Rodrigo, Ferran Torres, Fabián Ruiz និង Borja Mayoral នឹងមិនត្រូវបានបញ្ចូលឈ្មោះក្នុងបញ្ជីកីឡាករអេស្ប៉ាញ ដើម្បីធ្វើដំណើរចូលរួមប្រកួត Olympic Games នៅទីក្រុងតូក្យូប្រទេសជប៉ុននោះទេ។
តាមការរាយការណ៍សារព័ត៌មាន AS បានឱ្យដឹងថា ក្លិបរបស់កីឡាករទាំង៤រូបនេះ មិនអនុញ្ញាតឱ្យពួកគេចូលរួមព្រឹត្តិការណ៍ដែលជប៉ុនធ្វើជាម្ចាស់ផ្ទះ ដែលរៀបចំឡើងចន្លោះពីថ្ងៃទី២៣ ខែកក្កដា រហូតដល់ ថ្ងៃទី៨ ខែសីហា ឆ្នាំ២០២១។
សហព័ន្ធកីឡាបាល់ទាត់អេស្ប៉ាញបានចរចាជាមួយក្លិប Manchester City, Roma និង Napoli ដើម្បីសុំយកកីឡាករទៅចូលរួមតំណាងក្រុមជម្រើសជាតិសម្រាប់ការប្រកួត Tokyo Olympics។
ប៉ុន្ដែក្លិបទាំងនេះមិនបានអនុញ្ញាតនោះទេ ហើយ RFEF ក៏មិនបន្ដស្នើសុំឱ្យពួកគេយល់ព្រមដែរ។ ដូច្នេះកីឡាករ៤រូបនេះ នឹងមិនចូលរួមក្នុងបញ្ជីកីឡាករទាំង១៨នាក់ ដែលមានលក Luis de la Fuente ជាគ្រូបង្គោល សម្រាប់ការប្រកួតប្រជែងយកមេដាយមាសនៅជប៉ុនឡើយ។
ការប្រកាសឈ្មោះកីឡាករក្នុងបញ្ជីទាំង១៨នាក់ នឹងធ្វើឡើងនៅថ្ងៃទី២៩ ខែមិថុនានេះ៕
ប្រភព៖ AS
អានអត្ថបទបន្ទាប់៖ នាំឲ្យស្គាល់ Mbappe តូច អាយុទើប ១៥ ឆ្នាំកំពុងដើរតាមគន្លងបងប្រុសនៅក្លឹប PSG
ស្របពេលដែលដំណឹងបន្តកុងត្រាថ្មីរបស់ Kylian Mbappe មិនទាន់ចេញតម្រុយច្បាស់លាស់នោះ ទៅមើលប្អូនប្រុសបង្កើតរបស់គេ ក៏បានសម្រេចជាផ្លូវការហើយថានឹងបន្តឈរជើងនៅក្លឹបបារាំងលើសុពលភាពកុងត្រាថ្មីរយៈពេល ៣ ឆ្នាំបន្ថែម។
ប្អូនរបស់របស់ Kylian មានឈ្មោះ Ethan Mbappe ដែលគេទើបតែចុះហត្ថលេខាបន្តកុងត្រាថ្មីដល់រដូវក្តៅឆ្នាំ ២០២៤។ កន្លងទៅគេក៏ធ្លាប់លេចវត្តមាននៅពានរង្វាន់ ICC Futures កាលពីឆ្នាំ ២០១៩ ផងដែរ។
សរសេរលើ Instagram កីឡាករ Ethan Mbappe និយាយ៖ “ខ្ញុំពិតជាមានមោទនភាពក្នុងការបន្តជាមួយក្រុម PSG”។ ទន្ទឹមនេះក្លឹបបារាំងក៏បានប្រកាសពីការនាំយកយុវជនមួយរូបទៀតផងដែរ មានឈ្មោះ Senny Mayulu កើតនៅឆ្នាំ ២០០៦។
បញ្ជាក់ថា Ethan Mbappe គេមិនមែនលេងតំណែងប្រយុទ្ធដូចជាបងប្រុសគេទេ ផ្ទុយទៅវិញលេងនៅតំណែងបម្រើកណ្ដាល ឬអាចបម្រើការពារ។ អ្នកគាំទ្រកំពុងទន្ទឹងរង់ចាំមើលថាតើ Kylian Mbappe គេនឹងបន្តកុងត្រាថ្មី ឬចាកចេញ ព្រោះបើបន្តប្រហែល ៣-៤ ឆ្នាំបន្ទាប់ អាចមានវត្តមានបងប្អូនទាំងពីររួមជើងលើទីលានក៏ថាបាន៕
ប្រភព៖ AF