អាវលេខ៤របស់អតីតប្រធានក្រុម Real Madrid ខ្សែការពារ Sergio Ramos ដែលបានចាកចេញទៅចូលរួម Paris Saint-Germain ពេលនេះរកបានម្ចាស់ថ្មីហើយ គឺកីឡាករចំណូលថ្មី David Alaba។
នេះជារឿងភ្ញាក់ផ្អើល នៅក្នុងការបង្ហាញខ្លួនក្នុងកម្មវិធី បង្ហាញខ្លួនរបស់ ខ្សែការពារជនជាតិអូទ្រីស Alaba ដោយគេបានក្លាយជាម្ចាស់អាវរបស់ Ramos ដែលធ្លាប់ពាក់ ជាង១០ឆ្នាំសម្រាប់ក្រុមអធិរាជស។
នៅពេលត្រូវបានសួរនាំអំពីជម្រើសនៃការជ្រើសយកអាវលេខ៤នេះ Alaba បាននិយាយថា៖ “ខ្ញុំបាននិយាយទៅកាន់ក្លិបអំពីវា។ ពួកគេផ្ដល់ឱ្យខ្ញុំនូវលេខនេះ។ ខ្ញុំមិនគិតថា មានលេខផ្សេងពីនេះទេ”។
“ខ្ញុំដឹងថាលេខអ្វីដែលមានន័យសម្រាប់ក្លិប ហើយវាបានជំរុញទឹកចិត្តខ្ញុំ។ វាបានបង្ហាញពីកម្លាំង និង ភាពជាអ្នកដឹកនាំ។ ខ្ញុំចង់ផ្ដល់គ្រប់យ៉ាងសម្រាប់លេខនេះ”។
ទោះយ៉ាងណាក្ដី Alaba បានអះអាងថា គេមិនមែនមក Real Madrid ដើម្បីជំនួស Ramos នោះទេ ហើយអ្វីដែលគេចង់ធ្វើនោះគឺការបង្កើតភាពជោគជ័យសម្រាប់ខ្លួនឯង៕
ប្រភព៖ Marca
អានអត្ថបទបន្ទាប់៖ លឺដំណឹងថា Real Madrid ចង់បានខ្ញីចាស់មួយរូបទៀត មកចាប់ដៃគូជាមួយ David Alaba
បើតាមរបាយការណ៍ពី RAI SPORT បានចុះផ្សាយថា ក្លឹបអធិរាជស Real Madrid ហាក់កំពុងចាប់អារម្មណ៍លើការនាំយក ខ្សែការពារទំនេរជើង Giorgio Chiellini មកចូលរួមនៅទីផ្សារដោះដូររដូវក្តៅនេះ។
បុរសវ័យ ៣៦ ឆ្នាំដែលទើបតែជួយជម្រើសជាតិអ៊ីតាលីលើកពាន Euro 2020 បានផុតកុងត្រាជាមួយក្លឹប Juventus ហើយ ដោយពេលនេះឈរជើងឥតតម្លៃខ្លួនលើទីផ្សារដោះដូរ ហើយខាងក្លឹបសេះបង្កង់ក៏មិនទាន់មានដំណឹងថាសម្រេចចង់ចរចាផ្តល់កុងត្រាថ្មីនោះដែរ។
យ៉ាងណាគេជឿថាសមត្ថភាពរបស់ Chiellini នៅតែមាន ហើយតាមប្រភពបានឲ្យដឹងថាអ្នកចាត់ការថ្មីលោក Carlo Ancelotti ក៏បានដាក់សំណើទៅថ្នាក់លើឲ្យលៃលកយកកីឡាករឆ្នើមខាងលើមកហើយ។
ប្រសិនជាអាចយកបាន ក៏ជារឿងល្អ ព្រោះអនាគតរបស់ Raphael Varane នៅ Bernabeu ពេលនេះមិនស្ថិតស្ថេរដូចមុនទេ ដូច្នេះបើកីឡាករបារាំងចាកចេញម្នាក់ទៀត នោះតំបន់កណ្តាលនឹងមានចន្លោះប្រហោង អ៊ីចឹង Real នឹងត្រូវរៀបចំសារថ្មីទាំងស្រុង ហើយការចាប់ដៃគូរវាង Alaba និង Chiellini គឺជាគោលដៅមួយដែលគួរតែកើតឡើង៕
ប្រភព៖ RAI SPORT