និយាយពីកីឡាករល្អបំផុតប្រចាំព្រឹត្តិការណ៍ Euro 2020 គឺយើងបានរកឃើញហើយ នោះគឺជាអ្នកចាំទី Gianluigi Donnarumma រីឯម្ចាស់ស្បែកជើងមាសគឺជា Cristiano Ronaldo ចុះចំណែកឯកីឡាករវ័យក្មេងល្អបំផុតវិញ បានទៅលើនរណា?
តាមការសម្រេចរបស់ UEFA កីឡាករវ័យក្មេងល្អបំផុតប្រចាំព្រឹត្តិការណ៍ Euro 2020 ឬ Young Player Of The Tournament គឺបានទៅលើខ្សែបម្រើ Pedri របស់ក្រុមជម្រើសជាតិអេស្ប៉ាញ។ យុវជនវ័យ ១៨ ឆ្នាំបានធ្លាក់ត្រឹមវគ្គ ៤ ក្រុម ក្រោយពីអេស្ប៉ាញចាញ់អ៊ីតាលីនៅបាល់ប៉េណាល់ទីថែមម៉ោង។
លោក Luis Enrique ធ្លាប់សរសើរកីឡាកររបស់ Barcelona រូបនេះថា៖ “អ្វីដែល Pedri ធ្វើបាននៅព្រឹត្តិការណ៍សារនេះ ត្រឹមវ័យ ១៨ ឆ្នាំគឺគ្មាននរណាធ្វើបានឡើយ កុំថាឡើយសូម្បីតែ Andres Iniesta និយាយទៅគេពិតជាអស្ចារ្យ និងមានតែមួយគត់”។
គួររំឭកថា កីឡាករពាក់អាវលេខ ២៦ ឲ្យក្រុមគោក្រហមអេស្ប៉ាញ គឺបានបង្ហាញវត្តមាន ៦២៩ នាទីលើទីលាន ដែលសរុបគឺ ៦ ប្រកួត ហើយមិនបានបញ្ចប់ទី ឬ Assist នោះទេ។ អ្វីដែលសំខាន់គឺអត្រានៃការបញ្ជូនបាល់ជោគជ័យរបស់គេ គឺធ្វើបានល្អដល់ទៅ ៩២ ភាគរយ ដោយ ៤៦៥ ប៉ះ ជោគជ៧យដល់ ៤២៩ ប៉ះទៅហើយ។ ល្បឿនខ្ពស់បំផុតរបស់ Pedri នៅ Euro សារនេះ គេរត់បាន ៣០,៤ គ.ម/ម៉៕
ប្រភព៖ AF
អានអត្ថបទបន្ទាប់៖ អ៊ីតាលីមិនទាន់ចាញ់ ៣៤ ប្រកួតហើយ តើប្រកួតទី ៣៥&៣៦ ពួកគេត្រូវជួបក្រុមណា?
ក្រោយពីយកឈ្នះទៅលើអង់គ្លេសកាលពីយប់មិញទៀត ពេលនេះអ៊ីតាលីមិនទាន់ស្គាល់ពាក្យថា “ចាញ់” ៣៤ ប្រកួតហើយ មួយផ្សេងទៀតពួកគេក៏បានឈ្នះពានរង្វាន់ដែលខកខានទទួលបានអស់រយៈពេល ៥៣ ឆ្នាំ។
អ៊ីតាលីត្រៀមនឹងតាមស្មើ ក៏ដូចជាបំបែកកំណត់ត្រាដ៏ធំមួយនៅពេលខាងមុខ នោះគឺក្រុមជម្រើសជាតិដែលលេងមិនស្គាល់ពាក្យថាចាញ់ច្រើនប្រកួតជាប់គ្នាបំផុត ដោយបច្ចុប្បន្នអេស្ប៉ាញនិងប្រេស៊ីលជាអ្នករក្សាកំណត់ត្រានេះ ដោយមាន ៣៥ ប្រកួត។
ប្រកួតទី ៣៥ សម្រាប់អ៊ីតាលី ពួកគេអាចតាមស្មើកំណត់ត្រាខាងលើបាន ប្រសិនណាអាចស្មើឬយកឈ្នះទៅលើប៊ុលហ្គារី នៅថ្ងៃទី ៣ កញ្ញា ដែលជាប្រកួតជុំទី ៤ វគ្គជម្រុះបឋម World Cup ២០២២ ហើយនៅប្រកួតទី ៣៦ ក៏ដូចគ្នានោះគឺរំលងគ្នា ៣ ថ្ងៃជួបក្រុមស្វីស នៅជុំទី ៥។ បើប្រកួតពីរខាងមុខនេះអ៊ីតាលីអាចរំលងពាក្យថា “ចាញ់” បានទៀតនោះ មានន័យថាលោក Roberto Mancini បានបង្កើតប្រវត្តិសាស្ត្រថ្មីហើយឲ្យអ៊ីតាលី៕
ប្រភព៖ AF