អ្នកចាត់ការ Ronald Koeman បានបាត់បង់កីឡាករម្នាក់ក្នុងតំបន់ប្រយុទ្ធ នៅថ្ងៃចុងក្រោយនៃការដោះដូរគឺខ្សែប្រយុទ្ធ Antoine Griezmann ដែលត្រូវបានដាក់ឱ្យ Atletico Madrid ខ្ចីជើង។
ខ្សែប្រយុទ្ធជនជាតិបារាំងរូបនេះ ទទួលបានឱកាសបង្ហាញថាគេអាចជំនួស Lionel Messi ដែលទើបតែចេញទៅ ប៉ុន្ដែមិនមែនដូច្នេះឡើយ អ្នកដែលធ្វើបានលទ្ធផលល្អបំផុតនោះគឺ ខ្សែប្រយុទ្ធចំណូលថ្មី Memphis Depay ទៅវិញទេ។
ដូច្នេះ អ្នកចាត់ការរបស់ Barca នឹងរៀបចំគម្រោងថ្មី ដើម្បីដាក់កីឡាករម្នាក់ផ្សេងទៀតឱ្យលេងនៅក្នងតំណែងរបស់ Griezmann។ Ousmane Dembele ជាជម្រើសត្រឹមត្រូវមួយស្របតាមតំណែងដែលគេលេង ប្រសិនបើអាច fit ក្នុងការប្រកួត ប៉ុន្ដែគេនឹងត្រូវខកខានចូលលេងរហូតដល់ចុងខែតុលា។
កីឡាករតំបន់ប្រយុទ្ធដែលត្រូវបានប្រើអាចជា Memphis, Martin Braithwaite និង Ansu Fati នៅពេលដែលគេអាចលេងបានឡើងវិញ។ នៅក្នុងស្ថានភាពនេះ Braithwaite ទំនងប្ដូរទៅលេងស្លាបខាងស្ដាំ។
Yusuf Demir ជាជម្រើសមួយផ្សេងទៀត។ គេបានបង្ហាញខ្លួនលើកដំបូង សម្រាប់ក្រុមធំរួចទៅហើយ។ តែអ្វីដែលពិបាកយល់នោះគឺ ស្ថានភាពរបស់ Philippe Coutinho។ កីឡាករជនជាតិប្រេស៊ីល បានហ្វឹកហាត់មួយសប្ដាហ៍ទៅហើយ ប៉ុន្ដែមិនទាន់បានចូលលេងទេនៅក្នុងរដូវកាលនេះ។ គេបានអង្គុយបម្រុងក្នុងការប្រកួតទល់នឹង Getafe។
លោក Koeman និយាយថា Fati មិនទាន់ត្រៀមខ្លួនរួចរាល់នៅឡើយទេ សម្រាប់ការប្រកួតទល់នឹង Sevilla ខណៈ Luuke de Jong ដែលទើបតែត្រូវបានខ្ចីជើងពីក្លិបនេះ អាចជាជម្រើសដែលលោក Koeman ត្រូវគិតគូរដែរ៕
ប្រភព៖ SPORT
អានអត្ថបទបន្ទាប់៖ [ផ្លូវការ] អតីតដៃគូចាស់របស់ Ronaldo ប្រកាសចូលនិវត្ត ត្រឹមអាយុ ៣៥ ឆ្នាំ
ដំណឹងផ្លូវការបានចុះផ្សាយនៅព្រឹកថ្ងៃទី ៤ កញ្ញា ឆ្នាំ ២០២១ ពាក់ព័ន្ធនឹងដំណឹងផ្លូវការ អំពីការប្រកាសចូលនិវត្តរបស់ខ្សែប្រយុទ្ធ Mario Mandzukic ដែលធ្លាប់ជាមិត្តរួមក្រុមរបស់ Cristiano Ronaldo កាលនៅក្លឹប Juventus។
អតីតខ្សែប្រយុទ្ធវ័យទើបតែ ៣៥ ឆ្នាំ បានឈរជើងលើកចុងក្រោយឲ្យក្លឹប AC Milan ក្រោយពីទំនេរជើងរយៈពេលជាងកន្លះឆ្នាំ។ ការផ្ទេរមកក្លឹបនៅប្រទេសអ៊ីតាលី បុរសសញ្ជាតិក្រូអាត ពុំបានលេងទៀងទាត់នោះទេ ដោយបង្ហាញខ្លួន ១១ ប្រកួត ភាគច្រើនបម្រុងសរុបបានតែ ២៨៧ នាទី មិនអាចរកបានសូម្បីមួយគ្រាប់។
និយាយពីជោគជ័យរបស់ Mandzukic គេបានផ្លែផ្កាច្រើន កាលនៅក្លឹបសេះបង្កង់ Juventus ដោយ ១៦២ ប្រកួត រកបាន ៤៤ គ្រាប់និង Assist ១៧ លើក។ ជាមួយការលេងឲ្យជម្រើសជាតិឯណេះវិញ ខ្សែប្រយុទ្ធកណ្តាល បានចូលនិវត្តតាំងពីឆ្នាំ ២០១៨ ពោលក្រោយចប់ព្រឹត្តិការណ៍ FIFA World Cup នៅឯរុស្ស៊ី ដែលក្រុមឡើងបានដល់វគ្គផ្តាច់ព្រ័ត្រ ។ ស្ថិតិនៅក្រូអាត គេបង្ហាញខ្លួន ៨៩ ប្រកួត រកបាន ៣៣ គ្រាប់។
គួររំឭកថានៅឆ្នាំ ២០២១ នេះកីឡាករកំពូលៗដែលបានចូលនិវត្ត ក្រៅពី Mandzukic គឺមានផ្សេងទៀតដូចជា Wayne Rooney, Antonio Valencia, Yohan Cabaye, Goran Pandev និង Lars Bender ជាដើម៕
ប្រភព៖ Football-Espana