ក្លឹបបិសាចក្រហម Manchester United ហាក់មិនបញ្ចប់ការនាំយកកីឡាករត្រឹមប៉ុណ្ណេះទេ ដោយក្លឹបបានសម្លឹងឃើញគោលដៅថ្មីមួយរូបទៀតហើយ នោះគឺ Saul Niguez របស់ក្លឹប Atletico Madrid។
ភ្នាក់ងាររបស់កីឡាករវ័យ ២៦ ឆ្នាំបានកំពុងធ្វើដំណើរមកកាន់ចក្រភពអង់គ្លេស ដើម្បីចរចាដោយផ្ទាល់ជាមួយភាគីក្លឹប United នៅថ្ងៃចន្ទ។ នេះបើតាមរបាយការណ៍ពីសារព័ត៌មាន The Mirror បានចុះផ្សាយ។
បញ្ជាក់ថា បុរសវ័យ ២៦ ឆ្នាំ សម្រាប់ United ចង់បានគេ ដោយសារគិតថាក្លឹបប្រហែលមិនអាចរក្សាទុក Paul Pogba បន្តទៅទៀត ហើយគុណភាពរបស់កីឡាករ Atletico អាចសមល្មមនឹងជំនួសកីឡាករបារាំងនៅពេលខាងមុខបាន។ បើតាមតម្លៃខ្លួនរបស់ Saul អាចជាថ្លៃ ៤០-៥០ លានផោន។
គួររំឭកថា Saul បានបង្ហាញខ្លួន ៤១ ប្រកួតឲ្យក្លឹបឈ្នះជើងឯក La Liga កាលពីរដូវកាលមុន ហើយតាមថាគេមិនត្រូវចាកចេញអ្វីនោះទេ តែដោយសារសាមីខ្លួនចង់ភ្លក់រសជាតិការប្រកួតប្រជែងថ្មី ទើបគិតគូរការផ្ទេរមកក្លឹបនៅអង់គ្លេសសារនេះ៕
អានអត្ថបទបន្ទាប់៖ បើយកបានម្ចាស់អាវលេខ ៧ រូបនេះ ក្លឹប Man City នឹងដកចិត្តពី Kane ហើយ
បើតាមរបាយការណ៍ចុងក្រោយចុះផ្សាយថា ក្លឹបមេឃខៀវ Manchester City នឹងសម្រេចដកចិត្តពីការតាមចែ.ចង់យក Harry Kane របស់ក្លឹប Tottenham Hotspur ប្រសិនណាពួកគេសម្រេចយកបាន Jack Grealish នៅពេលដ៏ខ្លីខាងមុខ។
ម្ចាស់អាវលេខ ៧ នៅក្លឹប Aston Villa ត្រូវបានលេចលឺថា ក្លឹបមេឃខៀវព្រមឲ្យតម្លៃផ្ទេរ ១០០ លានផោនឯណោះ ប្រសិនព្រមដើរចេញ ហើយមកចូលរួមនៅ Etihad មុនបិទទីផ្សារដោះដូរនាចុងខែសីហា។
យ៉ាងណា City ក៏នឹងមិនយកម្តងទាំងពីរកើតដែរ ពោលបើបាន Grealish គឺបញ្ចប់ការចង់បាន Kane ហើយបើបាន Kane ក៏នឹងបញ្ចប់ការចង់បាន Grealish។ វាស៊ីសងលើការចរចាផ្ទាល់ តែតាមភាគរយចុងក្រោយនេះ ទំនងជាការនាំយក Grealish ងាយស្រួលជាងការនាំយក Kane ព្រោះអី Spurs ដែលមានលោក Daniel Levy ហាក់ចងជើងកីឡាករអង់គ្លេសជាប់ មិនចង់ឲ្យចេញទាល់តែសោះ។
គួរបញ្ជាក់ថា Grealish សេសសល់សុពលភាពកុងត្រានៅក្លឹបម្ចាស់ដី Villa Park ដល់ឆ្នាំ ២០២៥ តែការលក់ចេញសារនេះ គឺក្លឹបចំណេញលុយទាំង ១០០ លាន ព្រោះអីខ្សែប្រយុទ្ធស្លាបខាងលើ ជាយុវជនថ្នាល ដែលក្លឹបធ្លាប់បណ្តុះបណ្តាលតាំងពីដើមមក។ ការចាយពេលលេងឲ្យឈុតធំ ២១៣ ប្រកួត Grealish រកបាន ៣២ គ្រាប់និង Assist ៤៣ លើក៕
ប្រភព៖ AF