ក្លិបជើងឯកលីគកំពូលអេស្ប៉ាញ Atletico Madrid បានចុះកិច្ចសន្យាផ្ទេរ Antoine Griezmann ក្រោមលក្ខខណ្ឌខ្ចីជើងពី Barcelona។ Atletico នឹងចំណាយលើប្រាក់ឈ្នួលរបស់កីឡាកររូបនេះ ព្រមទាំងទទួលបានលក្ខខណ្ឌក្នុងការទិញផ្ដាច់កុងត្រាកីឡាករជនជាតិបារាំងពី Barca ផងដែរ។
Griezmann រកគ្រាប់បាល់បាន១៣៣គ្រាប់ ក្នុងការបង្ហាញខ្លួន២៥៧ប្រកួតសម្រាប់ Atletico Madrid ក្រោយចាកចេញក្នុងឆ្នាំ ២០១៩ បន្ទាប់ពី Barcelona ចំណាយ ១០៧លានផោនយកគេមកកាន់ទឹកដី Camp Nou។
ម្ចាស់ពាន World Cup 2018 រូបនេះ ជាកីឡាករទី៣ដែលចាកចេញពី Barcelona ថ្ងៃចុងក្រោយនៃការដោះដូរ បន្ទាប់ពីខ្សែការពារ Emerson Royal ដែលចូលរួម Tottenham Hotspur ក្នុងតម្លៃ ២៥,៨លានផោន និង Ilaix Moriba ដែលផ្ទេរទៅ RB Leipzig ក្នុងតម្លៃ ១៣,៧លានផោន។
បន្ទាប់ពីយកបាន Griezmann ត្រលប់មកវិញ ក្លិប Atetico Madrid ក៏បានបញ្ចេញខ្សែបម្រើ Saul Niguez ទៅក្លិប Chelsea ក្នុងលក្ខខណ្ឌខ្ចីជើង ១រដូវកាល៕
ប្រភព៖ BBC
អានអត្ថបទបន្ទាប់៖ [ផ្លូវការ] ក្លឹប Juventus រកបានអ្នកថ្មីហើយ ក្រោយតារាឆ្នើម C.Ronaldo ចាកចេញ
មុនបិទទីផ្សារដោះដូរនៅយប់ថ្ងៃស្អែកនេះ ក្លឹបសេះបង្កង់ Juventus ក៏បានសម្រេចការផ្ទេរចូលនៅខ្សែប្រយុទ្ធថ្មីមួយរូប មកបំពេញតំណែងរបស់ Cristiano Ronaldo នោះគឺជាកីឡាករ Moise Keane តែនេះជាការផ្ទេរខ្ចីជើង មិនមែនទិញផ្តាច់។
ក្លឹបមានមូលដ្ឋានក្នុងទីក្រុង Turin បានព្រមព្រៀងជាមួយភាគី Juventus ក្នុងការខ្ចីជើង Keane រយៈពេល ២ ឆ្នាំ ពោលនឹងផុតកុងត្រានៅចុងខែមិថុនា ឆ្នាំ ២០២៣ ជាមួយសិទ្ធអាចទិញផ្តាច់កុងត្រាតម្លៃ ២៨ លានអឺរ៉ូ។
ប្រិយមិត្តប្រាកដជាចាប់អារម្មណ៍ទៅលើ Keane ហើយបើសួរអ្នកគាំទ្រ Juventus នោះកាន់តែស្គាល់គេច្បាស់ ព្រោះអីកីឡាករអ៊ីតាលីរូបនេះ ក៏ធ្លាប់ជាអតីតយុវជននៅក្លឹបសេះបង្កង់ផងដែរ ហើយត្រូវបានក្លឹបលក់ចេញឲ្យទៅ Everton កាលពីឆ្នាំ ២០១៩។ ចាយពេលនៅ Everton គេមិនសូវជោគជ័យទេ លុះ PSG ខ្ចីជើងទើបឃើញរាងល្អជាងមុនបន្តិច ដោយ ៤១ ប្រកួត រកបាន ១៧ គ្រាប់និង Assist ១ លើក។
Keane ទំនងជាត្រូវបានលោក Massimilliano Allegri ប្រើប្រាស់នៅតំណែងប្រយុទ្ធកណ្តាល ព្រោះអីសព្វថ្ងៃមិនមាននរណាអាចមានលទ្ធភាពបញ្ចប់ទីនៅប្រយុទ្ធកណ្តាលច្បាស់នោះទេ បន្ទាប់ពី Ronaldo ចាកចេញ។ ស្របពេលដែលតំណែងស្លាប សម្រាប់ក្លឹបអាចថាមិនជាបញ្ហាអ្វីឡើយ៕
ប្រភព៖ TransferMarkt