់ Borussia Dortmund មិនត្រូវបានបញ្ចូលឈ្មោះសម្រាប់ការប្រកួតឱ្យក្រុមតោកំណាចអង់គ្លេស ដែលបានយកឈ្នះក្រូអាត ១-០ នៅ Wembley កាលពីថ្ងៃអាទិត្យកន្លងទៅនោះទេ។
លោក Southgate បានប្ដូរតំណែងខ្សែការពារស្លាបស្ដាំ Kieran Trippier ឱ្យផ្លាស់មកលេងនៅស្លាបឆ្វេងវិញ ខណៈ Phil Foden និង Raheem Sterling ត្រូវបានដាក់ឱ្យលេងនៅស្លាបទាំងសងខាង។
Chilwell និង Sancho មិនបានខកខានការប្រកួតដោយសាររបួសឡើយ ហើយលោក Southgate និយាយថាក្រុមរបស់លោកត្រូវការកម្លាំងផ្សេងទៀតដែលមានស្រាប់។
គ្រូបង្គោលក្រុមជម្រើសជាតិអង់គ្លេសបាននិយាយថា៖ “ជាមួយនឹងកីឡាករពីររូបដែលមិនស្ថិតនៅក្នុងក្រុម វាគ្រាន់តែគ្មានសំណាងប៉ុណ្ណោះដែលយើងអាចមានកីឡាករតែ២៣នាក់ ហើយយើងត្រូវតែបង្គ្រប់តំណែងដែលមាន”។
“ខ្ញុំមិនពេញចិត្តទេចំពោះការពិតថាយើងត្រូវតែដកកីឡាករចេញពីបញ្ជី ក្នុងការប្រកួតព្រឹត្តិការណ៍ដ៏ធំ”៕
ប្រភព៖ Goal
អានអត្ថបទបន្ទាប់៖ កីឡាករម៉ាសេដូនីខាងជើង ជាប់ឈ្មោះក្នុងកំណត់ត្រាលេខរៀងទី ២ ដ្បិតទើបលេងនៅ Euro លើកដំបូង
ម៉ាសេដូនីខាងជើងបានបង្ហាញវត្តមាននៅ Euro ជាលើកដំបូងកាលពីយប់មិញ ហើយបើទោះបីជាបរាជ័យក្រោមលទ្ធផល ១-៣ ទល់អូទ្រីស តែការលេងរបស់ពួកគេរាប់បានថាល្អគួរសម នាមជាក្រុមដែលទើបមកប្រលូកដំបូងៗ។
មួយគ្រាប់របស់ម៉ាសេដូនីខាងជើង គឺជាកាដូរបស់អូទ្រីស ក្រោយភ្លាត់កំហុសពីខ្សែការពារ និងអ្នកចាំទី នាំ ឲ្យកីឡាករ Goran Pandev មានឱកាសស៊ុតបាល់ចូលទីយ៉ាងធូរ ហើយគេក៏បានជាប់ក្នុងកំណត់ត្រានាមកីឡាកររកបានគ្រាប់បាល់ទាំងនៅវ័យចំណាស់បំផុតលំដាប់ទី ២ នៅ Euro ផងដែរ។
ប្រវត្តិសាស្ត្រ Euro បង្កើតឡើងជាង ៥ ទសវត្ស វាពិតជាអស្ចារ្យការដែលមានឈ្មោះកីឡាករនៅប្រទេសដ៏តូចមួយនេះ ជាប់ក្នុងកំណត់ត្រាខាងលើ។ ស្ថិតនៅវ័យ ៣៧ ឆ្នាំ និង ៣២១ ថ្ងៃ សម្រាប់ Goran ចាញ់តែម្នាក់ប៉ុណ្ណោះ នោះគឺកីឡាកររបស់អូទ្រីសធ្លាប់ធ្វើបានកាលពីឆ្នាំ ២០០៨ ពេលប៉ះប៉ូឡូញ នោះគឺ Ivica Vastic រកគ្រាប់បាល់នៅអាយុ ៣៨ ឆ្នាំ និង ២៥៧ ថ្ងៃ។
គួរបញ្ជាក់ថាជម្រើសជាតិម៉ាសេដូនី បានក្លាយជាសមាជិករបស់ FIFA និង UEFA ទើបតែនៅឆ្នាំ ១៩៩៤ តែពួកគេបានវិវត្តខ្លួនគួរឲ្យកត់សម្គាល់នៅប៉ុន្មានឆ្នាំចុងក្រោយ មិនថាតែនៅប្រកួតជម្រុះ FIFA World Cup និង UEFA Euro សុទ្ធតែធ្វើបានល្អច្រើន ហើយសំខាន់ធ្លាប់យកឈ្នះក្រុមខ្លាំងអាល្លឺម៉ង់ ២-១ ថែមទៀត៕
ប្រភព៖ Opta