នៅការប្រកួតទល់វេណេហ្ស៊ុយអេឡា តារាឆ្នើម Neymar Jr រកបានមួយគ្រាប់ទៀតហើយ សម្រាប់ក្រុមជម្រើសជាតិប្រេស៊ីល ដែលនេះគេស៊ុត ៣ ប្រកួតបណ្តាក់គ្នាតាំងពីនៅប្រកួតវគ្គជម្រុះ World Cup ចូលមកដល់ប្រកួតបើកឆាកនៅ Copa America យប់មិញ។
តើអ្នកឆ្ងល់ដែរទេថា Neymar ស៊ុតៗយ៉ាងហ្នឹង ចុះកំណត់ត្រានាមកីឡាកររកបានគ្រាប់បាល់ច្រើនបំផុតឲ្យជម្រើសជាតិវិញ គេឈរនៅលេខរៀងទីប៉ុន្មាន ចាញ់នរណាឈ្នះនរណាខ្លះហើយ?
ជាការពិត Neymar រកបាន ៦៧ គ្រាប់ហើយនៅការបង្ហាញខ្លួន ១០៦ ប្រកួតសរុប ចំពោះតួលេខគ្រាប់បាល់នេះ កីឡាករវ័យ ២៩ ឆ្នាំ បានយកឈ្នះអតីតកីឡាករធំៗដូចជា Ronald Nazario, Romario និង Zico ជាដើម ហើយ Neymar នៅចាញ់តែ Pele ម្នាក់គត់។ គម្លាតគ្រាប់បាល់របស់ខ្សែប្រយុទ្ធស្លាបឆ្វេង មាន ១០ គ្រាប់ធៀបនឹង Pele ពោលគឺអតីតវីរបុរសរូបនេះមាន ៧៧ គ្រាប់។ អ៊ីចឹងមានន័យថា Neymar ត្រូវការ ១១ គ្រាប់ដើម្បីបំបែកកំណត់ត្រា នាមកីឡាកររកបានគ្រាប់បាល់ច្រើនបំផុតឲ្យប្រេស៊ីល។
Neymar penalty against Venezuela 🇻🇪 in the Copa America. #CopaAmerica2021 #CopaAmerica #CopaAmericaDIRECTV #neymarjr #Brasil pic.twitter.com/AemcZKwRl8
— The Football Grind (@TheFootballGri1) June 13, 2021
បញ្ជាក់ថាគ្រាប់បាល់ទី ១ របស់ Neymar កើតឡើងនៅខែតុលា ឆ្នាំ ២០១០ កំឡុងការលេងឲ្យប្រេស៊ីលទល់អង់គ្លេសនៅប្រកួតមិត្តភាព។ ដូច្នេះបើកីឡាករពាក់អាវលេខ ១១ នៅបន្តធ្វើបានល្អបែបហ្នឹង នោះ ៤ ប្រកួតសេសសល់សម្រាប់វគ្គចែកពូល Copa ក៏ដូចជាការអាចឡើងទៅកាន់វគ្គបន្ទាប់នៅខែកក្កដាខាងមុខ ជឿថា Neymar ប្រហែលជាអាចតាមស្មើឬបំបែកកំណត់ត្រាខាងលើបានហើយ មុនបើករដូវកាលថ្មីនៅលីគកំពូលអឺរ៉ុប៕
ប្រភព៖ TransferMarkt
អានអត្ថបទបន្ទាប់៖ Spurs ចរចារឿងលុយត្រូវអស់ហើយជាមួយអតីតគ្រូ R.Madrid តែចុងក្រោយអត់មកវិញ
តាមការបកស្រាយរបស់អ្នកសារព័ត៌មាន Duncan Castles បានឲ្យដឹងថា ក្លឹប Tottenham Hotspur គឺបានចរចាត្រូវរ៉ូវរួចអស់ហើយជាមួយភាគីក្លឹប Sevilla លើការនាំយក Julen Lopetegui មកដឹកនាំក្លឹបអង់គ្លេស ជំនួសការចាកចេញរបស់លោក Jose Mourinho កាលពីខែមុន។
យ៉ាងណាចុងក្រោយគ្រប់យ៉ាងបែរជាមិនអាចសម្រេចទៅបាន ក្រោមមូលហេតុបញ្ហារឿងគ្រួសារ និងបញ្ហាមួយចំនួនផ្សេងទៀត ដដែលនាំឲ្យ Tottenham ងាកទៅចាប់អារម្មណ៍លើអតីតគ្រូនៅ Roma គឺ Paulo Fonseca វិញ។
តាមការបញ្ជាក់ប្រាប់ពី Castles និយាយ៖ “ពួកគេ [Spurs] បានចរចាជាមួយគ្រូ Julien Lopetegui ដោយបានព្រមព្រៀងជាមួយ Sevilla ហើយថាបញ្ចប់កុងត្រារបស់លោកមុនកាលកំណត់នៅទំហំប្រាក់ ៤ លានផោន ដែលនេះព្រមព្រៀងរួចអស់ហើយ តែក្រោយមកបញ្ហាបុគ្គលដែលទាក់ទងគ្រួសារគាត់ ពោលគឺការបម្លាស់ទីលំនៅ ក៏នាំឲ្យកិច្ចព្រមព្រៀងនោះត្រូវបានលុបចោលវិញ ហើយ Tottenham ក៏ងាកទៅចាប់អារម្មណ៍លើ Fonseca”។
គួរបញ្ជាក់ថា បើ Spurs យក Lopetegui បានប្រហែលជាល្អ ព្រោះបុរសម្នាក់នេះក៏រាប់បានថាមានបទពិសោធន៍ជោកជាំ ធ្លាប់ជួយឲ្យ Sevilla ឈ្នះពាននៅ Europa League ហើយនៅរដូវកាល ២០២០/២១ នេះសោតក្រុមក៏ឈរចំណាត់ថ្នាក់ល្អថែមទៀត រីឯអតីតកាលក៏ធ្លាប់ដឹកនាំក្លឹបយក្ស Real Madrid ផងដែរ៕
ប្រភព៖ Sportsmole