កាលពីម្សិលមិញ UEFA បានប្រកាសនៅគ្រាប់បាល់ល្អបំផុតទាំង ១០ ប្រចាំព្រឹត្តិការណ៍ Euro 2020 ដោយក្នុងនោះមានដូចជាគ្រាប់បាល់របស់៖
- Lorenzo Insigne ទល់បែលហ្សិក
- Cristiano Ronaldo ទល់ហុងគ្រី
- Luka Modric ទល់ស្កុតឡែន
- Andriy Yarmolenko ទល់ហូឡង់
- Mikkel Damsgaard ទល់អង់គ្លេស
- Alvaro Morata ទល់អ៊ីតាលី
- Federico Chiesa ទល់អេស្ប៉ាញ
- Patrick Schick ទល់ស្កុតឡែន
- Paul Pogba ទល់ស្វីស
- Kevin de Bruyne ទល់ដាណឺម៉ាក
ដោយឡែកក្នុងចំណោមនោះ UEFA បានសម្រេចផ្អែកតាមសំឡេងរបស់អ្នកគាំទ្រទាំងមូល ហើយក្រោយឆ្លងកាត់សំឡេងជាង ៨០០ ០០០ នាក់ គឺគ្រាប់បាល់ស៊ុតពីចម្ងាយរបស់ Patrick Schick ទល់ស្កុតឡែន ជាគ្រាប់បាល់ដែលល្អដាច់គេ ឬ Goal of the Tournament EURO 2020។
គួរបញ្ជាក់ថា កីឡាកររបស់សាធារណរដ្ឋឆេកខាងលើ គេក៏បានតាមស្មើគ្រាប់បាល់របស់ Cristiano Ronaldo ផងដែរ នៅតំណែងស្បែកជើងមាស គ្រាន់តែចាញ់ចំនួន Assist ១ គត់ទើបធ្វើឲ្យគេត្រូវឈរនៅលេខ ២៕
ទស្សនាវីដេអូខាងក្រោម៖
🇨🇿🙌 After almost 800k votes, Patrik Schick's long-range stunner vs Scotland is UEFA EURO 2020 Goal of the Tournament! ⚽️💥#EUROGOTT @GazpromFootball #EURO2020 pic.twitter.com/qBENMPj25b
— UEFA EURO 2024 (@EURO2024) July 14, 2021
ប្រភព៖ Twitter
អានអត្ថបទបន្ទាប់៖ Barcelona ពិចារណាផ្ដល់ជូន Griezmann ជាថ្នូរនាំយកខ្សែបម្រើម្នាក់របស់ Atletico
សំណើរនៃការដោះដូររវាង Barcelona និង Atletico Madrid ពាក់ព័ន្ធនឹងការត្រលប់របស់ Antoine Griezmann ទៅទឹកដី Wanda Metropolitano វិញ ជាថ្នូរនៃការប្ដូរ Saul Niguez មកទឹកដី Camp Nou។ ការដោះដូរនេះទំនងជាអាចធ្វើទៅបាននេះបើតាមការរាយការណ៍ពីសារព័ត៌មានអេស្ប៉ាញ MARCA។
Barcelona ត្រូវបានរាយការណ៍ថា ខិតកាន់តែជិតក្នុងការបន្ដកិច្ចសន្យាជាមួយតារាងឆ្នើម Lionel Messi រយៈពេល៥ឆ្នាំ ហើយក្លិបត្រូវបន្ថយការចំណាយលើប្រាក់ឈ្នួលកីឡាករ ដើម្បីស្របទៅនឹងច្បាប់ប្រាក់ខែដែលបានកំណត់ដោយ La Liga។
ទោះបី Griezmann បង្ហាញទម្រង់លេងល្អប្រសើរឡើងវិញក្ដី ប៉ុន្ដែដោយសារថ្លៃឈ្នួលខ្ពស់របស់គេ អាចជាបញ្ហាចំបងដែល Barca ចង់លក់រូបគេចេញ ស្របពេលក្លិបទើបនាំយកខ្សែប្រយុទ្ធឆ្នើម Sergio Aguero និង Memphis Depay មកចូលក្រុម។
ដោយឡែក Saul មានបំណងចង់ចាកចេញពី Atletico ក្រោយពុំសូវទទួលបានឱកាសចូលលេងបានទៀងទាត់ ក្រោមការដឹកនាំដោយលោក Diego Simeone ហើយការមកដល់នៃខ្សែបម្រើ Rodrigo de Paul បានជំរុញឱ្យការចាកចេញរបស់គេ កាន់តែមានភាគរយខ្ពស់។ ដូច្នេះការផ្លាស់ប្ដូរគ្នារវាង Griezmann និង Saul អាចត្រូវបានធ្វើឡើងដោយក្លិបធំទាំងពីរនៅអេស្ប៉ាញ៕
ប្រភព៖ Football Espana