ព្រឹត្តិការណ៍ Euro 2020 បានបញ្ចប់ទៅសព្វគ្រប់អស់ហើយ ដោយក្រុមឈ្នះជើងឯកក៏យើងបានរកឃើញហើយដែរ នោះគឺជម្រើសជាតិអ៊ីតាលី ខណៈ ជើងឯករងគឺជម្រើសជាតិអង់គ្លេស។
តាមការប្រកាសផ្លូវការចេញពី UEFA សម្រាប់កីឡាករល្អបំផុតប្រចាំព្រឹត្តិការណ៍គឺបានទៅលើ Ginaluigi Donnarumma។ យ៉ាងណាបើតាមការវាយតម្លៃពី FedEx Performance Zone ដែលជាក្រុមហ៊ុនដៃគូសហការនៅ Euro 2020 បានចុចឈ្មោះកីឡាករ ៥ រូប ហើយពុំមាន Donnarumma នោះឡើយ។
ដំណើរការវាយតម្លៃ គឺផ្អែកទៅតាមតំណែងរបស់គេពួកគេលើទីលាន និងលទ្ធភាពដែលពួកគេសម្រេចបានផ្អែកទៅតាមតំណែងនីមួយៗ។ ជាក់ស្តែងដូចជាខ្សែការពារ គេនិយាយអំពីការឆ.ក់យកបាល់ពីគូប្រជែង រីឯអ្នកចាំទីនិយាយពីការសង្រ្គោះ ហើយខ្សែបម្រើនិយាយពីការចែកបាល់ និងប្រយុទ្ធនិយាយពីការ Assist និងការស៊ុតជាដើម។
បើតាមរបាយការណ៍វាយតម្លៃពី FedEx Performance Zone យើងបង្ហាញឈ្មោះអ្នកទាំង ៥ ដូចខាងក្រោម៖
- ខ្សែបម្រើអ៊ីតាលី Marco Verratti ទទួលបានពិន្ទុ ១ ៥៤ ៨៦៣
- ខ្សែការពារអង់គ្លេស Luke Shaw ទទួលបានពិន្ទុ ៩៧ ១៥៨
- ខ្សែការពារអង់គ្លេស Harry Maguire ទទួលបានពិន្ទុ ៩០ ២៣៥
- ខ្សែប្រយុទ្ធព័រទុយហ្គាល់ Cristiano Ronaldo ទទួលបានពិន្ទុ ៨៨ ៧២៩
- ខ្សែប្រយុទ្ធឆេក Patrick Schick ទទួលបានពិន្ទុ ៨៤ ៩៧៧៕
ប្រភព៖ UEFA
អានអត្ថបទបន្ទាប់៖ Di Maria ប្រាប់ពីពាក្យពេចន៍ដ៏មានន័យដែល Messi មកខ្លួន ក្រោយឈ្នះពាន Copa America
Angel di Maria ជាកីឡាករដែលរកបានគ្រាប់បាល់នៅវគ្គចុងក្រោយ ជួយឲ្យអាហ្សង់ទីនយកឈ្នះ ១-០ ទៅលើប្រេស៊ីល សម្រេចឈ្នះពាន Copa America ដែលខកខានអស់រយៈពេលជាង ២ ទសវត្ស។
ទាំង Di Maria និង Messi តាមពិតទៅបានជួបរឿងខ.កចិត្តច្រើនមកហើយ មិនថាតែនៅ FIFA World Cup 2014 និងពានរង្វាន់ Copa America សម័យកាលប៉ុន្មានឆ្នាំមុន ទម្រាំបានក្លាយជាម្ចាស់ជើងឯកដូចពេលកន្លងទៅនេះ។
ជាមួយការលើកពានរង្វាន់សារនេះ Di Maria ក៏និយាយអំពីពាក្យពេចន៍ប៉ុន្មានម៉ាត់ដែល M10 ប្រាប់មកខ្លួនដូច្នោះថា៖ “វានឹងក្លាយជាទិដ្ឋភាពដែលយើងមិនអាចបំភ្លេចបាន ហើយ Messi ប្រាប់មកកាន់ខ្ញុំថា អរគុណខ្ញុំ ហើយខ្ញុំក៏អរគុណទៅគាត់វិញដូចគ្នា”។
លោកបន្ត៖ “គាត់ប្រាប់ខ្ញុំទៀតថា នេះជាវគ្គផ្តាច់ព្រ័ត្រចុងក្រោយ ហើយវាក៏មិនអាចលេងសារឡើងវិញទៀតដែរ ដូច្នេះអ្វីដែលកើតឡើងនៅថ្ងៃនេះ គឺបានកើតឡើងហើយ”។
“ខ្ញុំ [Di Maria] ពិតជារីករាយសម្រាប់ភរិយា កូនស្រី និងឪពុកម្តាយរបស់ខ្ញុំ ក៏ដូចជាអ្នកគាំទ្រទាំងអស់ ដែលមានវត្តមាននៅទីនេះ ហើយការប្រកួតប្រជែងពានរង្វាន់ World Cup ដែលនឹងមកដល់នៅពេលខាងមុខ នេះគឺជាកម្លាំងជំរុញដ៏ខ្លាំងក្លា”។
ជាការពិតសម្រាប់ Messi មានភាគរយខ្ពស់ ដែលនឹងអស់ឱកាសបង្ហាញខ្លួននៅ Copa America សារក្រោយហើយ ពោលគឺទម្រាំដល់ឆ្នាំ ២០២៤ លោកមានអាយុ ៣៧ ទៅ ៣៨ ឆ្នាំ ដែលជាវ័យរាងជ្រេ ប្រហែលលោកសម្រេចចិត្តព្យួរស្បែកជើងច្រើនជាងបន្ត ពោលគឺត្រឹមតែចប់ FIFA World Cup 2022 ខាងមុខ អាចជាភារកិច្ចចុងក្រោយរបស់លោកជាមួយជម្រើសជាតិអាហ្សង់ទីន៕
ប្រភព៖ SoccerLaduma