លោក Roy Keane ជឿជាក់ថា Jack Grealish និង Raheem Sterling គួរតែជាអ្នកស៊ុតបាល់ប៉េណាល់ទី កាត់សេចក្ដីសម្រាប់ក្រុមជម្រើសជាតិអង់គ្លេស ក្នុងវគ្គផ្ដាច់ព្រ័ត្រ EURO 2020 ក្រោយចាញ់អ៊ីតាលីកាលពីយប់មិញ។
ខ្សែបម្រើវ័យក្មេង Bukayo Saka ទទួលបានឱកាសស៊ុតបាល់១១ម៉ែត្រ តែត្រូវបានជួយសង្គ្រោះដោយ អ្នកចាំទី Gianluigi Donnarumma ដែលលទ្ធផលចុងក្រោយ ក្រុមលោក Roberto Mancini ឈ្នះ ៣-២។
អតីតកីឡាករ Man Utd លោក Keane យល់ថា Grealish និង Sterling ស័ក្ដិសមជាអ្នកស៊ុតបាល់ប៉េណាល់ទីជាងកីឡាករវ័យ១៩ឆ្នាំ Saka។
លោកបាននិយាយថា៖ “ប្រសិនបើអ្នកជា Sterling ឬ Grealish អ្នកមិនអាចអង្គុយទីនោះ ហើយឱ្យក្មេងដើរកាត់មុខអ្នកឡើយ។ អ្នកមិនអាចអង្គុយនៅទីនោះ ហើយនិយាយថា ខ្ញុំឃើញក្មេងអាយុ១៩ឆ្នាំ ដើរកាត់មុខខ្ញុំ ហើយខ្ញុំធ្លាប់លេងបានច្រើនប្រកួតជាង មានបទពិសោធន៍ច្រើនជាង Sterling ឈ្នះពានរង្វាន់ជាច្រើន”៕
ប្រភព៖ talkSPORT
អានអត្ថបទបន្ទាប់៖ [ផ្លូវការ] UEFA ប្រកាសឈ្មោះកីឡាករវ័យក្មេងល្អបំផុតនៅ Euro ជាអ្នកធ្លាក់កាលពីវគ្គ ៤ ក្រុម
និយាយពីកីឡាករល្អបំផុតប្រចាំព្រឹត្តិការណ៍ Euro 2020 គឺយើងបានរកឃើញហើយ នោះគឺជាអ្នកចាំទី Gianluigi Donnarumma រីឯម្ចាស់ស្បែកជើងមាសគឺជា Cristiano Ronaldo ចុះចំណែកឯកីឡាករវ័យក្មេងល្អបំផុតវិញ បានទៅលើនរណា?
តាមការសម្រេចរបស់ UEFA កីឡាករវ័យក្មេងល្អបំផុតប្រចាំព្រឹត្តិការណ៍ Euro 2020 ឬ Young Player Of The Tournament គឺបានទៅលើខ្សែបម្រើ Pedri របស់ក្រុមជម្រើសជាតិអេស្ប៉ាញ។ យុវជនវ័យ ១៨ ឆ្នាំបានធ្លាក់ត្រឹមវគ្គ ៤ ក្រុម ក្រោយពីអេស្ប៉ាញចាញ់អ៊ីតាលីនៅបាល់ប៉េណាល់ទីថែមម៉ោង។
លោក Luis Enrique ធ្លាប់សរសើរកីឡាកររបស់ Barcelona រូបនេះថា៖ “អ្វីដែល Pedri ធ្វើបាននៅព្រឹត្តិការណ៍សារនេះ ត្រឹមវ័យ ១៨ ឆ្នាំគឺគ្មាននរណាធ្វើបានឡើយ កុំថាឡើយសូម្បីតែ Andres Iniesta និយាយទៅគេពិតជាអស្ចារ្យ និងមានតែមួយគត់”។
គួររំឭកថា កីឡាករពាក់អាវលេខ ២៦ ឲ្យក្រុមគោក្រហមអេស្ប៉ាញ គឺបានបង្ហាញវត្តមាន ៦២៩ នាទីលើទីលាន ដែលសរុបគឺ ៦ ប្រកួត ហើយមិនបានបញ្ចប់ទី ឬ Assist នោះទេ។ អ្វីដែលសំខាន់គឺអត្រានៃការបញ្ជូនបាល់ជោគជ័យរបស់គេ គឺធ្វើបានល្អដល់ទៅ ៩២ ភាគរយ ដោយ ៤៦៥ ប៉ះ ជោគជ៧យដល់ ៤២៩ ប៉ះទៅហើយ។ ល្បឿនខ្ពស់បំផុតរបស់ Pedri នៅ Euro សារនេះ គេរត់បាន ៣០,៤ គ.ម/ម៉៕
ប្រភព៖ AF